Name

Dr. John Danielson Pallangyo

Sex

Male

Party

CCM

Constituent

Arumeru-Mashariki

Primary Question

MHE. DKT. JOHN D. PALLANGYO aliuliza:- Je, Serikali ina mkakati gani wa kuelekeza Benki za CRDB, NBC na NMB kufungua Matawi eneo la Kikatiti linalokua kwa kasi?

Supplementary Question 1

MHE. DKT. JOHN D. PALLANGYO: Mheshimiwa Spika, pamoja na majibu mazuri ya Serikali, nitakuwa na maswali mawili ya nyongeza. Swali la kwanza; eneo hili la Kikatiti liko Tarafa ya King’ori ambayo ina Kata 10 zenye watu 124,000, pia eneo hilo ndilo kapu la chakula kwa Jiji la Arusha na viunga vyake. Kikatiti yenyewe ina watu .....

SPIKA: Swali Mheshimiwa Pallangyo.

MHE. DKT. JOHN D. PALLANGYO: Mheshimiwa Spika, swali langu ni je, kwa takwimu ambazo zipo katika Sensa ya Mwaka 2022, Serikali haioni kwamba ni wakati muafaka benki hizi zifungue matawi pale?

Mheshimiwa Spika, kama ni ngumu sana, ni kwa nini benki hizi zisifungue mashine za kutolea fedha (ATM’s) Eneo la Maji ya Chai, Kikatiti yenyewe na King’ori Madukani? Ahsante sana. (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Spika, naomba kujibu maswali mawili ya nyongeza ya Mheshimiwa Mbunge Pallangyo kama ifuatavyo:-

Mheshimiwa Spika, takwimu aliyotaja ni kweli inaleta ushawishi kufungua tawi la benki huko, lakini jukumu la Serikali kama nilivyojibu ni kuweka mazingira wezeshi ya uwekezaji. Kwa hiyo, naomba tu Benki za NMB, CRDB na nyingine waende kuangalia hiyo fursa ili ikiwezekana wafungue tawi katika eneo hilo.

Mheshimiwa Spika, swali lake la pili ni ushauri, naomba tuchukue na tunaenda kuufanyia kazi.