Name

Rashid Abdallah Shangazi

Sex

Male

Party

CCM

Constituent

Mlalo

Primary Question

MHE. RASHID A. SHANGAZI aliuliza:- Je, Serikali inatambua athari hasi kwa jamii ya Watanzania zinazotokana na ongezeko kubwa la michezo ya kubahatisha?

Supplementary Question 1

MHE. RASHID A. SHANGAZI: Mheshimiwa Naibu Spika, ahsante, pamoja na majibu ya Serikali, lakini nina maswali mawili ya nyongeza, swali la kwanza; kwa kuwa Serikali imekiri kwamba, kuna athari hasi kwenye michezo hiyo na kwa kuwa vijana wa kiume ndiyo waathirika wakubwa wa michezo ya kubashiri ambayo inachangia ukatili wa kudhuru mwili, ukatili wa kingono, ukatili wa kiuchumi na kusababisha hata matatizo ya afya ya akili. Je, Serikali iko tayari kupitia utoaji leseni wa makampuni haya ya kubashiri hasa yale ya mabonanza ambayo yametapakaa kote nchini? (Makofi)

Mheshimiwa Naibu Spika, swali la pili; kwa kuwa michezo hii ya kubashiri mtandaoni inafanya vizuri, makampuni kama SportPesa, M-Bet na kadhalika na yako chini ya Wizara ya Fedha ambayo kimsingi ina majukumu mengi na inashindwa kuisimamia kwa ufanisi. Je, Serikali ipo tayari sasa kuihamisha Bodi ya Michezo kutoka Wizara ya Fedha ambayo kwa msingi wa hoja hii imeshindwa kuratibu eneo hili vizuri na kuipeleka kwenye Wizara ya Michezo ambayo kimsingi ndiyo inayosimamia eneo la burudani na sehemu hii ya michezo ya kubashiri ya mtandaoni ni sehemu ya burudani? (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Naibu Spika, naomba kujibu maswali mawili ya nyongeza ya Mheshimiwa Shangazi, kama ifuatavyo:-

Mheshimiwa Naibu Spika, nianze kwa kumpongeza sana kwa kiasi alichofuatilia jambo hili na kimsingi najua dhamira yake ni kuimarisha maadili ya vijana wetu.

Mheshimiwa Naibu Spika, kwa swali lake la kwanza, nataka nimwambie kwamba, Serikali ipo tayari kupitia na kuangalia uhalali na wale wote ambao watakuwa wanaendesha michezo hii, kinyume na taratibu na sheria zetu basi zitaondolewa leseni zao. (Makofi)

Mheshimiwa Naibu Spika, swali lake la pili, Serikali imechukua ushauri wake wataalamu watakaa, wachambue, tukiona upo umuhimu au ipo haja ya kwenda huko, basi Serikali haitasita kuchukua hatua.

Name

Husna Juma Sekiboko

Sex

Female

Party

CCM

Constituent

Special Seats

Primary Question

MHE. RASHID A. SHANGAZI aliuliza:- Je, Serikali inatambua athari hasi kwa jamii ya Watanzania zinazotokana na ongezeko kubwa la michezo ya kubahatisha?

Supplementary Question 2

MHE. HUSNA J. SEKIBOKO: Mheshimiwa Naibu Spika, nakushukuru sana. Kwa kuwa Serikali imeonesha nia ya kuhamisha sports betting kutoka Wizara ya Fedha kwenda Wizara ya Michezo, je, ni kwa namna gani Serikali inajipanga kushirikisha Mamlaka za Serikali za Mitaa kwa ajili ya kulinda maadili ya watoto hasa kwenye michezo inayochezwa majumbani, maarufu ya Kichina? (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Naibu Spika, kama nilivyojibu katika swali la msingi kwamba, Serikali ina mikakati tofauti tofauti ya kulinda ipasavyo maadili ya vijana wetu. Suala la kushirikisha Serikali za Mitaa bado ni eneo la Serikali, kwa hiyo, ushauri wake tumeuchukua na tutaufanyia kazi, ahsante.

Name

Kunti Yusuph Majala

Sex

Female

Party

CHADEMA

Constituent

Special Seats

Primary Question

MHE. RASHID A. SHANGAZI aliuliza:- Je, Serikali inatambua athari hasi kwa jamii ya Watanzania zinazotokana na ongezeko kubwa la michezo ya kubahatisha?

Supplementary Question 3

MHE. KUNTI Y. MAJALA: Mheshimiwa Naibu Spika, nimesema watoto wanaoathirika ni kuanzia miaka tisa mpaka 17, watoto hawa wote bado wako shuleni. Ili kuweza kuokoa kizazi hiki, Serikali mko tayari kusitisha michezo hii hususani michezo ya kubahatisha ya bonanza ambayo ndiyo ipo huko kwenye halmashauri zetu na ndiyo hao watoto wadogo wanayoicheza ili kutoa elimu na kwa ajili ya kuokoa kizazi chetu? (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Naibu Spika, Serikali ipo tayari kulinda maadili ya vijana wetu na siyo tu vijana hata wananchi wake. Tunachomhakikishia Mheshimiwa Mbunge ni kwamba, Serikali itaenda kufuatilia na ikijiridhisha kama yanayofanyika yako kinyume na sheria na taratibu, basi Serikali inaweza kuchukua hatua yoyote ambayo inastahiki. Ahsante. (Makofi)