Name

Festo Richard Sanga

Sex

Male

Party

CCM

Constituent

Makete

Primary Question

MHE. FESTO R. SANGA aliuliza: - Je, lini Serikali itaanza Mradi wa Kilimo cha Umwagiliaji Kata ya Kitulo kwa wakulima wa viazi?

Supplementary Question 1

MHE. FESTO R. SANGA: Mheshimiwa Naibu Spika, pamoja na majibu mazuri ya Serikali, Kata ya Kitulo ni moja kati ya kata ambayo inaongoza kwa mapato kwenye Halmashauri ya Wilaya ya Makete kutokana na zao la viazi. Ukulima wao umetusaidia sana kwenye kupata mapato.

Mheshimiwa Naibu Spika, swali la kwanza ninaomba niulize; ni ipi commitment ya Serikali? Mmeonesha kwamba wataalamu wataenda lakini Wananchi wa Kitulo wanatamani kusikia, ni lini mradi wa ujenzi wa skimu ya umwagiliaji utaanza ili na wao waanze kuzalisha mazao throughout the year? (Makofi)

Mheshimiwa Naibu Spika, swali la pili, nitaanza ziara ya kijiji kwa kijiji katika Jimbo la Makete baada ya Bunge hili la Bajeti. Uko tayari kuongozana na mimi nitakapofanya ziara katika Kata ya Kitulo ili wananchi wapate majibu ya Serikali kuhusu mradi huu ambao ni mzuri kwa ajili ya maendeleo yao? Ahsante. (Makofi)

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Naibu Spika, ahsante sana, cha kwanza nimpongeze sana Mheshimiwa Mbunge kwa kufuatilia wananchi wake wa Jimbo la Makete lakini nimwondoe shaka Mbunge wa Makete. Timu yetu ya wataalamu itafika katika Eneo la Kitulo na wakati wanakwenda tunahitaji tu wananchi wawape ushirikiano na tutakutaarifu Mheshimiwa Mbunge wataalamu watakapofika, nikuhakikishie tu kwamba katika mpango wetu tulionao tutaingiza eneo hili ili walau katika mwaka wa fedha unaokuja ujenzi uweze kuanza.

Mheshimiwa Naibu Spika, kuhusu ziara ni hesabu katika moja ya siku utakazozipanga nitakuwa tayari kufika katika eneo hilo na kuzungumza na wananchi wa Kitulo, ahsante.