Name

Muharami Shabani Mkenge

Sex

Male

Party

CCM

Constituent

Bagamoyo

Primary Question

MHE. MUHARAMI S. MKENGE aliuliza:- Je, kuna mkakati gani wa kufufua zao la nazi katika Ukanda wa Pwani hususan Bagamoyo ili kuleta tija kwa wananchi?

Supplementary Question 1

MHE. MUHARAMI S. MKENGE: Mheshimiwa Naibu Spika, nashukuru sana kwa majibu mazuri ya Mheshimiwa Naibu Waziri. Nina maswali mawili ya nyongeza. Kituo cha TARI kilichopo Chambezi, Bagamoyo, ni wazalishaji wakubwa sana wa miche ya minazi. Je, Serikali ina mpango gani kwa hii miche inayozalishwa angalau kuwagawia Wanabagamoyo miche 10 kila kaya ili kuweza kufufua zao la minazi Bagamoyo?

Mheshimiwa Naibu Spika, swali la pili. Je, Wizara sasa haioni umefika wakati wa kuanza kufundisha makundi mbalimbali kuotesha miche ya minazi, kama wanavyofanya kwenye korosho, ili kuleta wingi na uharaka wa uzalishaji wa miche hiyo?

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Naibu Spika, ahsante. Ombi la Mheshimiwa Mbunge la kugawa miche kwa kila Kaya, hilo linazungumzika na linawezekana kutekelezeka kulingana na idadi ya miche. Kwa hiyo, tutaanza kutekeleza hilo kwa kaya na kwa awamu. Kwa hiyo, nakuahidi tu Mheshimiwa Mbunge kwamba tutakuja katika Halmashauri yako ya Bagamoyo na tutalitekeleza hilo.

Mheshimiwa Naibu Spika, kuhusu kuwafundisha wakulima namna ya kupanda miche ya minazi, kwa maana ya kuzalisha miche. Tutaiagiza TARI, Chambezi iliyoko pale Bagamoyo ianze kufanya zoezi hilo ili kupunguza hii adha ya Serikali muda wote kupeleka nguvu kwa wananchi. Kwa hiyo, hilo tutalitekeleza.

Name

Amandus Julius Chinguile

Sex

Male

Party

CCM

Constituent

Nachingwea

Primary Question

MHE. MUHARAMI S. MKENGE aliuliza:- Je, kuna mkakati gani wa kufufua zao la nazi katika Ukanda wa Pwani hususan Bagamoyo ili kuleta tija kwa wananchi?

Supplementary Question 2

MHE. AMANDUS J. CHINGUILE: Mheshimiwa Naibu Spika, zao la karanga na soya lilimwa kwa wingi miaka ya zamani kwenye Jimbo langu la Nachingwea. Kwa kuzingatia mahitaji ya sasa ya mazao haya kwenye soko la dunia, ni nini mpango wa Serikali wa kuhakikisha inafufua zao hili kwenye Jimbo la Nachingwea na maeneo mengine?

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Naibu Spika, mpango wa Serikali ni kuhakikisha tunafufua mazao yote ambayo yamekuwa na tija kubwa kwa wananchi, ikiwemo soya ambayo sasa hivi inapelekwa sana nchini China ambao wamekuwa ni waagizaji wakubwa wa zao hili. Kwa hiyo, jambo hili lipo katika mpango na tumeshazielekeza taasisi zetu za kitafiti ziongeze utafiti na uzalishaji wa mbegu ili tuwafikishie wananchi. Kwa hiyo, wananchi wa Nachingwea wakae tayari kwa jambo hilo kwa sababu liko katika mipango yetu, ahsante. (Makofi)