Name

Dr. Florence George Samizi

Sex

Female

Party

CCM

Constituent

Muhambwe

Primary Question

MHE. DKT. FLORENCE G. SAMIZI aliuliza:- Je, lini Serikali itawalipa fidia wananchi wa Muhambwe waliopisha ujenzi wa Barabara ya Kibondo – Mabamba?

Supplementary Question 1

MHE. DKT. FLORENCE G. SAMIZI: Mheshimiwa Naibu Spika, ahsante sana kwa majibu mazuri. Hata hivyo, ninayo maswali mawili ya nyongeza. Ujenzi wa Barabara hii ya lami ya kutoka Kibondo mpaka Mabamba umekwishaanza; na kama ilivyooneshwa kwenye majibu ya msingi, wananchi 724 wa Kata nne za Bitare, Misezero, Bunyanbo na Mabamba hawajalipwa fidia. Je, ni lini Serikali itaharakisha utaratibu huu ili wananchi hawa 724 waweze kupata fidia yao?

Mheshimiwa Naibu Spika, swali la pili; ujenzi wa barabara ya kilomita 25 ya Kibondo Mjini kwa jina la Kibondo Town Link kutoka roundabout ya Iheba mpaka Nduta Junction unasuasua mno kwa madai kwamba mkandarasi hajalipwa pesa na ameshatoa mitambo site, amepumzika anasubiri malipo. Je, ni lini Serikali itamlipa malipo yake ili aweze kurudi site?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, naomba nijibu maswali mawili ya Mheshimiwa Dkt. Florence kama ifuatavyo:-

Mheshimiwa Naibu Spika, kuhusu fidia ya wananchi 724, kwanza nampongeza Dkt. Florence amekuwa akifuatilia fidia hii pamoja na miradi mingine ya barabara kwenye jimbo lake. Nimhakikishie, kwamba tumeshawasilisha maombi ya fidia Hazina na Wizara ya Ujenzi tutaendelea kufuatilia ili kuhakikisha haraka iwezekanavyo wananchi wanapata malipo hayo ya fidia.

Mheshimiwa Naibu Spika, kuhusu Kibondo Town Link mkandarasi kucheleweshewa fedha, kwanza nimwagize mkandarasi asisimamishe ujenzi wa barabara hii. Sisi upande wa Wizara ya Ujenzi tumekwishawasilisha mahitaji ya malipo ya mkandarasi huyu Hazina. Kwa hiyo, tutaendelea kuweka jitihada kuhakikisha mkandarasi hasimami. Pia ninamwelekeza aendelee na kazi wakati akisubiri malipo kwa certificates ambazo amewasilisha. Ahsante sana.

Name

Twaha Ally Mpembenwe

Sex

Male

Party

CCM

Constituent

Kibiti

Primary Question

MHE. DKT. FLORENCE G. SAMIZI aliuliza:- Je, lini Serikali itawalipa fidia wananchi wa Muhambwe waliopisha ujenzi wa Barabara ya Kibondo – Mabamba?

Supplementary Question 2

MHE. TWAHA A. MPEMBENWE: Mheshimiwa Naibu Spika, ninakushukuru sana kwa kunipa nafasi ya kuuliza swali dogo la nyongeza. Barabara ya Bungu – Nyamisati tathmini imeshafanyika na wananchi wanasubiri kulipwa ili sasa shughuli nyingine za ujenzi wa barabara ile ziweze kuendelea. Je, Serikali ina kauli ipi katika kuweza kuwalipa wananchi wale wa Bungu Nyamisati fidia?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, naomba nimhakikishie Mheshimiwa Yahya pamoja na wananchi kwamba natambua barabara hii ya Bungo Nyamisati. Mheshimiwa Yahya amekuwa akiifuatilia sana na hata jana alikuja ofisini kufuatilia fidia hizi za wananchi na tunatambua barabara hii pia ni muhimu kwa wananchi wa Mafia. Kwa hiyo, Serikali inatambua umuhimu huu na tutafanya kila jitihada kuhakikisha fidia inalipwa ili kuweza kuruhusu ujenzi wa barabara hii kwa mujibu wa mipango yetu. Ahsante sana.

Name

Charles Muguta Kajege

Sex

Male

Party

CCM

Constituent

Mwibara

Primary Question

MHE. DKT. FLORENCE G. SAMIZI aliuliza:- Je, lini Serikali itawalipa fidia wananchi wa Muhambwe waliopisha ujenzi wa Barabara ya Kibondo – Mabamba?

Supplementary Question 3

MHE. CHARLES M. KAJEGE: Mheshimiwa Naibu Spika, ahsante. Kuna baadhi ya wananchi wa jimbo langu waliopisha ujenzi wa Barabara ya Bunda – Kisorya, bado hawajalipwa. Je, ni lini Serikali itakamilisha malipo yao?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, naomba kujibu swali la Mheshimiwa Kajege kuhusu fidia ya wananchi wa Barabara ya Bunda – Kisorya. Nimelichukua, tutafanya kila aina ya jitihada ili malipo ambayo tumeya-process kwa ajili ya fidia yaweze kufanyika. Ahsante sana.