Supplementary Questions
Name
Dr. Oscar Ishengoma Kikoyo
Sex
Male
Party
CCM
Constituent
Muleba kusini
Primary Question
MHE. DKT. OSCAR I. KIKOYO aliuliza:- Je, lini Serikali itakamilisha ujenzi wa Hospitali ya Wilaya ya Muleba?
Supplementary Question 1
MHE. DKT. OSCAR I. KIKOYO: Mheshimiwa Mwenyekiti, nashukuru kwa majibu mazuri ya Serikali yenye kutia matumaini. Sitakuwa na swali la nyongeza ila naipongeza Serikali kwa kuliona hilo na niwaombe sasa wakajenge hiyo hospitali kwa ajili ya wananchi wa Wilaya ya Muleba. Nakushukuru sana. (Makofi)
Name
Zainab Athuman Katimba
Sex
Female
Party
CCM
Constituent
Special Seats
Answer
NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. ZAINAB A. KATIMBA): Mheshimiwa Mwenyekiti, Mheshimiwa Mbunge ametoa pongezi kwa Serikali kwa kuendeleza ujenzi wa miundombinu hii muhimu na sisi kama Serikali tunapokea pongezi hizo.
Name
Prof. Patrick Alois Ndakidemi
Sex
Male
Party
CCM
Constituent
Moshi Vijijini
Primary Question
MHE. DKT. OSCAR I. KIKOYO aliuliza:- Je, lini Serikali itakamilisha ujenzi wa Hospitali ya Wilaya ya Muleba?
Supplementary Question 2
MHE. PROF. PATRICK A. NDAKIDEMI: Mheshimiwa Mwenyekiti, nakushukuru sana kwa kunipa fursa ya kuuliza swali la nyongeza. Je, ni lini Serikali itakamilisha ujenzi wa Hospitali ya Wilaya inayojengwa kule Mabogini katika Jimbo la Moshi Vijijini?
Name
Zainab Athuman Katimba
Sex
Female
Party
CCM
Constituent
Special Seats
Answer
NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. ZAINAB A. KATIMBA): Mheshimiwa Mwenyekiti, naomba kumhakikishia Mheshimiwa Mbunge kwamba hospitali yake hii ya halmashauri itajengwa kwa sababu katika Mwaka wa Fedha 2024/2025, Serikali imetenga shilingi bilioni 43.84 kwa ajili ya kukamilisha miradi viporo ya hospitali za halmashauri. Kwa hiyo nimhakikishie Serikali inakuja kujenga hospitali hiyo. (Makofi)
Name
Jackson Gedion Kiswaga
Sex
Male
Party
CCM
Constituent
Kalenga
Primary Question
MHE. DKT. OSCAR I. KIKOYO aliuliza:- Je, lini Serikali itakamilisha ujenzi wa Hospitali ya Wilaya ya Muleba?
Supplementary Question 3
MHE. JACKSON G. KISWAGA: Mheshimiwa Mwenyekiti, Halmashauri ya Iringa Vijijini ina majimbo mawili, hospitali ya wilaya ilijengwa katika Jimbo la Ismani ambayo wananchi wa Kalenga hawaitumii kwa sababu ipo mbali sana. Je, ni lini Serikali itajenga hospitali katika Jimbo la Kalenga? Ahsante sana. (Makofi)
Name
Zainab Athuman Katimba
Sex
Female
Party
CCM
Constituent
Special Seats
Answer
NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. ZAINAB A. KATIMBA): Mheshimiwa Mwenyekiti, Serikali inakusudia kusogeza huduma za afya msingi karibu na wananchi na ndiyo maana kila mwaka inatenga fedha kwa ajili ya kuendelea kukamilisha miradi ya hospitali hizi za halmashauri. Kwa hiyo nimhakikishie Serikali ipo kazini na itahakikisha inasogeza huduma ya afya msingi kwa wananchi kwa kuendelea kuleta fedha kwa ajili ya ujenzi wa hospitali hizi za halmashauri.
Name
Festo Richard Sanga
Sex
Male
Party
CCM
Constituent
Makete
Primary Question
MHE. DKT. OSCAR I. KIKOYO aliuliza:- Je, lini Serikali itakamilisha ujenzi wa Hospitali ya Wilaya ya Muleba?
Supplementary Question 4
MHE. FESTO R. SANGA: Mheshimiwa Mwenyekiti, mwaka 2021/2022, Serikali ilitupatia shilingi bilioni moja kwa ajili ya kujenga Hospitali ya Wilaya ya Makete, baada ya hapo hatujapata fedha nyingine yoyote. Je, ni ipi commitment ya Serikali kutuongezea fedha ili Hospitali ya Wilaya ya Makete irudi kwenye hadhi yake ambayo wananchi wa Makete wanaitegemea na ni ahadi ya Serikali? Ahsante.
Name
Zainab Athuman Katimba
Sex
Female
Party
CCM
Constituent
Special Seats
Answer
NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. ZAINAB A. KATIMBA): Mheshimiwa Mwenyekiti, kama nilivyotangulia kujibu hapo awali katika Mwaka wa Fedha 2024/2025, Serikali imetenga jumla ya shilingi bilioni 43.84 kwa ajili ya kuhakikisha inaendelea kuboresha miundombinu katika hospitali zetu hizi, kwa sababu tayari Serikali imekuwa ikitenga fedha kuhakikisha ujenzi wa hospitali hizi unaendelea. Nimhakikishie Mheshimiwa Mbunge kwamba, Serikali italeta fedha kwa ajili ya kuboresha na kukamilisha miundombinu katika hospitali yako.
Name
Charles Muguta Kajege
Sex
Male
Party
CCM
Constituent
Mwibara
Primary Question
MHE. DKT. OSCAR I. KIKOYO aliuliza:- Je, lini Serikali itakamilisha ujenzi wa Hospitali ya Wilaya ya Muleba?
Supplementary Question 5
MHE. CHARLES M. KAJEGE: Mheshimiwa Mwenyekiti, wakati wa ziara ya Rais Samia mwaka juzi Wilayani Bunda aliagiza hospitali ya halmashauri ijengwe katika Jimbo la Mwibara. Je, ni lini hospitali hiyo itajengwa? Ahsante.
Name
Zainab Athuman Katimba
Sex
Female
Party
CCM
Constituent
Special Seats
Answer
NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. ZAINAB A. KATIMBA): Mheshimiwa Mwenyekiti, ahadi za Viongozi Wakuu wa Nchi ikiwemo Mheshimiwa Rais, Dkt. Samia Suluhu Hassan ni kipaumbele kikubwa sana katika utekelezaji wa miradi hii ya Serikali. Kwa hiyo nimhakikishie Mheshimiwa Mbunge kwamba, Serikali itakuja kuhakikisha kwamba inatekeleza ahadi ya Mheshimiwa Rais.
Name
Saashisha Elinikyo Mafuwe
Sex
Male
Party
CCM
Constituent
Hai
Primary Question
MHE. DKT. OSCAR I. KIKOYO aliuliza:- Je, lini Serikali itakamilisha ujenzi wa Hospitali ya Wilaya ya Muleba?
Supplementary Question 6
MHE. SAASHISHA E. MAFUWE: Mheshimiwa Mwenyekiti, Serikali imetwaa eneo la KIA kwa ajili ya Uwanja wa Ndege na Zahanati ya Tindigani imechukuliwa kwenye eneo hilo. Je, ni lini sasa Serikali itajenga zahanati nyingine kufidia hii ya Tindigani? Ahsante.
Name
Zainab Athuman Katimba
Sex
Female
Party
CCM
Constituent
Special Seats
Answer
NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. ZAINAB A. KATIMBA): Mheshimiwa Mwenyekiti, Serikali kwa kutambua umuhimu wa afya msingi na kadri ya upatikanaji wa fedha itaangalia vipaumbele muhimu kama alichokitaja Mheshimiwa Mbunge ili kuhakikisha kwamba inaboresha na kujenga miundombinu hii muhimu kwa ajili ya utoaji wa huduma za afya msingi.
Name
Boniphace Mwita Getere
Sex
Male
Party
CCM
Constituent
Bunda
Primary Question
MHE. DKT. OSCAR I. KIKOYO aliuliza:- Je, lini Serikali itakamilisha ujenzi wa Hospitali ya Wilaya ya Muleba?
Supplementary Question 7
MHE. BONIPHACE M. GETERE: Mheshimiwa Mwenyekiti, Serikali imetoa shilingi bilioni tatu laki tano mia sita hamsini elfu kwa ajili ya kujenga Hospitali ya Halmashauri ya Wilaya ya Bunda, lakini mpaka leo ni miaka minne hospitali hiyo haijamalizika. Je, ni lini Serikali itamalizia hospitali hiyo ili iweze kufanya kazi kwa Halmashauri ya Bunda? Ahsante.
Name
Zainab Athuman Katimba
Sex
Female
Party
CCM
Constituent
Special Seats
Answer
NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. ZAINAB A. KATIMBA): Mheshimiwa Mwenyekiti, nimhakikishie Mheshimiwa Mbunge kuwa, Serikali imetenga shilingi bilioni 43.84 katika Mwaka wa Fedha 2024/2025 kwa ajili ya kukamilisha miradi viporo ya hospitali za halmashauri. Kwa hiyo nimhakikishie kwamba, Serikali italeta fedha ili kuhakikisha inakamilisha mradi wa hospitali hiyo.