Name

Aleksia Asia Kamguna

Sex

Female

Party

CCM

Constituent

Special Seats

Primary Question

MHE. ALEKSIA A. KAMGUNA aliuliza: - Je, Serikali imejipangaje kukomesha migogoro kati ya wakulima na wafugaji?

Supplementary Question 1

MHE. ALEKSIA A. KAMGUNA: Mheshimiwa Mwenyekiti, ahsante, nashukuru kwa majibu mazuri ya Serikali lakini katika Mkoa wetu wa Morogoro una maeneo mengi ambayo hayajapimwa na yeye anaseme kwamba mpango unaendelea;

Je, Serikali imejipangaje kuwa na mikakati ya dharura kukomesha hiyo hali inayoendelea kwa hivi sasa, ambayo wafugaji wanawafanyia mambo ambayo siyo sahihi wakulima wa kuwalishia katika mashamba yao?

Mheshimiwa Mwenyekiti, swali langu la pili ni kwamba, kwa kuwa Serikali bado inaendelea na hiyo mikakati yake ya mipango, haijatekeleza bado;

Je, imejipangaje kuwafidia wakulima walioliwa mazao yao ili kuwapunguzia makali ya maisha?

Name

Geophrey Mizengo Pinda

Sex

Male

Party

CCM

Constituent

Kavuu

Answer

NAIBU WAZIRI WA ARDHI, NYUMBA NA MAENDELEO YA MAKAZI: Mheshimiwa Mwenyekiti, naanza na swali la nyongeza la kwanza, kuhusu mikakati ya haraka katika kuzuia migogoro hii. Mwarobaini wake kwa kweli ni kupima vijiji hivi ambavyo kasi yake siyo mbaya sana. Nakuomba tu Mheshimiwa Mbunge uwe na imani kabisa na Serikali kwamba tunakwenda kwa kasi kubwa na tunajitahidi sana kupata fedha. Pia nitakwangalizia katika Mkoa wako wa Morogoro ni vijiji vingapi viko kwenye mradi ili kukupa ile comfort yako.

Mheshimiwa Mwenyekiti, kwenye suala la fidia, mamlaka za halmashauri zimeweka utaratibu wa jinsi ya kudhibiti mwingiliano wa maisha haya ya wakulima na wafugaji. Natoa rai kwa mamlaka hizo ngazi ya wilaya na za vijiji; wana utaratibu. Hatuna utaratibu wa kawaida wa kusema, ng’ombe wa Juma akila kwenye shamba la Fatuma, Serikali ikalipe. Ni wajibu wa alieyepeleka ng’ombe katika eneo lile kulipa gharama za hasara aliyoisababisha wakati anatambua kwamba alikwenda kulisha kwenye shamba la watu.

Mheshimiwa Mwenyekiti, kwa hiyo, mamlaka za Serikali za vijiji, kata hadi wilaya zisimamie kwa ukaribu sana kuweka nidhamu ya hawa wafugaji kutambua kwamba, nguvu ya wakulima ni kulima mashamba na wao nguvu yao ni kufuga mifugo ili kuweka nidhamu ya jinsi ya kutumia maeneo yao waliyonayo kwa hekima kabisa.

Name

Jeremiah Mrimi Amsabi

Sex

Male

Party

CCM

Constituent

Serengeti

Primary Question

MHE. ALEKSIA A. KAMGUNA aliuliza: - Je, Serikali imejipangaje kukomesha migogoro kati ya wakulima na wafugaji?

Supplementary Question 2

MHE. JEREMIAH M. AMSABI: Mheshimiwa Mwenyekiti, ahsante sana. Kwa kuwa mgogoro wa ardhi kati ya Kijiji cha Remung'orori Wilayani Serengeti na Kijiji cha Mekomariro Wilayani Bunda, umedumu kwa muda mrefu na umekuwa na athari nyingi mbaya kwa Wananchi wa Remung'orori Wilayani Serengeti. Sasa Serikali ina mkakati gani madhubuti wa kumaliza mgogoro huu? Ahsante.

Name

Geophrey Mizengo Pinda

Sex

Male

Party

CCM

Constituent

Kavuu

Answer

NAIBU WAZIRI WA ARDHI, NYUMBA NA MAENDELEO YA MAKAZI: Mheshimiwa Mwenyekiti, napenda kujibu swali la Mheshimiwa Mbunge wa Serengeti, kama ifuatavyo: -

Mheshimiwa Mwenyekiti, kimsingi Serikali imeendelea na mchakato wa kuhakikisha kwamba, maeneo haya yanafidiwa haraka kwa kadri itakavyowezekana. Kwa kushirikiana na Wizara ya Maliasili tutakaa na kuangalia ni uharaka gani tuutumie ili kukamilisha zoezi la eneo hili.

Mheshimiwa Mwenyekiti, namshukuru sana Mheshimiwa Mbunge, amekuwa mfuatiliaji wa mgogoro huu ambao kimsingi tutakapokutana na wenzetu wa maliasili tutaona namna gani twende kuumaliza ili wananchi waweze kwendelea na shughuli zao za kawaida…

Name

Mussa Ramadhani Sima

Sex

Male

Party

CCM

Constituent

Singida Mjini

Primary Question

MHE. ALEKSIA A. KAMGUNA aliuliza: - Je, Serikali imejipangaje kukomesha migogoro kati ya wakulima na wafugaji?

Supplementary Question 3

MHE. MUSSA R. SIMA: Mheshimiwa Mwenyekiti, nakushukuru. Mheshimiwa Naibu Waziri, alifika Singida katika Kata ya Kisaki ili kutatua mgogoro kati ya mwekezaji wa nyuki pamoja na wananchi wa Kata ya Kisaki. Maelekezo aliyoyatoa mpaka sasa hayajatekelezwa.

Je, yuko tayari sasa kuambatana na nami kwenda kutatua mgogoro huu?

Name

Geophrey Mizengo Pinda

Sex

Male

Party

CCM

Constituent

Kavuu

Answer

NAIBU WAZIRI WA ARDHI, NYUMBA NA MAENDELEO YA MAKAZI: Mheshimiwa Mwenyekiti, nipende kujibu swali la Mheshimiwa Mbunge wa Singida Vijijini, kama ifuatavyo: -

Mheshimiwa Mwenyekiti, ni kweli nilifika eneo la Kisaki, na niliambatana na Mheshimiwa Mkuu wa Wilaya ambaye tayari alikuwa ameshaunda tume na ikamrejeshea mrejesho. Tulielekezana na Mheshimiwa DC kwamba arudi kwa sababu wananchi wale walilalamika kwamba kikao chake alichopeleka majibu kilikuwa ni kikao cha ndani badala ya kuwa kikao cha wananchi wote. Kwa hiyo, napenda kumuomba tena Mheshimiwa DC atekeleze lile ambalo alilipokea kutoka kwenye tume ambayo aliiunda yeye mwenyewe ili mgogoro huu uweze kumalizika.

Mheshimiwa Mwenyekiti, kimsingi ukiangalia katika majibu ya tume aliyounda yalimwelekeza na kutambua kwamba msitu ule ulikuwa ni mali ya Kijiji. Hivyo basi, alitakiwa aende akatoe maelekezo ambayo yangeweza kutatua mgogoro ule ambao unahusisha wanakijiji na mwekezaji wa mashamba ya nyuki; mtu anayejulikana kama Kijiji cha Nyuki pale Singida. (Makofi)

Mheshimiwa Mwenyekiti, kwa hiyo, niko tayari kufuatana naye tena kwa ajili ya kwenda kuusimamia huu mgogoro umalizike. Kwa sababu na sisi hatupati comfort kama hii shughuli imeachwa kwa Mkuu wa Wilaya halafu bado anaendelea kusita katika utekelezaji wa yale aliyoelekezwa. Ahsante.