Name

Eng. Stella Martin Manyanya

Sex

Female

Party

CCM

Constituent

Nyasa

Primary Question

MHE. ENG. STELLA M. MANYANYA aliuliza:- Je, kuna mpango gani wa kufanya mafunzo ya mgambo kuwa sehemu ya mafunzo kwa vijana wanaokosa nafasi ya kujiunga na JKT?

Supplementary Question 1

MHE. ENG. STELLA M. MANYANYA: Mheshimiwa Naibu Spika, kwa kuwa hili Jeshi la Akiba (mgambo) limeonekana kuwa na hadhi tofauti kidogo ikilinganishwa na Jeshi la Kujenga Taifa na tumeshuhudia kwa siku za hivi karibuni kabla ya marekebisho kwamba hata ajira zikitangazwa zilikuwa zinalenga zaidi Jeshi la Kujenga Taifa katika baadhi ya maeneo. Je, Serikali haioni kwamba iko haja sasa ya kuboresha haya mafunzo ya Jeshi la Mgambo ili kuwavutia vijana wengi zaidi waweze kwenda huko na kuwezesha uwiano na Jeshi la Kujenga Taifa ukizingatiwa kwamba Jeshi la Kujenga Taifa halina uwezo kwa sasa wa kuwachukua vijana wote wenye uhitaji wa kupitia huku. Ahsante sana.

Name

Dr. Stergomena Lawrence Tax

Sex

Female

Party

CCM

Constituent

Nominated

Answer

WAZIRI WA ULINZI NA JESHI LA KUJENGA TAIFA: Mheshimiwa Naibu Spika, naomba nijibu swali la nyongeza la Mheshimiwa Mbunge, kama ifuatavyo:-

Mheshimiwa Naibu Spika, kwanza nimpongeze kwa kuendelea kutoa umuhimu kwa Jeshi la Akiba ambalo ni jeshi muhimu sana, kama nilivyotoa majibu katika swali la msingi majeshi haya mawili yameanzishwa kwa madhumuni tofauti, lakini ushauri alioutoa ni ushauri mzuri, ukizingatia sasa hivi tunajaribu kuangalia ni jinsi gani tunaweza tukawachukua vijana wote wanaostahili kwenda kujiunga na Jeshi la Kujenga Taifa. Kwa hiyo pamoja na kwamba mahitaji hayo ya majeshi haya ni tofauti, tutauangalia huo ushauri tuone kama unaweza kufanyiwa kazi namna gani.