Name

John Michael Sallu

Sex

Male

Party

CCM

Constituent

Handeni Vijijini

Primary Question

MHE. JOHN M. SALLU aliuliza:- Je, lini Serikali itaanza kupanua barabara ya kutoka Segera – Manga hadi Chalinze?

Supplementary Question 1

MHE. JOHN M. SALLU: Mheshimiwa Spika, nashukuru kwa jibu la Naibu Waziri, lakini nina swali moja la nyongeza.

Mheshimiwa Spika, barabara ya Magole - Turiani - Mziha mpaka Handeni ni barabara ambayo inapita kweye Majimbo manne lakini kuna kile kipande cha kutoka Mziha kwenda Handeni ni kibaya sana na magari yanakwama.

Je, ni lini Serikali itaona umuhimu wa kuweka kipaumbele kwenye barabara hiyo ili iweze kwenda kwenye kiwango cha lami?

Name

Eng. Godfrey Msongwe Kasekenya

Sex

Male

Party

CCM

Constituent

Ileje

Answer

NAIBU WAZIRI WA UJENZI: Mheshimiwa Spika, ahsante. Nakubaliana na Mheshimiwa Mbunge kwamba hiyo barabara ina changamoto lakini pia nimhakikishie Mheshimiwa Mbunge na Wabunge wote wa Jimbo hilo na Watanzania kwamba kwenye swali lake la msingi kupanua ile barabara ni pamoja na Serikali sasa kuanza kujenga barabara mbadala ambayo moja wapo ni hiyo ya Handeni – Mziha – Turiani hadi Magole ambayo tunaamini itakuwa inapunguza msongamano kwenye hiyo barabara pamoja na barabara nyingine za Tanga – Pangani kwenda Bagamoyo.

Mheshimiwa Spika, Mheshimiwa Mbunge atakuwa shahidi kwamba katika bajeti tumepanga kuanza kujenga kilomita 30 kwa kiwango cha lami kuanzia Handeni, tayari tuko kwenye maandalizi ya kuitangaza hiyo Barabara. Ahsante.

SPIKA: Mheshimiwa Priscus Jacob Tarimo, Mbunge wa Moshi Mjini sasa aulize swali lake.