Name

Shally Josepha Raymond

Sex

Female

Party

CCM

Constituent

Special Seats

Primary Question

MHE. SHALLY J. RAYMOND K.n.y. MHE. JOSEPHAT S. KANDEGE aliuliza: - Je, lini chanzo cha uhakika cha maji ya Ziwa Tanganyika kitatumika katika Vijiji vya Mwambao wa Ziwa na maeneo mengine Mkoa wa Rukwa?

Supplementary Question 1

MHE. SHALLY J. RAYMOND: Mheshimiwa Naibu Spika, ahsante sana na niishukuru Serikali kwa majibu ya uhakika yanayotia moyo na nina hakika kwamba wananchi wa kule Kalambo wameyasikia.

Kwa kuwa tatizo lililopo kule Kalambo mMoani Rukwa, linafanana kabisa na tatizo lililopo katika tambarare ya Mkoa wa Kilimanjaro Wilaya ya Rombo na Wilaya ile tuna Ziwa Chala, ni lini sasa Serikali hii itatumia Ziwa Chala kuwapatia maji safi na salama wananchi wa Wilaya ya Tambarare ya Rombo? (Makofi)

Name

Kundo Andrea Mathew

Sex

Male

Party

CCM

Constituent

Bariadi

Answer

NAIBU WAZIRI WA MAJI: Mheshimiwa Naibu Spika, napenda kujibu swali la nyongeza la Mheshimiwa Mbunge, kama ifuatavyo:-

Mheshimiwa Naibu Spika, ni kweli kabisa kama ambavyo nimejibu katika jibu la msingi, Serikali ipo tayari kutumia vyanzo vya maji vya uhakika katika kuhakikisha kwamba tunawasogezea huduma ya maji wananchi katika maeneo mbalimbali wenye maeneo ya kijiografia yanayofanana na Kalambo kama ambavyo Mheshimiwa Mbunge mama yangu alivyopendekeza.

Mheshimiwa Naibu Spika, kwa upande wa Ziwa Chala tunapokea ushauri huo kama Serikali tutaenda kulifanyia kazi tuone urahisi zaidi kwa namna ambayo maji yataweza kuwafikia kwa gharama ambayo itakuwa inakubalika kwa wananchi wa eneo husika, ahsante sana.

Name

Anatropia Lwehikila Theonest

Sex

Female

Party

CHADEMA

Constituent

Special Seats

Primary Question

MHE. SHALLY J. RAYMOND K.n.y. MHE. JOSEPHAT S. KANDEGE aliuliza: - Je, lini chanzo cha uhakika cha maji ya Ziwa Tanganyika kitatumika katika Vijiji vya Mwambao wa Ziwa na maeneo mengine Mkoa wa Rukwa?

Supplementary Question 2

MHE. ANATROPIA L. THEONEST: Mheshimiwa Naibu Spika, nakushukuru. Vijiji vingi vya Wilaya ya Kyerwa havina maji safi na salama licha ya kwamba tuna vyanzo vya kuaminika vya Mto Kagera lakini pia na Ziwa Victoria. Kata za Songambele, Lwabwele, Nyakatuntu, Businde, Bugara kuna changamoto kubwa ya maji.

Mheshimiwa Naibu Spika, nataka kujua ni lini Serikali itatumia hivi vyanzo vya uhakika vya mto Kagera na Ziwa Victoria kuwapatia wananchi wa Wilaya ya Kyerwa maji safi na salama? Nakushukuru.

Name

Kundo Andrea Mathew

Sex

Male

Party

CCM

Constituent

Bariadi

Answer

NAIBU WAZIRI WA MAJI: Mheshimiwa Naibu Spika, napenda kujibu swali la Mheshimiwa Mbunge, kama ifuatavyo: -

Mheshimiwa Naibu Spika, namshukuru sana Mheshimiwa Mbunge kwa swali zuri kwa ajiri ya wananchi wa Kyerwa lakini pia Serikali imeshatoa kibali cha kutangazwa kwa Mradi wa Songambele wa shilingi bilioni 1.9 lakini vilevile Mradi wa Kigologolo kisima kimeshachimbwa. Nawapongeza sana waheshimiwa wabunge wote kwa kushirikiana na Mbunge wa Jimbo, Mheshimiwa Bilakwate, mmefuatilia kwa ukaribu sana mradi huu na sisi kama Serikali tutaendelea kuhakikisha kwamba tunawaunga mkono... (Makofi)

NAIBU SPIKA: Mheshimiwa Naibu Waziri, kwa kifupi, kwa kifupi sana.

NAIBU WAZIRI WA MAJI: Mheshimiwa Naibu Spika, nakushukuru sana.

Name

Ally Mohamed Kassinge

Sex

Male

Party

CCM

Constituent

Kilwa Kusini

Primary Question

MHE. SHALLY J. RAYMOND K.n.y. MHE. JOSEPHAT S. KANDEGE aliuliza: - Je, lini chanzo cha uhakika cha maji ya Ziwa Tanganyika kitatumika katika Vijiji vya Mwambao wa Ziwa na maeneo mengine Mkoa wa Rukwa?

Supplementary Question 3

MHE. ALLY M. KASSINGE: Mheshimiwa Naibu Spika, nakushukuru kwa nafasi ya swali moja la nyongeza kwa Mheshimiwa Naibu Waziri.

Mheshimiwa Naibu Spika, Kata ya Lihilimaliyao katika Jimbo la Kilwa Kusini ndiyo kata yenye changamoto ya ukosefu wa maji iliyokithiri zaidi. Hapa Bungeni uliahidi kwamba...

NAIBU SPIKA: Mheshimiwa uliza swali lako.

MHE. ALLY M. KASSINGE: Mheshimiwa Naibu Spika, nauliza swali, lini Mheshimiwa Naibu Waziri atatekeleza ahadi ya kwenda Lihilimaliyao, Kilwa Kusini ili tukatatue changamoto ya maji katika kata hiyo? (Makofi)

Name

Kundo Andrea Mathew

Sex

Male

Party

CCM

Constituent

Bariadi

Answer

NAIBU WAZIRI WA MAJI: Mheshimiwa Naibu Spika, napokea wito wa Mheshimiwa Mbunge na baada ya Bunge lako Tukufu kuahirishwa tutapanga ratiba kwa ajili ya kufika katika eneo hilo na kujionea hali halisi.