Name

Oran Manase Njeza

Sex

Male

Party

CCM

Constituent

Mbeya Vijijini

Primary Question

MHE. ORAN M. NJEZA aliuliza:- Je, lini Serikali itamaliza mgogoro wa muda mrefu wa ardhi kati ya TANAPA Kitulo/TFS na wananchi wa Kata za Ilungu, Igoma na Inyala?

Supplementary Question 1

MHE. ORAN M. NJEZA: Mheshimiwa Mwenyekiti, nashukuru sana na pia nashukuru kwa majibu ya Serikali.

Mheshimiwa Mwenyekiti, kwa kuwa maeneo yaliyotajwa yanatumiwa na wananchi wa kata hizo kwa kilimo kwa karne kadhaa na hawa wananchi wamekuwa vinara wa kutunza mazingira na kwa uthibitisho hao viongozi wawili wa kimila walitambulishwa hapa Bungeni wiki iliyopita kulipokuwa na maadhimisho ya kutunza mazingira.

Je, Mheshimiwa Naibu Waziri yuko tayari sasa akatembelee hayo maeneo akaongee na wananchi na vilevile pamoja na kutatua mgogoro ambao haujaisha akawapongeze kwa ajili ya kutunza mazingira? (Makofi)

Mheshimiwa Mwenyekiti, swali la pili, kwa vile hawa wananchi wamekuwa vinara wa kutunza mazingira na wamefanya vizuri sana na kiasi kwamba wao ni walinzi wazuri kuliko hata hao askari.

Je, Wizara haioni umuhimu wa kuanza kushirikiana na wananchi kutoa misaada ya CSR kwa ajili ya kuwashirikisha ili kuwapa motisha ya kutunza mazingira? Nashukuru. (Makofi)

Name

Dunstan Luka Kitandula

Sex

Male

Party

CCM

Constituent

Mkinga

Answer

NAIBU WAZIRI WA MALIASILI NA UTALII: Mheshimiwa Mwenyekiti, naomba kujibu maswali mawili ya Mheshimiwa Mbunge, kama ifuatavyo:-

Mheshimiwa Mwenyekiti, kuhusiana na swali lake la kwanza, niko tayari kwenda kutembelea eneo hili ili tuweze kufanya hayo ambayo ameeleza.

Mheshimiwa Mwenyekiti, kuhusiana na swali la pili, Wizara kupitia taasisi zetu tuna mipango ya ujirani mwema kwa wananchi wanaozunguka kwenye maeneo ya hifadhi zetu. Niwaagize wataalamu wetu walioko uwandani waende kwenye maeneo yanayozunguka hifadhi hii ili wakafanye kazi ya kutoa elimu kwa wananchi kuhusu uibuaji wa miradi ya kijamii ili hatimaye miradi hiyo iweze kupata ufadhili.

Name

Francis Kumba Ndulane

Sex

Male

Party

CCM

Constituent

Kilwa Kaskazini

Primary Question

MHE. ORAN M. NJEZA aliuliza:- Je, lini Serikali itamaliza mgogoro wa muda mrefu wa ardhi kati ya TANAPA Kitulo/TFS na wananchi wa Kata za Ilungu, Igoma na Inyala?

Supplementary Question 2

MHE. FRANCIS K. NDULANE: Mheshimiwa Mwenyekiti, je, ni lini Serikali itamaliza mgogoro wa mpaka kati ya Pori la Akiba la Selous na Kijiji cha Mtepela? (Makofi)

Name

Dunstan Luka Kitandula

Sex

Male

Party

CCM

Constituent

Mkinga

Answer

NAIBU WAZIRI WA MALIASILI NA UTALII: Mheshimiwa Mwenyekiti, naomba kujibu swali la nyongeza la Mheshimiwa Mbunge, kama ifuatavyo:-

Mheshimiwa Mwenyekiti, utatuzi wa migogoro ni mchakato na tunavyozungumza kuna mchakato wa utatuzi unaendelea. Namwomba Mheshimiwa Mbunge awe na subira tukamilishe kazi ile ili tuweze kuondokana na changamoto hii.

Name

Japhet Ngailonga Hasunga (CPA)

Sex

Male

Party

CCM

Constituent

Vwawa

Primary Question

MHE. ORAN M. NJEZA aliuliza:- Je, lini Serikali itamaliza mgogoro wa muda mrefu wa ardhi kati ya TANAPA Kitulo/TFS na wananchi wa Kata za Ilungu, Igoma na Inyala?

Supplementary Question 3

MHE. JAPHET N. HASUNGA: Mheshimiwa Mwenyekiti, ni lini Serikali itamaliza mgogoro uliopo katika Kitongoji cha Isela, Kijiji cha Ndolezi na eneo la Kimondo kati ya wananchi na Ngorongoro?

Name

Dunstan Luka Kitandula

Sex

Male

Party

CCM

Constituent

Mkinga

Answer

NAIBU WAZIRI WA MALIASILI NA UTALII: Mheshimiwa Mwenyekiti, kama nilivyosema kwenye swali lililopita, utatuzi wa migogoro ni mchakato naomba tutoe fursa kwa Serikali iweze kushughulikia migogoro hii ili iweze kumalizika.

Name

Bahati Keneth Ndingo

Sex

Female

Party

CCM

Constituent

Mbarali

Primary Question

MHE. ORAN M. NJEZA aliuliza:- Je, lini Serikali itamaliza mgogoro wa muda mrefu wa ardhi kati ya TANAPA Kitulo/TFS na wananchi wa Kata za Ilungu, Igoma na Inyala?

Supplementary Question 4

MHE. BAHATI K. NDINGO: Mheshimiwa Mwenyekiti, nakushukuru, mgogoro kati ya TFS na Kijiji cha Kapyo, Kata ya Mahongole, Wilaya ya Mbarali tayari ulishamalizika baada ya wataalamu wa TFS wa Kanda kukaa kikao cha pamoja na wataalamu wa halmashauri pamoja na wanakijiji. Kinachosubiriwa kutoka Wizarani ni barua ambayo itawaruhusu sasa wale wanakijiji kuendelea na shughuli zao. Ni lini sasa tutapata hiyo barua ili kijiji hiki kiendelee na shughuli zake? (Makofi)

Name

Dunstan Luka Kitandula

Sex

Male

Party

CCM

Constituent

Mkinga

Answer

NAIBU WAZIRI WA MALIASILI NA UTALII: Mheshimiwa Mwenyekiti, naomba nijibu swali la nyongeza la Mheshimiwa Mbunge, kama ifuatavyo:-

Mheshimiwa Mwenyekiti, nitumie fursa hii kuuagiza uongozi wetu wa TFS kwa haraka sana uweze kutoa barua hiyo ili kumaliza jambo hili. (Makofi)