Name

Shabani Omari Shekilindi

Sex

Male

Party

CCM

Constituent

Lushoto

Primary Question

MHE. SHABANI O. SHEKILINDI aliuliza:- Je, lini Serikali itafanya upanuzi wa Barabara ya Mombo hadi Lushoto kwa kuwa ni nyembamba kiasi cha magari makubwa kushindwa kupita?

Supplementary Question 1

MHE. SHABANI O. SHEKILINDI: Mheshimiwa Naibu Spika, nashukuru kwa majibu mazuri ya Serikali. Swali la kwanza; Wakati Serikali inaendelea kutafuta fedha kwa nini sasa Serikali isiruhusu magari machache kupita ili kupunguza gharama ya vifaa ambayo inasababishwa na gharama ya usafiri?

Mheshimiwa Naibu Spika, swali la pili; eneo la Kwai lina kona ambayo ni kali sana na mara nyingi husababisha magari kufeli. Je, Serikali ina mpango gani wa kujenga daraja katika eneo hilo?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, naomba nimjibu Mheshimiwa Shabani Shekilindi kuhusu maswali mawili ya nyongeza, kama ifuatavyo:-

Mheshimiwa Naibu Spika, kuhusu magari machache kupita, concern ya Mheshimiwa Mbunge tumeipokea. Nimwagize Meneja wa TANROADS Mkoa wa Tanga kufanya tathmini kwa kushirikiana na vyombo vingine ili kuona kama hili linawezekana kwa sababu concern yetu ni kuhakikisha watumia barabara wanakuwa salama. Kwa hiyo, kama itakuwa salama kwa mujibu wa tathmini tutalifanyia kazi.

Mheshimiwa Naibu Spika, kuhusu suala la kuweka daraja kwenye kona kali, kama nilivyosema Mheshimiwa Mbunge amekuwa akifuatilia hili na tumefanya usanifu wa kina na tumekamilisha. Kwa hiyo, kwa kadri fedha zitakavyopatikana ujenzi wa daraja hili utakuwa ni kipaumbele. Ahsante sana.

Name

Timotheo Paul Mnzava

Sex

Male

Party

CCM

Constituent

Korogwe Vijijini

Primary Question

MHE. SHABANI O. SHEKILINDI aliuliza:- Je, lini Serikali itafanya upanuzi wa Barabara ya Mombo hadi Lushoto kwa kuwa ni nyembamba kiasi cha magari makubwa kushindwa kupita?

Supplementary Question 2

MHE. TIMOTHEO P. MNZAVA: Mheshimiwa Naibu Spika, nashukuru. Moja ya njia ya kutatua changamoto ya barabara iliyoulizwa kwenye swali la msingi ni kutumia barabara mbadala ambayo ni ya kutoka Korogwe kupita Dindila – Bumbuli mpaka Soni. Kwenye bajeti Mheshimiwa Waziri aliahidi kuanza ujenzi wa barabara hii kwa kiwango cha lami. Mpaka leo kuna ukimya, ni ipi kauli ya Serikali juu ya jambo hili?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, nakiri Mheshimiwa Mnzava amekuwa akifuatilia barabara hii ambayo ni mbadala kama alivyosema. Ni kweli na kwenye bajeti hii ya Mwaka wa Fedha 2024/2025, tumetenga fedha kwa ajili ya kuanza ujenzi wa barabara hii.

Mheshimiwa Naibu Spika, kwa hiyo nimhakikishie Mheshimiwa Mnnzava pamoja na wananchi wake, kwamba kwa vile tumeiweka kwenye bajeti maana yake ni kipaumbele kwa upande wa Serikali na tuko kwenye hatua za kutekeleza bajeti hii. Kwa hiyo, fedha zitakapopatikana tutaijenga barabara hii ili iweze kuwahudumia wananchi lakini pia iwe kama mbadala wa ile barabara ya kwenda Bumbuli kutokea Lushoto. Ahsante sana.