Name

Subira Khamis Mgalu

Sex

Female

Party

CCM

Constituent

Special Seats

Primary Question

MHE. SUBIRA K. MGALU K.n.y. MHE. TWAHA A. MPEMBENWE aliuliza:- Je, ni upi mkakati wa Serikali wa kuweka huduma za Wakala wa Forodha katika Bandari ya Nyamisati?

Supplementary Question 1

MHE. SUBIRA K. MGALU: Mheshimiwa Naibu Spika, ahsante sana kwa kunipa nafasi ya kuuliza maswali mawili ya nyongeza. Kwanza nampa pole Mheshimiwa Mbunge Twaha na wananchi wa Kibiti kwa mafuriko makubwa yanayoendelea kule, lakini pamoja na hayo, nina maswali mawili ya nyongeza, kama ifuatavyo:-

Mheshimiwa Naibu Spika, swali la kwanza; kwa kuwa, jibu la msingi limeonyesha utayari wa Serikali kufungua Ofisi ya Forodha katika Bandari ya Nyamisati; na kwa kuwa, Bandari ya Nyamisati imeonesha ofisi katika Mamlaka ya Mapato (TRA). Naomba kujua, je, Serikali ipo tayari mpaka Desemba, 2024 ofisi hiyo iwe imefunguliwa kwa umuhimu wake wa kuongeza mapato? (Makofi)

Mheshimiwa Naibu Spika, swali la pili; kwa kuwa, wafanyabiashara wa vyombo vya mashua kutoka Zanzibar wapo tayari kusafirisha bidhaa kwa kutumia Bandari ya Nyamisati kwa sababu ina miundombinu iliyo kamili. Je, Mheshimiwa Naibu Waziri yupo tayari kushirikiana na Mbunge Twaha pamoja na mimi Mbunge wa Mkoa kukutana na wafanyabiashara hao ili kuzungumza na kuwatia moyo katika maandalizi ya kutumia Bandari ya Nyamisati? (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Naibu Spika, naomba kujibu maswali mawili ya Mheshimiwa Subira, Balozi wa Mamlaka ya Mapato Tanzania, kama ifuatavyo:-

Mheshimiwa Naibu Spika, Serikali iko tayari na ndiyo maana katika jibu la msingi tumesema Mwaka huu wa Fedha 2024/2025 forodha hiyo itafunguliwa. Kwa hiyo, Serikali iko tayari haitafika Disemba tutakuwa tumeanza zoezi hilo.

Mheshimiwa Naibu Spika, kuhusu swali la pili, Naibu Waziri yuko tayari kuambatana na Mheshimiwa Mbunge Twaha na Mheshimiwa Balozi wetu Bi. Subira kwenda kukaa na wafanyabiashara hao. Ahsante sana.