Name

Boniphace Mwita Getere

Sex

Male

Party

CCM

Constituent

Bunda

Primary Question

MHE. BONIPHACE M. GETERE K.n.y. MHE. DEO K. SANGA aliuliza:- Je, lini Serikali itaanza ujenzi wa One Stop Center Makambako?

Supplementary Question 1

MHE. BONIPHACE M. GETERE: Mheshimiwa Naibu Spika, wananchi wa Makambako wanaishukuru Serikali kwa kulipa fidia ya eneo la Idofya, lakini ni lini sasa kituo hiki cha Stop Centre kitajengwa katika eneo la Idofya?

Mheshimiwa Naibu Spika, swali la pili; Mheshimiwa Waziri amekuwa ni Waziri wa nne kufika katika Barabara ya Sanzate – Nata na alipofika pale mara ya mwisho alisema hiyo barabara itamalizika mwezi Septemba mwaka huu; mpaka sasa hiyo barabara haijamalizika na ni kero kubwa kwa wananchi wa Bunda. Je, ni lini barabara hii itamalizika?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, naomba kujibu maswali mawili yaliyoulizwa na Mheshimiwa Getere kama ifuatavyo:-

Mheshimiwa Naibu Spika, kuhusu lini, kama nilivyojibu kwenye majibu ya msingi upembuzi yakinifu na usanifu wa kina tumekamilisha na ni hatua muhimu katika maendeleo ya kuanza kwa ujenzi. Kwa hiyo, nimhakikishie, fedha itakapopatikana kwa vile tumeshajua gharama, basi tutajenga huu mradi pale Makambako.

Mheshimiwa Naibu Spika, kwenye swali la pili; Barabara ya Sanzate – Nata, kwanza nampongeza Mheshimiwa Getere amekuwa akifuatilia, lakini nakiri kulikuwa kuna changamoto za mkandarasi huyu; na miradi yake kwenye mikoa ambayo ana kazi imekuwa ikisuasua. Serikali kwa maana ya Wizara tumechukua hatua, kuna miradi tumemnyang’anya ili aweze ku-concentrate na miradi michache huku tukimweka kwenye uangalizi, ukiwemo huu Mradi wa Sanzate – Nata.

Mheshimiwa Naibu Spika, nimhakikishie Mheshimiwa Getere pamoja na wananchi kuwa Serikali tuko kazini tutamsimamia mkandarasi huyu ili barabara hii iweze kukamilika. Ahsante sana.

Name

Dr. Pius Stephen Chaya

Sex

Male

Party

CCM

Constituent

Manyoni Mashariki

Primary Question

MHE. BONIPHACE M. GETERE K.n.y. MHE. DEO K. SANGA aliuliza:- Je, lini Serikali itaanza ujenzi wa One Stop Center Makambako?

Supplementary Question 2

MHE. DKT. PIUS S. CHAYA: Mheshimiwa Naibu Spika, nashukuru kwa kunipa nafasi ya kuuliza swali la nyongeza. Katika Jimbo la Manyoni Mashariki kuna ujenzi wa Kituo cha Pamoja cha Ukaguzi wa Magari (One-stop Inspection Centre). Ujenzi huu ulikuwa umefikia 60%, lakini ulisimama tangu 2016, ni nini mkakati wa Serikali kuhakikisha kwamba wanakamilisha ujenzi huu?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, Mheshimiwa Dkt. Chaya amekuwa akifuatilia jambo hili na nakiri Wizara ya Ujenzi kwa kushirikiana na Wizara ya Fedha tunafanya tathmini ya kuhakikisha miradi hii inakamilika na kulikuwa kuna changamoto ambazo zilisababisha kukwama kwa miradi hii ya One-stop Inspection Centre. Kwa hiyo, namhakikishia Mbunge, Serikali tuko mbioni kuifufua hii miradi ili iweze kukamilika kwa sababu uhitaji wake bado ni muhimu tena ni muhimu zaidi kuliko ilivyokuwa huko mwanzoni. Nashukuru. (Makofi)

Name

Iddi Kassim Iddi

Sex

Male

Party

CCM

Constituent

Msalala

Primary Question

MHE. BONIPHACE M. GETERE K.n.y. MHE. DEO K. SANGA aliuliza:- Je, lini Serikali itaanza ujenzi wa One Stop Center Makambako?

Supplementary Question 3

MHE. IDDI KASSIM IDDI: Mheshimiwa Naibu Spika, nimeuliza ni lini sasa Kituo cha Stop Centre cha Isaka kitaboreshwa? Ahsante. (Makofi)

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Naibu Spika, kwanza nimpongeze Mheshimiwa Kassim Iddi, Barabara ya Kahama – Kakola kwa kweli amepambana sana. Nafurahi sasa hivi mkandarasi yuko site anaendelea na kazi. Kuhusu swali la pale Isaka naomba Mheshimiwa Iddi nikaangalie kwenye mipango yetu na baada ya hapa nitakaa na yeye ili nihakikishe nampa majibu sahihi ya kituo hiki. Ahsante sana. (Makofi)