Name

Yustina Arcadius Rahhi

Sex

Female

Party

CCM

Constituent

Special Seats

Primary Question

MHE. YUSTINA A. RAHHI aliuliza: - Je, Serikali ina mkakati gani wa kuongeza uzalishaji wa zao la pareto nchini?

Supplementary Question 1

MHE. YUSTINA A. RAHHI: Mheshimiwa Spika, naishukuru Serikali kwa majibu mazuri. Pia, nawapongeza kwa jitihada za kuongeza zao la pareto, lakini nina maswali mawili ya nyongeza.

Mheshimiwa Spika, je, Serikali sasa ina mpango gani wa kujitengenezea viuatilifu vyake kwa kutumia pareto ambayo haina madhara kwa binadamu, rafiki kwa mazingira na pia haijengi usugu kwa wadudu na kupunguza au kuacha kabisa uingizaji wa viuatilifu nchini vinavyotengenezwa kwa kemikali (synthetic) yenye madhara makubwa kwa mazingira na pia kwa afya ya watumiaji?

Mheshimiwa Spika, swali langu la pili, je, Serikali sasa ina mpango gani kuwasaidia wakulima wa pareto Mkoani Manyara hususani Wilaya ya Mbulu na Babati kuwapa pembejeo na pia kuwasaidia vikaushio vya maua ya pareto? Ahsante. (Makofi)

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Spika, mpango wa Serikali katika utengenezaji wa viuatilifu upo katika hatua mbili, hatua ya kwanza tunahamasisha wawekezaji wa viwanda kwa maana ya sekta binafsi kuingia ili waweze kuzalisha viuatilifu na ndiyo maana unaona hata sasa hivi viwanda vimetoka viwili vimefika vinane.

Mheshimiwa Spika, hatua ya pili ya Serikali ni kwamba sisi Serikali tukishirikiana na sekta binafsi kwa maana ya PPP tutafanya shughuli hiyo ili tuweze kuzalisha viuatilifu vinavyotokana na mazao ya pareto.

Mheshimiwa Spika, kuhusu kuwasaidia wananchi wa maeneo ya Mbulu ambayo Mheshimiwa Mbunge ameyataja, hiyo ni sehemu ya mpango wa Serikali kuhakikisha kwamba tunatoa pembejeo pamoja na vikaushio kwa wakulima. Kwa hiyo, kila mwaka wa bajeti mipango hii tunaendelea kuiweka. Ahsante.