Name

Zuena Athumani Bushiri

Sex

Female

Party

CCM

Constituent

Special Seats

Primary Question

MHE. ZUENA A. BUSHIRI aliuliza:- Je, Serikali ina mpango gani wa kujenga majosho na malambo katika Kata za Bendera, Kalemawe na Maore katika Jimbo la Same Mashariki?

Supplementary Question 1

MHE. ZUENA A. BUSHIRI: Mheshimiwa Spika, pamoja na majibu mazuri ya Serikali nina maswali mawili ya nyongeza.

Mheshimiwa Spika, katika Kata ya Maore, Kijiji cha Muheza, Kitongoji cha Nandululu tembo wameingia na kubomoa miundombinu ya maji, hivyo wafugaji hupata shida sana kwa ajili ya mifugo kupata maji.
Je, Serikali ina mpango gani wa dharura wa kujenga miundombinu hiyo ya maji ili kutatua tatizo hili?

Swali la pili, je, Mheshimiwa Waziri uko tayari kuongozana na mimi kwenda kuona hali halisi ilivyo katika eneo hilo? (Makofi)

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Spika, ninatambua kazi nzuri anayoifanya Mheshimiwa Mbunge Zuena Bushiri katika kufuatilia masuala ya mifugo hususani katika Mkoa wake wa Kilimanjaro. Nimwondoe shaka, jambo lake nimezungumza na Katibu Mkuu wa Wizara ya Mifugo na Uvuvi na amenithibitishia kwamba jambo hilo wanaliweka katika mpango wa kuhakikisha linajengwa kwa dharura kupitia visima ambavyo Bunge lako Tukufu lilipitisha katika Bajeti ya Wizara ya Mifugo na Uvuvi iliyopitishwa hivi karibuni.

Mheshimiwa Spika, lakini kuhusu kuongozana, nimthibitishie tu kwamba nimzengumza na Mheshimiwa Mnyeti pamoja na Mheshimiwa Ulega wamesema watakuwa tayari watakaporudi, wapange tu muda gani wafike katika hayo maeneo ambayo umeanisha yana changamoto, ahsante.