Name

Jesca Jonathani Msambatavangu

Sex

Female

Party

CCM

Constituent

Iringa Mjini

Primary Question

MHE. JESCA J. MSAMBATAVANGU aliuliza: - Je, Serikali ina mpango gani wa kuzisaidia Community Banks kama MUCOBA Bank Iringa ili kukuza uchumi wa Wananchi wa hali ya chini?

Supplementary Question 1

MHE. JESCA J. MSAMBATAVANGU: Mheshimiwa Mwenyekiti, ahsante kwa majibu mazuri ambayo Mheshimiwa Waziri ameyatoa lakini kwa kuwa ni Wizara yake ya Fedha nilitaka nitoe maelezo haya.

Mheshimiwa Mwenyekiti, wakati Benki Kuu inafanya juhudi kubwa ku-rescue Benki ya MUCOBA ya watu wananchi wadogo kabisa mamantilie na wafanyabiashara wadogo waliochanga fedha zao kuanzisha benki hiyo, chombo chao kimoja chini yake TRA kinafanya juhudi kubwa kuhakikisha kwamba benki hii inakufa kwa kuwachukulia fedha zaidi ya milioni 600 ambazo zilichukuliwa katika Benki ya NMB Tawi la Mkwawa kwa kisingizio cha kodi.

Mheshimiwa Mwenyekiti, hao mliowatafutia kupitia Benki Kuu, Benki ya Watu wa Zanzibar kuwekeza katika Benki ya MUCOBA Community, wameshindwa kuendelea na azma ya kuwekeza ku-rescue benki ile kwa sababu wameogopa TRA watakuja tena kuchukua fedha, kwa hiyo, wametoa fedha zao bilioni mbili katika benki ile na kuacha benki ile ikiwa mufilisi, haiwezi kujiendesha tena na fedha za watu wa chini kushindwa kuendelea.

Mheshimiwa Mwenyekiti, swali langu la nyongeza kwenye hapo, mimi naomba kujua nia yenu ya Wizara ya Fedha ya dhati katika kutekeleza 4R za Mheshimiwa Rais hasa kuhakikisha mnarudisha fedha hizo ambazo TRA wamechukua katika Benki ya MUCOBA, kuhakikisha mnarudisha fedha mlizochukua kwenye Bureau de change, kuhakikisha hamuendelei kuwabuguzi wafanyabiashara kwa madeni ya miaka iliyopita. Mpo tayari kama Wizara kuzitekeleza 4R za Mheshimiwa Rais?

Name

Hamad Hassan Chande

Sex

Male

Party

CCM

Constituent

Kojani

Answer

WAZIRI WA FEDHA: Mheshimiwa Mwenyekiti, kwanza nimpongeze Mheshimiwa Mbunge makini kwa ufuatiliaji wa jambo hili linalohusu wananchi wake.

Mheshimiwa Mwenyekiti, naomba niweke kumbukumbu sawa kwamba lile jambo la kwanza fedha hazikuchukuliwa kwa kisingizio cha kodi bali ilikuwa ni kodi halali, lakini naielewa hoja yake kwamba Benki hii inahudumia watu wakawaida na Serikali ya Mheshimiwa Rais imeshafanya jitihada za kuwasaidia.

Mheshimiwa Mwenyekiti, sasa niombe, kwa kuwa Mbunge amekuwa akilifuatilia sana jambo hili, tayari tulishaongea na mamlaka ya mapato Tanzania na wameridhia kukutana na uongozi wa benki hii ili kuweza kuona namna bora ya kuwasaidia na wananchi wale wasiweze kuondoa fedha hizo na kuweza kulimaliza ili benki iweze kujiendesha na kutoa zile huduma.
Mheshimiwa Mwenyekiti, kwa hiyo naomba Mheshimiwa Mbunge, wataarifu Viongozi wa Benki hii waonane na viongozi wa juu kabisa wa Mamlaka ya Mapato ili kuweza kuli-sort hili na kuweza kutoa fursa ili benki iweze kuendelea kufanya kazi. (Makofi)