Name

Dr. Thea Medard Ntara

Sex

Female

Party

CCM

Constituent

Special Seats

Primary Question

MHE. DKT. THEA M. NTARA K.n.y. MHE. JANETH E. MAHAWANGA aliuliza: - Je, lini Serikali itaanza rasmi ujenzi wa Daraja kuanzia Magomeni - Jangwani - Fire ili kuondoa adha wanayopata Wananchi wakati wa mvua?

Supplementary Question 1

MHE. DKT. THEA M. NTARA: Mheshimiwa Naibu Spika, pamoja na majibu hayo, naomba kuuliza maswali mawili ya nyongeza, kama ifuatavyo: -

Je, Serikali imefikia hatua gani katika utekelezaji wa mradi wa Bonde la Mto Msimbazi (Dar es Salaam Metropolitan Development Project Phase Two)?

Mheshimiwa Naibu Spika, swali la pili, je, Serikali imejipangaje kuwalipa fidia wananchi wanaoishi katika eneo la mradi wa ujenzi wa Daraja la Jangwani kuanzia Magomeni, Jangwani hadi Fire? Ahsante. (Makofi)

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, naomba kujibu maswali mawili ya nyongeza yaliyoulizwa, kama ifuatavyo: -

Mheshimiwa Naibu Spika, katika ujenzi wa Daraja la Jangwani tunafanya kazi kwa kushirikiana na Ofisi ya Rais, TAMISEMI kwa maana ya ujenzi wa kingo za Mto Msimbazi pamoja na maeneo ambayo Mheshimiwa Mbunge ameyataja. Suala la fidia linaenda sambamba na jitihada hizi za ujenzi kupitia Mradi wa DMDP.

Mheshimiwa Naibu Spika, kwa hiyo, nimwondoe wasiwasi Mheshimiwa Mbunge, Serikali tumejipanga, Wizara ya Ujenzi wakati tunajenga Daraja. Pia Ofisi ya Rais, TAMISEMI kupitia mradi wa DMDP tutashirikiana kuhakikisha ujenzi unaenda sambamba na fidia kwa wananchi, ahsante sana.

Name

Deodatus Philip Mwanyika

Sex

Male

Party

CCM

Constituent

Njombe Mjini

Primary Question

MHE. DKT. THEA M. NTARA K.n.y. MHE. JANETH E. MAHAWANGA aliuliza: - Je, lini Serikali itaanza rasmi ujenzi wa Daraja kuanzia Magomeni - Jangwani - Fire ili kuondoa adha wanayopata Wananchi wakati wa mvua?

Supplementary Question 2

MHE. DEODATUS P. MWANYIKA: Mheshimiwa Naibu Spika, nakushukuru. Barabara ya Itoni - Lusitu ambayo imesimamisha ujenzi kwa takribani 10, na miezi mitatu ijayo mvua itakuwa imeanza. Kwa hiyo, barabara hii kama haitaanza kujengwa, mwaka mzima mkandarasi yupo offsite hakuna kinachoendelea, Serikali ina mpango gani kuendeleza ujenzi wa barabara hii?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, naomba kujibu swali la Mheshimiwa Deo Mwanyika, ameulizia barabara ya Itoni – Lusitu. Habari iliyo njema ni kwamba, Waheshimiwa Wabunge pochi ya Rais wetu Mheshimiwa Dkt. Samia Suluhu Hassan, kwa mwaka wa fedha 2023/2024 imeanza kufunguka. Tumeanza kupokea fedha kwa ajili ya advance payment ikiwemo barabara hii ya Itoni – Lusitu. Kwa hiyo, nitumie nafasi hii kuwapongeza Waheshimiwa Wabunge, mmefuatilia advance payment kwa muda mrefu. Sasa hivi pochi ya mama imefunguka, tutaanza kutoa advance payment kwenye barabara hii pamoja na barabara nyingine, ahsante sana.

Name

Mwita Mwikwabe Waitara

Sex

Male

Party

CCM

Constituent

Tarime Vijijini

Primary Question

MHE. DKT. THEA M. NTARA K.n.y. MHE. JANETH E. MAHAWANGA aliuliza: - Je, lini Serikali itaanza rasmi ujenzi wa Daraja kuanzia Magomeni - Jangwani - Fire ili kuondoa adha wanayopata Wananchi wakati wa mvua?

Supplementary Question 3

MHE. MWITA M. WAITARA: Mheshimiwa Naibu Spika, nakushukuru. Barabara ya kutoka Mogabiri – Nyamongo – Serengeti, Mkandarasi ametoa vifaa site na anaidai Serikali shilingi bilioni 7.8. Barabara hii inahudumia Wilaya ya Tarime na Wilaya ya Serengeti. Mheshimiwa Waziri, nini kauli ya Serikali juu ya ujenzi wa barabara hii kuendelea ili kutoa matumaini kwa watu wa Tarime?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, nampongeza Mheshimiwa Waitara, amekuwa akiifuatilia barabara hii kwa ukaribu sana na habari iliyo njema ni kwamba, zile advance payment tulizozipata, barabara hii pia ni miongoni mwa hizo barabara. Kwa hiyo, nampongeza Mheshimiwa Waitara kwa ufuatiliaji.