Name

Kenneth Ernest Nollo

Sex

Male

Party

CCM

Constituent

Bahi

Primary Question

MHE. KENNETH E. NOLLO aliuliza:- Je, lini Serikali itaanza ukarabati wa Skimu za Umwagiliaji zilizopo Kata ya Bahi?

Supplementary Question 1

MHE. KENNETH E. NOLLO: Mheshimiwa Spika, kwanza nashukuru kwa majibu mazuri ya Serikali. Ili hatua ya manunuzi kuanza inatakiwa kwamba kazi iwe imeshatangazwa kwenye hatua za manunuzi, lakini bado haijatangazwa. Swali langu linabaki pale pale, ni lini Serikali inaanza ukarabati?

Mheshimiwa Spika, swali la pili la nyongeza; Umoja wa Wakulima pale Bahi walikopa Benki - NMB na bahati mbaya yakatokea mafuriko na deni lile limekuwa likiongezeka na Wizara ilionesha interest ya kumaliza mkwamo wa deni lile. Je, ni lini deni hili linaenda kumalizwa?

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Spika, ni kwamba kama tulivyojibu katika jibu la msingi ni kwamba tayari feasibility study imeshafanyika na sasa tuko katika hatua ya manunuzi ya kumpata mkandarasi na nimthibitishie tu katika mwaka huu wa fedha jambo hili litakuwa limekamilika na tutamkabidhi mkandarasi site baada ya kumaliza hizi hatua za manunuzi. Kwa hiyo, nimwondoe shaka Mheshimiwa Mbunge kwamba Serikali iko kazini na hili jambo litaenda kwa wakati.

Mheshimiwa Spika, kuhusu deni ni kwamba tunashosubiria sisi ni fedha tu na baada ya hapo tutalipa. Kwa hiyo, niseme tu kwamba tunalifahamu jambo hili na ndiyo maana Serikali tumekuwa tukilifuatilia kila wakati, ahsante sana. (Makofi)