Name

Abubakar Damian Asenga

Sex

Male

Party

CCM

Constituent

Kilombero

Primary Question

MHE. ABUBAKAR D. ASENGA aliuliza:- Je, lini Serikali italipa fidia kwa wananchi waliopisha upanuzi wa barabara ya Kidatu kwenda Ifakara kilometa 67?

Supplementary Question 1

MHE. ABUBAKAR D. ASENGA: Mheshimiwa Naibu Spika, ahsante. Naishukuru Serikali kwa fidia ya zaidi ya shilingi bilioni 2.5 ambayo wameitoa kwa wananchi wetu. Swali langu dogo ni kwamba; je, ni lini wananchi waliobakia bila kulipwa nje ya mita 22.5 watapewa majibu yao baada ya kupitiwa na Kamati ya Mheshimiwa DC na Meneja wa TANROADS mkoa ambayo waliiunda baada ya kuonekana kuna malalamiko ya baadhi ya wananchi hawajalipwa?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, naomba nijibu swali la Mheshimiwa Asenga kuhusu fidia ya wananchi ambao wako kwenye nje ya mita 22.5. Cha kwanza kabisa naomba niweke rikodi sawa. Mwananchi yeyote ambaye yuko ndani ya mita 22.5 mwenye X nyekundu kwa mujibu wa sheria hastahili kulipwa fidia, lakini wananchi ambao wako kwenye mita 7.5 kila upande wa barabara kwa Sheria Namba 13 ya Mwaka 2007 tuliongeza upana wa barabara kutoka mita 45 kwenda mita 60, 7.5 kila upande wananchi hao huwa tunawawekea alama ya X ya kijani. Maana yake ni kwamba tutakapoanza kujenga barabara wananchi hao wanastahili fidia.

Mheshimiwa Naibu Spika, kwa hiyo nawaomba wale ambao wana alama ya X ya kijani tutakapoanza ujenzi, basi tutatoa fidia kwa mujibu wa sheria.

Name

Noah Lemburis Saputi Mollel

Sex

Male

Party

CCM

Constituent

Arumeru-Magharibi

Primary Question

MHE. ABUBAKAR D. ASENGA aliuliza:- Je, lini Serikali italipa fidia kwa wananchi waliopisha upanuzi wa barabara ya Kidatu kwenda Ifakara kilometa 67?

Supplementary Question 2

MHE. NOAH L. S. MOLLEL: Mheshimiwa Naibu Spika, ninashukuru kwa kunipa kuuliza swali dogo la nyongeza. Katika Barabara ya Mianzini – Sambasha – Ngaramtoni tunaishukuru sana Serikali kwa niaba ya wananchi kwa kulipa fidia baadhi nya wananchi zaidi ya shilingi bilioni 1.7, lakini kuna wananchi ambao bado hawajakamilishiwa fidia zao katika barabara hiyo. Nataka kujua ni lini Serikali itakamilisha kuwalipa fidia hao wananchi waliobaki ili barabara hiyo iendelee kwa sababu kwa sehemu fulani imesimama?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, ninaomba nimwagize Meneja wa TANROADS, Mkoa wa Arusha kuhakikisha wananchi hawa wanaostahili malipo kwa mujibu wa sheria kama wanastahili basi walete Wizarani mara moja ili tuweze kufikisha Hazina kwa ajili ya mchakato wa malipo. Nakushukuru.