Name

Mwita Mwikwabe Waitara

Sex

Male

Party

CCM

Constituent

Tarime Vijijini

Primary Question

MHE. MWITA M. WAITARA aliuliza: - Je, ni lini Serikali itaweka kituo kidogo cha forodha katika Kata ya Itiryo/Bikonge pamoja na kuweka utaratibu mzuri wa kupata bidhaa kutoka Kenya?

Supplementary Question 1

MHE. MWITA M. WAITARA: Mheshimiwa Mwenyekiti, bahati nzuri Mheshimiwa Waziri alienda Sirari. Ilianza mwanzoni kwamba, nilitaka anieleze utaratibu wa kupata bidhaa moja kwa moja kutoka Kenya na Tanzania. Kwa sababu wale wachuuzi wa kawaida hawaruhusiwi kupitisha bidhaa pale na Jumamosi gari ya TRA ilimfukuza kijana akiwa na bidhaa ya plastiki ikampiga ikamwingiza kwenye mtaro na ninavyozungumza ndugu zake wameshazika.

Mheshimiwa Mwenyekiti, sasa anachozungumza hapa ni habari ya mikonge ambayo niliuliza mwaka jana. Bidhaa kutoka Kenya, sasa hivi kule Sirari mbolea ya Tanzania ni ghali kuliko ya Kenya; hakuna utaratibu hata wa kawaida kwa wakulima. Mabati yanatoka Kenya, ya Tanzania ni ghali. Sasa nataka nipate majibu kwamba ni lini Mheshimiwa Waziri ataweka utaratibu wa kawaida? Mtu wa kawaida bati 10 au tano, cement, mafuta ya kula, sukari wanapataje kutoka Kenya kuliko wale ambao wananunua kwa bulk procurement? Ahsante. (Makofi)

Name

Dr. Mwigulu Lameck Nchemba Madelu

Sex

Male

Party

CCM

Constituent

Iramba Magharibi

Answer

WAZIRI WA FEDHA: Mheshimiwa Mwenyekiti, kwa mujibu wa Sheria bidhaa yeyote inayotoka nje ya nchi hata kama ni kalamu moja inapaswa kufuata utaratibu. Kwa hiyo anachokisema Mheshimiwa Mbunge anasemea kwamba kama mtu wa kawaida akiwa na bati 15 au 20. Kwa mujibu wa utaratibu, bidhaa yoyote inayotoka nje inatakiwa ifuate utaratibu wa kuvuka mpaka.

Mheshimiwa Mwenyekiti, kwa hiyo tunachoweza tu kufanya sasa hivi tunaongea na wenzetu wa Ofisi ya Rais, TAMISEMI kuangalia si tu kwa mpaka wa mikonge na maeneo mengine kuangalia utaratibu wa kuwarahisishia wananchi ambao wanatoka maeneo ya mbali zaidi na hicho ndiyo ambacho tunafanyia tathimini. Kwa sababu yako maeneo yale nilishamsikia ndugu yangu wa Ngorongoro, nimemsikia ndugu yangu wa Kakonko na mipaka mingine mingi Waheshimiwa Wabunge mmekuwa mkiongelea. Kwa hiyo tunatafuta jawabu la moja kwa moja kwa wananchi ambao wako mbali sana na mpaka na bidhaa walizobeba siyo nyingi, lakini kwa Sheria ilivyo sasa hivi bidhaa yoyote inatakiwa ipite mpaka ulio rasmi na iweze kuwa cleared na customs.

Mheshimiwa Mwenyekiti, kwa hiyo kwa hoja za Waheshimiwa Wabunge tunaendelea kushauriana na wenzetu Ofisi ya Rais, TAMISEMI ambao coverage yao iko kubwa kuliko ofisi zetu za forodha ili tuweze kuona namna ambavyo tunaweza tukawarahisishia wananchi wa mipakani. (Makofi)

Name

Condester Michael Sichalwe

Sex

Female

Party

CCM

Constituent

Momba

Primary Question

MHE. MWITA M. WAITARA aliuliza: - Je, ni lini Serikali itaweka kituo kidogo cha forodha katika Kata ya Itiryo/Bikonge pamoja na kuweka utaratibu mzuri wa kupata bidhaa kutoka Kenya?

Supplementary Question 2

MHE. CONDESTER M. SICHALWE: Mheshimiwa Mwenyekiti, nakushukuru kwa nafasi. Mheshimiwa Waziri mwaka 2021, ulifika Jimboni kwetu Momba ukafanya ziara, ukaangalia pale mahali tulikuwa tunapendekeza kupata Kituo cha Forodha Chipumpu, Kata ya Kapele. Kwa taarifa nilizonazo ni kwamba wenzetu wa Zambia pia wametembelea upande ule wameona panafaa. Swali letu; je, mmefikia wapi mpaka sasa ili tuweze kupata hicho Kituo cha Forodha kipya ambacho kina maslahi mapana sana kwa Taifa letu lakini na kwa mapato ndani ya Halmashauri ya Jimbo la Momba? (Makofi)

Name

Dr. Mwigulu Lameck Nchemba Madelu

Sex

Male

Party

CCM

Constituent

Iramba Magharibi

Answer

WAZIRI WA FEDHA: Mheshimiwa Mwenyekiti, ni kweli nilipita katika eneo lile nilishaliona na tathmini hiyo inaendelea. Kupitia vikao vya pamoja vya ujirani mwema ambavyo ni high-level ambavyo vilihusisha viongozi wetu Wakuu wa Nchi ya Tanzania pamoja na Zambia, maelekezo yaliyotolewa ni tufanyie kazi vituo hivyo vyote ili tuweze kupunguza congestion ambayo inatokea pale Tunduma.

Mheshimiwa Mwenyekiti, kwa hiyo hilo ni moja ya jambo ambalo litaendelea kufanyiwa kazi pamoja na kule Kalambo. Kwa hiyo tathimini zitakapokamilika Mheshimiwa Mbunge tutakujulisha na kazi zitaendelea. (Makofi)

Name

Eng. Ezra John Chiwelesa

Sex

Male

Party

CCM

Constituent

Biharamulo Magharibi

Primary Question

MHE. MWITA M. WAITARA aliuliza: - Je, ni lini Serikali itaweka kituo kidogo cha forodha katika Kata ya Itiryo/Bikonge pamoja na kuweka utaratibu mzuri wa kupata bidhaa kutoka Kenya?

Supplementary Question 3

MHE. ENG. EZRA J. CHIWELESA: Mheshimiwa Mwenyekiti, tarehe 20 Desemba, 2016, Serikali ilisaini Mkataba na Kampuni ya Motor Van kwa ajili ya ujenzi wa Kituo cha Forodha cha Nyakanazi kwa thamani ya shilingi bilioni 25. Ujenzi ulianza lakini baadaye ukasimama na Kituo hicho kimetelekezwa na miundombinu ile iliyokuwa imefanyika mwanzo yote inaharibika sasa.

Mheshimiwa Mwenyekiti, naomba kujua kauli ya Serikali, ni lini umaliziaji wa Kituo kile utafanyika ili pesa walipa kodi ambayo ilikuwa imewekezwa pale iweze kukamilika na hatimaye thamani ile ambayo tulitarajia kuipata watu wa Biharamulo tuipate kupitia kituo kile? Ahsante sana. (Makofi)

Name

Dr. Mwigulu Lameck Nchemba Madelu

Sex

Male

Party

CCM

Constituent

Iramba Magharibi

Answer

WAZIRI WA FEDHA: Mheshimiwa Mwenyekiti, hili ni la kiutawala na ni utekelezaji wa mradi ambao unafuata mtiririko wa fedha. Nimelipokea tutaongea na wenzetu wa Mamlaka ya Mapato pamoja na Wizara ya Fedha ili kuweza kuhakikisha kwamba fedha zinafuata mtiririko ili kuweza kukamilisha mradi uliotajwa.