Name

Latifa Khamis Juwakali

Sex

Female

Party

CCM

Constituent

Special Seats

Primary Question

MHE. LATIFA KHAMIS JUWAKALI aliuliza: -

Je, Serikali haioni haja ya kutenga walau asilimia tano kwa kila mradi wa kisekta ili kuwagusa vijana?

Name

Paschal Katambi Patrobas

Sex

Male

Party

CCM

Constituent

Shinyanga Mjini

Answer

NAIBU WAZIRI, OFISI YA WAZIRI MKUU, KAZI, AJIRA, VIJANA NA WENYE ULEMAVU (MHE. PASCHAL P. KATAMBI) alijibu: -

Mheshimiwa Mwenyekiti, kwa niaba ya Mheshimiwa Waziri Mkuu naomba kujibu swali la Mheshimiwa Latifa Khamis Juwakali, Mbunge wa Viti Maalum, kama ifuatavyo: -

Mheshimiwa Mwenyekiti, Serikali inatambua na kuthamini umuhimu wa kuwawezesha vijana katika kila sekta. Kwa sasa, Serikali inawezesha makundi mbalimbali ikiwa ni pamoja na: -

(i) Kutenga 30% ya zabuni itakayotekelezwa katika Halmashauri zote nchini;

(ii) Kupitia mapato ya ndani ya halmashauri zote nchini, Serikali imeendelea kutenga 10% ya mapato; asilimia nne kwa ajili ya vijana, asilimia nne kwa ajili ya wanawake, na asilimia mbili kwa ajili ya watu wenye ulemavu kwa masharti nafuu; na

(iii) Kupitia Ofisi ya Waziri Mkuu, Kazi, Vijana, Ajira na Watu Wenye Ulemavu, Serikali kupitia Mfuko wa Maendeleo ya Vijana inawezesha miradi ya vijana.

Mheshimiwa Mwenyekiti, Serikali itaendelea kushirikiana na sekta mbalimbali kutathmini na kuboresha sera na miongozo yake ili kuhakikisha kuwa vijana wanaendelea kutengewa fedha kwa ajili ya kuanzisha na kuendeleza miradi pamoja na kuwekewa sera rafiki zaidi kuwawezesha kujipatia mitaji, ahsante.