Name

Kavejuru Eliadory Felix

Sex

Male

Party

CCM

Constituent

Buhigwe

Primary Question

MHE. KAVEJURU E. FELIX aliuliza:- Je, Serikali ina mkakati gani wa kuvutia wawekezaji wa viwanda vya kuchakata zao la migomba nchini?

Supplementary Question 1

MHE. KAVEJURU E. FELIX: Mheshimiwa Naibu Spika, pamoja na majibu mazuri ya Serikali, nina maswali mawili ya nyongeza. Swali la kwanza; Kigoma ni wakulima wazuri wa migomba. Je, ni lini Serikali itajenga maabara ya uzalishaji wa miche bora ya migomba ili kuongeza uzalishaji?

Mheshimiwa Naibu Spika, swali la pili; moja ya changamoto ya zao la ndizi ni ukosefu wa soko la uhakika kwa ndizi. Je, Serikali ina kauli gani juu ya uhakika wa soko la ndizi kwa wakulima wa ndizi Mkoani Kigoma? (Makofi)

Name

Hussein Mohamed Bashe

Sex

Male

Party

CCM

Constituent

Nzega Mjini

Answer

WAZIRI WA KILIMO: Mheshimiwa Naibu Spika, naomba kujibu maswali mawili ya nyongeza ya Mheshimiwa Felix, kama ifuatavyo:-

Mheshimiwa Naibu Spika, kuhusu kuweka maabara ya tissue culture ningemwomba Mheshimiwa Mbunge asubiri kwanza tumalize ujenzi wa Tissue Culture Lab iliyoko Maruku na nimhakikishie tu kwamba ombi lake hili tutalichukua, tutaweza kuongeza extension kwenye mwaka ujao wa fedha pale Kihiga ili tuweze kujenga kituo kingine katika Mkoa wa Kigoma. (Makofi)

Mheshimiwa Naibu Spika, kuhusu suala la soko. Nataka tu nitumie nafasi hii kuwaambia Waheshimiwa Wabunge, changamoto yetu ya ndizi kwa ajili ya biashara ya export kwanza ni variety ambazo tumekuwa tukitumia. Kwa muda mrefu kama nchi tulikuwa hatujalipa thamani inayostahili zao la ndizi na kulijengea mazingira yanayotakiwa. Nataka tu nimwambie kwamba, Serikali imeshamaliza kufanya mambo mawili. Moja kufanya mapping ya kuangalia ugonjwa wa banana virus ulioko Mkoa wa Kigoma ambao sasa hivi Serikali imeanza kuufanyia kazi, na la pili tumeanza mapping na kuchakata variety ambazo zinafaa kwa ajili ya export. Buhigwe na maeneo mengine ya Mkoa wa Kigoma yako katika mapping ya Serikali.

Mheshimiwa Naibu Spika, ninataka tu nimhakikishie Mheshimiwa Mbunge kwamba ndani ya miaka miwili, mitatu, wakulima wa mazao ya ndizi, kwa maana ya Kigoma, Mbeya, Kilimanjaro, Arusha na maeneo mengine wataona mabadiliko makubwa sana katika zao hili. Kwa sababu tumeamua kama Serikali kulifanya moja ya zao la export na tunashirikiana na Taasisi ya TAHA na taasisi zingine kwa ajili ya kufanya kitu cha namna hiyo. (Makofi)