Name

Asha Abdullah Juma

Sex

Female

Party

CCM

Constituent

Special Seats

Primary Question

MHE. ASHA ABDULLAH JUMA auliza: - Je, Serikali ina mpango gani wa kudhibiti mabasi yanayokwepa kuingia stendi na kushusha abiria barabarani?

Supplementary Question 1

MHE. ASHA ABDULLAH JUMA: Mheshimiwa Mwenyekiti, ahsante sana kwa majibu ya Serikali. Kwa kuwa bado kuna ukiukwaji wa utaratibu huu na kwamba bado wananchi wanaosafiri kwa kutumia mabasi ya mbali wanaendelea kupata usumbufu mkubwa barabarani, swali la kwanza; je, ni lini Serikali itaweka vifaa mtandao vya kidijitali kwenye stesheni zote ili kuhakikisha kwamba jambo hili linadhibitiwa kijumla?

Mheshimiwa Mwenyekiti, swali la pili; je, ni lini Serikali itaweka ripoti walau ya mwezi ya kuonesha waliohalifu amri hii na faini au adhabu walizopata ili kuwa fundisho kwa wengine?

Name

Alexander Pastory Mnyeti

Sex

Male

Party

CCM

Constituent

Misungwi

Answer

NAIBU WAZIRI WA UCHUKUZI: Mheshimiwa Mwenyekiti, kama nilivyosema kwenye jibu la msingi. Magari na mabasi makubwa hayafungwi wala kulazimishwa kushusha abiria au kusimama kwenye stendi za wilaya isipokuwa za mkoa. Kwa maana ya stendi za mkoa yale ambayo hayasimami na kwa maana ya hoja ya Mheshimiwa Mbunge, kwamba tuweke mfumo wa kidijitali, tayari Serikali imeshaanza na hivi ninavyozungumza tumeshaanza majaribio katika stendi mbili. Stendi ya Nanenane Jijini Dodoma pamoja na Stendi ya Magufuli Jijini Dar es Salaam. Tunataka tufike wapi? Tunataka tufike mahali msafiri wa basi awe anaona kwenye screen kama inavyokuwa kwenye airport, kwamba basi langu lipo wapi, litafika saa ngapi.

Mheshimiwa Mwenyekiti, kwa upande wa swali lake la pili, kwamba ni lini tutaweka ripoti za wahalifu na faini tulizowapiga hadharani. Kwa sasa Serikali haijaanza mchakato huo au mfumo huo. Tutapokea kama ushauri, tuchakate na kupima kama je, tuko tayari kwa sasa kuanza kuainisha wahalifu wote kwenye nchi yetu, kwamba wamekosa wapi na wamepigwa faini kiasi gani. Tukiona ina tija tutaanza kutekeleza pia.