Name

Zuberi Mohamedi Kuchauka

Sex

Male

Party

CCM

Constituent

Liwale

Primary Question

MHE. ZUBERI M. KUCHAUKA aliuliza: Je, Serikali ina mpango gani wa kuyauza magari mabovu yaliyopo kwenye halmashauri zetu nchini na kwenye Ofisi za Serikali?

Supplementary Question 1

MHE. ZUBERI M. KUCHAUKA: Mheshimiwa Naibu Spika, kwa majibu mazuri ya Serikali yanayoonesha kwamba kuna juhudi kubwa inafanyika, lakini kwa sababu ya magari haya ya mitambo hii kwenye halmashauri zetu huwa zinachukua muda mrefu sana kiasi kwamba inafanya kwamba Serikali ipate hasara na vingenevyo ni kuwa uchafu kwenye halmashauri zetu.

Je, ni mkakati upi unaofanywa na Serikali kuhakikisha magari haya yanaondolewa kwa wakati na Serikali isiendelee kupata hasara? (Makofi)

Mheshimiwa Naibu Spika, swali la pili, mchakato mzima wa kuyaondoa hayo magari tangu gari linapooneka kwamba haliwezi kutengenezeka mpaka unaenda kuliingiza kwenye mnada mchakato huo unachukua muda gani? (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Naibu Spika, kabla ya kujibu maswali mawili ya Mheshimiwa Kuchauka, naomba nimpongeze kwa ufuatiliaji wa suala hili.

Mheshimiwa Naibu Spika, swali lake la kwanza ni wajibu wa taasisi husika na halmashauri wanaotakiwa kuzipitia na kubaini gari chakavu au vyombo vya moto chakavu na kuripoti kwa kufuata taratibu Serikalini. Kwa hiyo, nielekeze ama niwaombe ndugu zangu wanaoongoza taasisi hizo kufuatilia na kuhakiki, wakibaini kwamba gari hizo ni chakavu basi walete taarifa kwa Wizara ya Fedha, Wizara ya Fedha itahakiki na kutoa vibali kwa ajili ya kuuza.

Mheshimiwa Naibu Spika, swali lake la pili, hakuna muda maalumu, sipokuwa vipo vigezo ambavyo vinaashiria kwamba sasa gari limekuwa chakavu vigezo hivyo kwa mfano kama mileage yaani kama imetembea kilometa zaidi ya 500,000, ama gari umri ambao imeishi umri mrefu zaidi ya miaka nane, lakini ajali kubwa, mazingira ya gari, lakini mabadiliko ya teknolojia, ahsante.

Name

Vita Rashid Kawawa

Sex

Male

Party

CCM

Constituent

Namtumbo

Primary Question

MHE. ZUBERI M. KUCHAUKA aliuliza: Je, Serikali ina mpango gani wa kuyauza magari mabovu yaliyopo kwenye halmashauri zetu nchini na kwenye Ofisi za Serikali?

Supplementary Question 2

MHE. VITA R. KAWAWA: Mheshimiwa Naibu Spika, ahsante sana, kwa kuwa magari haya yapo mengi pia katika Wizara na Taasisi za Serikali na tuna Vyuo vya VETA tulivyojenga nchini vinahitaji magari ya kufundishia.

Je, Serikali haioni ipo haja sasa ya baadhi ya magari haya yakapelekwa kwenye Vyuo vya VETA kwa ajili ya kufundishia utengenezaji wa panel beating (uundaji wa magari) na mechanics na umeme wa magari? Wakati ndio huu. (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Naibu Spika, naomba kujibu swali dogo la nyongeza la Mheshimiwa Kawawa kama ifuatavyo:-

Mheshimiwa Naibu Spika, Mheshimiwa Kawawa ametoa ushauri, ushauri wake umepokelewa tunaenda kuufanyia kazi. (Makofi)