Name

Zahor Mohamed Haji

Sex

Male

Party

CCM

Constituent

Mwera

Primary Question

MHE. ZAHOR MOHAMMED HAJI aliuza: - Je, lini Serikali itaondoa mzigo wa kodi kwa Vyombo vya Ulinzi na Usalama Nchini?

Supplementary Question 1

MHE. ZAHOR MOHAMMED HAJI: Mheshimiwa Spika, ahsante sana. Pamoja na majibu mazuri ya Serikali na kwamba wamefanya kazi nzuri ya kuliona hili. Je, Serikali sasa haioni haja ya kwenda mbali zaidi, kwa sababu hata nyuzi ya kiatu ya Askari bado ni silaha. Serikali haioni sasa kuwaachia vyombo vyetu vya ulinzi fursa kamili ya kuwa na msamaha? Ahsante.

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Spika, naomba kujibu swali la Mheshimiwa Zahor kama ifuatavyo: -

Mheshimiwa Spika, ushauri wake umepokelewa, kwa sababu amesema huoni haja ya kutanua wigo. Tumepokea ushauri huo na tutaufanyia kazi. Ahsante sana. (Makofi)

Name

Anatropia Lwehikila Theonest

Sex

Female

Party

CHADEMA

Constituent

Special Seats

Primary Question

MHE. ZAHOR MOHAMMED HAJI aliuza: - Je, lini Serikali itaondoa mzigo wa kodi kwa Vyombo vya Ulinzi na Usalama Nchini?

Supplementary Question 2

MHE. ANATROPIA L. THEONEST: Mheshimiwa Spika, nakushukuru. Kwa nchi hii ili ufanye biashara unahitaji tax clearance na tax clearance inahusisha ulipaji wa kodi. Je, ni kwa nini Serikali isiainishe aina za biashara ambazo unaweza kupata leseni bila kuwa na tax clearance mpaka u-run biashara kwa muda fulani ili uweze ku-file na kulipa kodi? (Makofi)
SPIKA: Mheshimiwa Mbunge, kwanza zungumza Kiswahili ama zungumza Kiingereza maana hiyo nayo unatuchanganya. Haya uliza swali lako upya.

MHE. ANATROPIA L. THEONEST: Mheshimiwa Spika, nakushukuru. Sijui tax clearance inaitwaje kwa Kiswahili lakini kwa biashara nyingi...

SPIKA: Basi zungumza Kiingereza kwa sababu Kanuni zinaruhusu. Uliza swali lako kwa Kiingereza. (Makofi)

MHE. ANATROPIA L. THEONEST: Mheshimiwa Spika, aah! Kwa Kiingereza? (Kicheko)

Mheshimiwa Spika, ni lazima...

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Spika, naomba kujibu swali la nyongeza la Mheshimiwa Mbunge, kama ifuatavyo:-

Mheshimiwa Spika, kwa kawaida tax clearance hutolewa, aah! Kiingereza. Cheti kile hutolewa baada ya biashara na Serikali inasema kwamba, mtu aanze kufanya biashara kwanza ndiyo anaenda kuomba hicho cheti cha ruhusa ya kufanyia biashara. Ahsante sana. (Makofi/Kicheko)

SPIKA: Sasa hoja yake si ni kwamba, hiyo biashara hawezi kuanza bila leseni? Yaani ni kwamba yale maombi ya leseni ili biashara yake afanye kwa utaratibu wa kisheria, unataka hiki cheti kwanza, ndiyo swali lake liko hapo.

NAIBU WAZIRI WA FEDHA: Mheshimiwa Spika, nakumbuka mwaka jana tulijibu swali kama hili na tukatoa maelekezo kwa Commissioner General wa TRA kwamba, yeyote ambaye ameanzisha biashara, lakini biashara ile bado haijafanya kazi na faida yake kuonekana, apewe cheti hicho ili aende akapate leseni ya kufanya biashara. Asiwe na kikwazo kwa sababu hajapata hiyo tax clearance.