Name

Dr. Angeline Sylvester Lubala Mabula

Sex

Female

Party

CCM

Constituent

Ilemela

Primary Question

MHE. DKT. ANGELINE S. L. MABULA aliuliza:- Je, lini ujenzi wa Kingo za Mto Msuka Ilemela utakamilika ili kuepusha vifo vya mara kwa mara pindi mvua zinaponyesha?

Supplementary Question 1

DKT. ANGELINE S. L. MABULA: Mheshimiwa Spika, kwa kuwa uwezo wa Manispaa ya Ilemela ni mdogo kukabiliana na athari za mafuriko. Je, Serikali haioni sasa ni muda mwafaka wa kutenga fedha kwa ajili ya kukamilisha mto huu ambao ni kilometa 4.9 badala ya kutegemea pesa za wafadhili ambazo hazina uhakika?

Mheshimiwa Spika, swali la pili, kwenye jibu lake la msingi ameongea kwamba ujenzi unaendelea; je, Mheshimiwa Waziri anatambua kwamba wataalamu wamemdanganya kwa kuwa ujenzi ule umesimama toka 2018, yuko tayari kuambatana na mimi ili akajionee mwenyewe? (Makofi)

Name

Khamis Hamza Khamis

Sex

Male

Party

CCM

Constituent

Uzini

Answer

NAIBU WAZIRI, OFISI YA MAKAMU WA RAIS, MUUNGANO NA MAZINGIRA: Mheshimiwa Spika, naomba kujibu maswali mawili ya nyongeza ya Mheshimiwa Mabula.

Mheshimiwa Spika, kutokana na athari kubwa iliyojitokeza ya maji, maji ambayo yameenda kuharibu miundombinu ya school, maji ambayo yameenda kuharibu makazi ya wananchi lakini baadhi ya shughuli nyingine pia zimeathirika. Nimwahidi tu Mheshimiwa Mbunge kwamba katika bajeti ya fedha ijayo tutahakikisha ujenzi wa Kingo za Mto Msuka tunahakikisha tunatenga fedha kwa ajili ya kuupa kipaumbele. Hilo asiwe na wasiwasi nalo na tutahakikisha kwamba tunaenda kuondoa changamoto hiyo.

Mheshimiwa Spika, nimwambie tu Mheshimiwa Mbunge kwamba nipo tayari kuambatana na yeye kwenda kuona athari ambayo imejitokeza na kuona namna ambavyo tunaweza tukawasaidia wananchi. Baada ya Bunge hili nimwahidi Mheshimiwa Mbunge kwamba tutakwenda pamoja kwenda kuona ahari iliyojitokeza, nakushukuru.