Name

Anna Richard Lupembe

Sex

Female

Party

CCM

Constituent

Nsimbo

Primary Question

MHE. ANNA R. LUPEMBE aliuliza:- Je, lini Serikali itajenga minara ya Mawasiliano katika Kata ya Litapunga – Nsimbo?

Supplementary Question 1

MHE. ANNA R. LUPEMBE: Mheshimiwa Naibu Spika, ahsante kwa kunipa nafasi ya kuuliza maswali madogo mawili. Swali la kwanza; kwa kuwa, Kata hii ina vijiji 10 na hakuna mawasiliano kabisa na kwa wakati huu mawasiliano ni biashara na katika shughuli mbalimbali watu wanawasiliana na sasa hivi mkataba umeenda kwenye vijiji viwili. Je, ni lini Serikali itapeleka mawasiliano katika vijiji nane vilivyobaki?

Mheshimiwa Naibu Spika, swali langu la pili; kwa sababu mradi huu wa Vijiji viwili Kaguzi ‘A’ na Kaguzi ‘B’ umechukua muda mrefu, sasa hivi takribani tunaelekea mwaka mzima mradi ule haujakamilika kabisa wala haujajulikana utaanza lini. Je, Waziri yupo tayari kuambatana nami ili aende kuhakikisha na kuona uhalisia wa mradi huo?

Name

Maryprisca Winfred Mahundi

Sex

Female

Party

CCM

Constituent

Special Seats

Answer

NAIBU WAZIRI WA HABARI, MAWASILIANO NA TEKNOLOJIA YA HABARI: Mheshimiwa Naibu Spika, naomba kujibu maswali mawili ya nyongeza ya Mheshimiwa Anna Lupembe, kama ifuatavyo:-

Mheshimiwa Naibu Spika, nampongeza Mheshimiwa Anna Lupembe kwa kufuatilia hili na niseme tu kama yeye alivyosema ni mradi ambao sasa hivi umeshaweza kutekelezwa ndani ya mwaka mmoja na mkataba uliosainiwa ni miezi 24. Kwa hiyo nimtoe hofu Mheshimiwa Mbunge kwamba, mradi huu utatimia ndani ya wakati na nipo tayari kuambatana naye baada ya Bunge hili kwisha.

Mheshimiwa Naibu Spika, nikuhakikishie Mheshimiwa Mbunge kwamba, katika vijiji hivi 10 mara baada ya mchakato kukamilika na niwasihi wenzetu wa mamlaka zinazoshughulikia vibali, kuhakikisha suala hili linapata utekelezaji wake kwa haraka ili huu mnara katika vijiji hivi kumi uweze kutekelezeka.