Name

Mariamu Nassoro Kisangi

Sex

Female

Party

CCM

Constituent

Special Seats

Primary Question

MHE. MARIAM N. KISANGI K.n.y. MHE. ENG. MWANAISHA N. ULENGE aliuliza: - Je, nini mkakati wa Serikali kujenga Kiwanda cha Kuchakata Samaki katika Ukanda wa Bahari ya Hindi?

Supplementary Question 1

MHE. MARIAM N. KISANGI: Mheshimiwa Mwenyekiti, ahsante sana kwa kunipa nafasi niweze kuuliza maswali ya nyongeza. Swali la kwanza; kwa kuwa Mkoa wa Tanga umezungukwa na bahari, pamoja na mipango mizuri ya Serikali; je, Serikali haioni haja sasa ya kutoa mafunzo kwa wavuvi wa Mkoa wa Tanga kupitia Chuo cha VETA cha Tanga Mjini na Mkinga kama vile walivyofanya wenzao wa Chato? (Makofi)

Mheshimiwa Mwenyekiti, swali la pili; kwa kuwa Mkoa wa Dar es Salaam umezungukwa na Bahari ya Hindi sehemu za kuanzia Jimbo la Kawe mpaka kule Jimbo la Kigamboni limezungukwa na Bahari ya Hindi lakini sioni kama kuna mpango wowote wa kujenga kiwanda cha kuchakata mazao ya samaki. Je, Serikali ina mpango gani sasa wa kujenga Kiwanda cha Kuchakata Samaki katika Mkoa wa Dar es Salaam? (Makofi)

Name

Alexander Pastory Mnyeti

Sex

Male

Party

CCM

Constituent

Misungwi

Answer

NAIBU WAZIRI WA MIFUGO NA UVUVI: Mheshimiwa Mwenyekiti, nianze na hili la kwanza kwamba kutoa mafunzo kwa wavuvi katika Mkoa wa Tanga. Kwanza Wizara tayari imeshaanza kutoa mafunzo kwa wavuvi katika maeneo mbalimbali nchini. Kwa hivyo tuko tayari pia kuendelea kutoa mafunzo katika Mkoa wa Tanga na kama specific Mheshimiwa Mbunge anajua kuna wavuvi wanahitaji mafunzo pia tuko tayari kuwapa elimu.

Mheshimiwa Mwenyekiti, tayari tumeshaendelea kutoa mafunzo katika Ziwa Victoria, Ziwa Tanganyika na maeneo mbalimbali na sasa tuko tayari kutoa mafunzo katika Mkoa wa Tanga kwa wavuvi wanaozunguka kwenye Bahari ya Hindi.

Mheshimiwa Mwenyekiti, kuhusu mpango wa kujenga viwanda pembezoni. Kama nilivyosema kwenye jibu la msingi kwamba mwambao wa Bahari ya Hindi Serikali tayari ina mpango wa kujenga kiwanda kule Tanga kupitia wawekezaji. Pia, wale maeneo ya Dar es Salaam tuko tayari kujenga viwanda vya kuchakata mazao ya bahari. Kwa mfano kule TAFICO tunafufua hilo Shirika letu la TAFICO ambalo litakuwa na uwezo wa kuchakata mazao yetu ya baharini kwa ajili ya kuyaongeza uthamani, kuongeza ubora na kuyafanya kuwa na thamani katika mazao yetu yote ya baharini.

Mheshimiwa Mwenyekiti, kwa hiyo nimhakikishe Mheshimiwa Mbunge kwamba Serikali inaendelea kujipanga kuhakikisha kwamba tunaongeza viwanda lakini pia tunahamasisha wawekezaji mbalimbali kupitia maeneo mbalimbali ambao wako tayari kuwekeza katika eneo hilo pia tunahamasisha.

Mheshimiwa Mwenyekiti, hata Mheshimiwa Mbunge kama ana nafasi hiyo tunamwomba pia na yeye tushirikiane kwa pamoja kuhamasisha wawekezaji wa mazao hayo ili tuweze kuongeza viwanda vya samaki. Ahsante. (Makofi)

Name

Sophia Hebron Mwakagenda

Sex

Female

Party

CHADEMA

Constituent

Special Seats

Primary Question

MHE. MARIAM N. KISANGI K.n.y. MHE. ENG. MWANAISHA N. ULENGE aliuliza: - Je, nini mkakati wa Serikali kujenga Kiwanda cha Kuchakata Samaki katika Ukanda wa Bahari ya Hindi?

Supplementary Question 2

MHE. SOPHIA H. MWAKAGENDA: Mheshimiwa Mwenyekiti, ahsante kwa kunipa nafasi ya kuuliza swali la nyongeza. Kwa kuwa Ziwa Nyasa ni Ziwa kubwa na lina samaki zaidi ya aina 10; je, hamuoni umuhimu sasa Serikali ikajenga kiwanda cha kuchakata samaki katika Ziwa lile?

Name

Alexander Pastory Mnyeti

Sex

Male

Party

CCM

Constituent

Misungwi

Answer

NAIBU WAZIRI WA MIFUGO NA UVUVI: Mheshimiwa Mwenyekiti, katika Ziwa Nyasa kama alivyosema Mheshimiwa Mbunge Serikali tunaendelea kuhamasisha wawekezaji mbalimbali. Kimsingi Serikali haiwezi kujenga viwanda kila sehemu ndiyo maana Serikali inazidi kuhamasisha wawekezaji mbalimbali kutoka maeneo mbalimbali kuja kuwekeza katika maeneo haya. Kwa hiyo nimhakikishie Mbunge kwamba tutalifanyia kazi, tutatafuta wawekezaji kuja kuwekeza katika eneo hilo. Ahsante.

Name

Esther Nicholus Matiko

Sex

Female

Party

CHADEMA

Constituent

Special Seats

Primary Question

MHE. MARIAM N. KISANGI K.n.y. MHE. ENG. MWANAISHA N. ULENGE aliuliza: - Je, nini mkakati wa Serikali kujenga Kiwanda cha Kuchakata Samaki katika Ukanda wa Bahari ya Hindi?

Supplementary Question 3

MHE. ESTHER N. MATIKO: Kwa kuwa Serikali imeanzisha programu ya kugawa boti na vizimba ambavyo vitapelekea uzalishaji mkubwa sana wa samaki na kwa kuwa Mkoa wa Mara tulikuwa na viwanda vitano vya kuchakata samaki na kwa sasa vimekufa. Nataka nijue ni nini mkakati wa Serikali kuhakikisha kwamba inafufua viwanda vile ili sasa hayo mazao ya samaki ambayo yanavuliwa kutokana na vizimba na boti ambazo mmeanzisha yaweze kupata sehemu ya kuchakatwa? (Makofi)

Name

Alexander Pastory Mnyeti

Sex

Male

Party

CCM

Constituent

Misungwi

Answer

NAIBU WAZIRI WA MIFUGO NA UVUVI: Mheshimiwa Mwenyekiti, ukweli ni kwamba viwanda vilivyokuwa vikizunguka maeneo ya Kanda ya Ziwa vingi vimekufa na vimekufa kwa sababu hakuna mazao yanayoweza kuchakatwa kwenye viwanda hivyo. Kwa hiyo mkakati wa kwanza wa Serikali kama tulivyosema hapo jana kwamba tunahamasisha wavuvi wajikite kwenye ufugaji wa kisasa ambao ni ufugaji wa vizimba. Ufugaji huu wa vizimba production yake itakapoanza automatic viwanda vitarudi vyenyewe.

Mheshimiwa Mwenyekiti, kwa sababu ukweli ni kwamba viwanda vimekufa baada ya kukosa material, sasa raw material zikishapatikana automatic viwanda hivyo vitarudi. Kwa hiyo nimhakikishie Mbunge kwamba tutakapoanza kuzalisha wale samaki kupitia vile vizimba, viwanda lazima vifufuliwe, vifufuke ili kuweza kuchakata mazao hayo ya samaki.