Name

Cosato David Chumi

Sex

Male

Party

CCM

Constituent

Mafinga Mjini

Primary Question

MHE. COSATO D. CHUMI aliuliza:- Je, Serikali ipo tayari kuiongezea bajeti JKT ili kuiwezesha kuchukua wahitimu wote wa Kidato cha Nne na Sita wenye sifa za kujiunga na JKT?

Supplementary Question 1

MHE. COSATO D. CHUMI: Mheshimiwa Naibu Spika, nashukuru kwa nafasi. Pamoja na majibu mazuri ya Serikali kimsingi Jeshi la Kujenga Taifa wao wanapokea vijana kulingana na bajeti waliyotengewa. Kwa hiyo, swali langu kimsingi nilikuwa nimelielekeza Wizara ya Fedha, kuona kwa namna gani itawaongezea bajeti JKT ili ichukue vijana wengi kadri inavyowezekana. Kwa hivyo, sitakuwa na swali la msingi kwa Mheshimiwa Waziri. (Makofi)

Name

Dr. Stergomena Lawrence Tax

Sex

Female

Party

CCM

Constituent

Nominated

Answer

WAZIRI WA ULINZI NA JESHI LA KUJENGA TAIFA: Mheshimiwa Naibu Spika, nimepokea ushauri wa Mheshimiwa Mbunge na kama nilivyosema katika jibu langu la msingi, tunaendelea kushirikiana na Wizara ya Fedha ili kuongeza bajeti kwa ajili ya makambi pia uendeshaji wa Jeshi la Kujenga Taifa.

Mheshimiwa Naibu Spika, pia naomba nilifahamishe Bunge lako Tukufu kwamba, tumekwishapokea maelekezo kutoka kwenye Kamati ya Mambo ya Nje, Ulinzi na Usalama ya kufanya tathmini, ili kuweza kujua ni kiasi gani kinahitajika, miundombinu kiasi gani inatakiwa ili tuweze kuwachukua vijana wote. Tathmini hii inaendelea, tumekwishatoa taarifa kwamba itakamilika Mwezi wa Sita mwaka huu na baada ya hapo, tutakuja na mpango mkakati ambao utaainisha mahitaji yote na haya tutayafanya kwa kushirikiana na Wizara ya fedha. (Makofi)

Mheshimiwa Naibu Spika, kwa hiyo tukikamilisha tutaleta taarifa kuonesha kwa ujumla wake ni kiasi gani kinahitajika, tumejipanga namna gani na tutaweza kuwachukua vijana hawa kwa utaratibu gani hatua kwa hatua. Naomba kuwasilisha. (Makofi)