Name

Maida Hamad Abdallah

Sex

Female

Party

CCM

Constituent

Special Seats

Primary Question

MHE. MAIDA H. ABDALLAH aliuliza:- Je, Serikali haioni haja ya kuanzisha Mfumo wa Mafunzo yanayohusu uzalendo, ufundi, kilimo na ufugaji kwa vijana wanaoishi karibu na Kambi za Jeshi/ JKT?

Supplementary Question 1

MHE. MAIDA H. ABDALLAH: Mheshimiwa Naibu Spika, kwanza kabisa naomba niishukuru sana Serikali kwa majibu mazuri ya Serikali inayoongozwa na Amiri Jeshi Mkuu, Dkt. Samia Suluhu Hassan, lakini nina maswali mawili ya nyongeza. Swali la kwanza; je, Serikali ipo tayari kuongeza bajeti ya JKT ili kuwezesha vijana wengi zaidi kuchukuliwa kujiunga na JKT? (Makofi)

Mheshimiwa Naibu Spika, swali la pili; je, Serikali haioni kwamba mpango huu utawezesha vijana walio wengi kujifunza katika fani tofauti kwa masuala ya ulinzi karibu na jeshi na maeneo mengine? Pia, kuongeza ajira ikiwa ni njia mojawapo ya kukuza uchumi wa Taifa letu? Ahsante sana. (Makofi)

Name

Geophrey Mizengo Pinda

Sex

Male

Party

CCM

Constituent

Kavuu

Answer

NAIBU WAZIRI WA ARDHI, NYUMBA NA MAENDELEO YA MAKAZI K.n.y. WAZIRI WA ULINZI NA JESHI LA KUJENGA TAIFA: Mheshimiwa Naibu Spika, naomba kujibu maswali mawili ya nyongeza ya Mheshimiwa Maida, kama ifuatavyo:-

Mheshimiwa Naibu Spika, kuhusu suala la bajeti kama nilivyojibu kwenye swali la msingi, sasa tumeunda timu maalum ya tathmini ili kuangalia uwezo wa makambi haya katika kuchukua vijana wengi zaidi na hili litakwenda sambamba na kuangalia uwezekano wa bajeti kuongezeka.

Mheshimiwa Naibu Spika, swali la pili, ni kweli kwamba mpango wa kuongeza nafasi za vijana kujiunga na jeshi ni mpango ambao unaweza kuleta matokeo makubwa sana kwenye kuwajengea uwezo hawa vijana, lakini kama nilivyosema, acha tumalize hii tathmini itakayotupa mwelekeo mzuri wa namna ambavyo tutachukua idadi kubwa zaidi ya vijana na hapo Serikali itazingatia vilevile ongezeko la bajeti na kadhalika. (Makofi)