Name

Saashisha Elinikyo Mafuwe

Sex

Male

Party

CCM

Constituent

Hai

Primary Question

MHE. SAASHISHA E. MAFUWE aliuliza:- Je, Serikali ina mpango gani wa kuhakikisha kunakuwa na mpango wa maendeleo walau wa miaka 50 pamoja na kuwa na vipaumbele vya Taifa?

Supplementary Question 1

MHE. SAASHISHA E. MAFUWE: Mheshimiwa Spika, ahsante sana, nashukuru kwa majibu mazuri ya Serikali.

Mheshimiwa Spika, kwa kuwa moja ya kipaumbele cha Serikali ni kuimarisha uwezo wa uzalishaji wa viwanda na utoaji wa huduma; je, Serikali haioni ni wakati sahihi sasa kuweka kwenye mpango wa muda mrefu wa kuhakikisha Kiwanda cha Kilimanjaro Machine Tools kinajengewa uwezo ili kiweze kutumia chuma na makaa ya Liganga na Mchuchuma kuzalisha chuma pale Kilimanjaro Machine Tools?

Mheshimiwa Spika, swali la pili, kwa kuwa pia ni moja ya kipaumbele cha Serikali kuendeleza rasilimaliwatu, je, Serikali haioni ipo haja sasa ya kuweka mpango wa muda mfupi na muda mrefu wa kutafutia Watanzania ajira nje ya nchi ambazo zinapatikana kwa kiwango kikubwa ili Watanzania waweze kupata ajira na Serikali iweke remittance kutokana na kazi hizo za Watanzania?

Name

Stanslaus Haroon Nyongo

Sex

Male

Party

CCM

Constituent

Maswa Mashariki

Answer

NAIBU WAZIRI, OFISI YA RAIS, MIPANGO NA UWEKEZAJI: Mheshimiwa Spika, ahsante sana, naomba kujibu maswali mawili kama ifuatavyo:-

Mheshimiwa Spika, jambo la kwanza, suala la kuandaa mpango au dira ya nchi ni jambo jumuishi, sasa hivi tunaandaa mpango mwingine wa mwaka 2050. Mpango huu unajumuisha sekta, wadau na wananchi wote na sasa hivi Tume ya Mipango ambayo inatekeleza jukumu hilo inakaribisha wadau na wananchi wote kuweza kutoa maoni. Naomba nimweleze Mheshimiwa Mbunge kwamba hata hili tunaliingiza katika mpango huo na litakwenda kutekelezwa.

Mheshimiwa Spika, suala la kuandaa Watanzania kwa maana ya rasilimaliwatu, ni jambo ambalo ni endelevu na sisi katika Mpango wa Taifa tumeliweka katika moja ya mambo ambayo yanashauriwa na tunamuomba sana Mheshimiwa Mbunge atupe ushirikiano katika kutoa ushauri katika jambo hili ili tuweze kuwaandaa Watanzania katika taaluma na ujuzi mbalimbali ambao utaweza kufanya kazi ndani ya nchi, lakini waweze kukubalika hata kufanya kazi nje ya nchi.

Name

Japhet Ngailonga Hasunga (CPA)

Sex

Male

Party

CCM

Constituent

Vwawa

Primary Question

MHE. SAASHISHA E. MAFUWE aliuliza:- Je, Serikali ina mpango gani wa kuhakikisha kunakuwa na mpango wa maendeleo walau wa miaka 50 pamoja na kuwa na vipaumbele vya Taifa?

Supplementary Question 2

MHE. JAPHET N. HASUNGA: Mheshimiwa Spika, ahsante sana, kwa kuwa vipaumbele vya Kitaifa ni muhimu sana kwa maendeleo ya nchi yetu, je, upi mkakati wa Serikali wa kuwa na mdahalo mkubwa wa Kitaifa ambao utajadili vipaumbele vitakavyotumika kwa muda wa miaka 50 ijayo?

Name

Stanslaus Haroon Nyongo

Sex

Male

Party

CCM

Constituent

Maswa Mashariki

Answer

NAIBU WAZIRI, OFISI YA RAIS, MIPANGO NA UWEKEZAJI: Mheshimiwa Spika, ahsante sana, naomba nijibu swali la Mheshimiwa Hasunga kama ifuatavyo:-

Mheshimiwa Spika, kweli kabisa tuna vipaumbele kama Taifa na lazima tushirikishe wananchi au wadau wote katika kuandaa mkakati huo kwa maana ya kuandaa Dira ya Maendeleo ya Taifa letu. Nimhakikishie Mheshimiwa Mbunge tumekwishaanza, kupitia ile Tume ya Mipango ambayo iko chini ya Ofisi ya Mheshimiwa Rais wetu tumekwishaanza kufanya hizo taratibu na tayari midahalo imekwishaanza.

Mheshimiwa Spika, sasa hivi tumetoa njia mbalimbali za kuingiza maoni kwa Watanzania kuleta kwenye Tume ya Mipango. Kwa hiyo, nimhakikishie Mheshimiwa Mbunge tunamkaribisha katika midahalo hiyo aweze kushiriki pamoja na Wabunge wote ili kutoa mawazo na maoni yao kuelekea Dira ya Taifa ya mwaka 2050.