Name

Dr. Jasson Samson Rweikiza

Sex

Male

Party

CCM

Constituent

Bukoba Vijijini

Primary Question

MHE. DKT. JASSON S. RWEIKIZA aliuliza:- Je, lini Serikali itapeleka umeme vitongoji visivyokuwa na umeme Bukoba Vijijini?

Supplementary Question 1

MHE. DKT. JASSON S. RWEIKIZA: Mheshimiwa Mwenyekiti, ninakushukuru sana na nipende kutumia nafasi hii kuipongeza Serikali kwa kazi kubwa sana na nzuri inayoifanya katika kupeleka umeme Jimbo la Bukoba Vijijini. Pamoja na hayo nina maswali mawili madogo ya nyogeza.

Mheshimiwa Mwenyekiti, swali la kwanza, Jimbo la Bukoba Vijijini ni kubwa sana, lina vijiji 94 na vitongoji kama alivyosema Mheshimiwa Naibu Waziri vitongoji 515 na vitongoji ambavyo vimepewa umeme ni nusu ya vitongoji vilivyopo.

Je, hawaoni kwamba ni vyema katika mgao ujao Bukoba ipewe kipaumbele badala ya vitongoji 15 vipewe 60 au 100 kusudi watu wapate umeme?

Mheshimiwa Mwenyekiti, swali la pili, tunafahamu kwamba kufunga umeme vijijini ni shilingi 27,000 kwa nyumba, lakini watu wangu wanaombwa 300,000/400,000 badala ya shilingi 27,000 na ni vijijini, je, ni kwa nini?

Name

Josephine Tabitha Chagulla

Sex

Female

Party

CCM

Constituent

Special Seats

Answer

NAIBU WAZIRI WA NISHATI: Mheshimiwa Mwenyekiti, la kwanza, kuhusiana na kupeleka umeme kwenye vitongoji ambavyo bado havina umeme, nimhakikishie Mheshimiwa Mbunge, tayari kuna miradi inaendelea katika Jimbo la Bukoba Vijijini na tunatarajia kuwa na mradi mkubwa wa kupeleka umeme pia kwenye vitongoji.

Mheshimiwa Mwenyekiti, maeneo haya yanatofautiana, na ni kweli kwenye Jimbo la Mheshimiwa Mbunge takribani nusu ya vitongoji havina umeme. Tutaendelea kushirikiana na Taasisi yetu ya Wakala wa Nishati Vijijini kuhakikisha kwamba maeneo ambayo kwa kweli miradi ya vitongoji ipo nyuma yanapewa jicho la kipekee ili kuhakikisha kwamba nayo yanapanda kidogo. Kwa hiyo, nimhakikishie Mheshimiwa Mbunge, miradi ipo ambayo inafanyika, lakini na kwa miradi inayokuja tutaendelea kuhakikisha Bukoba Vijijini tunaingalia kwa jicho la kipekee.

Mheshimiwa Mwenyekiti, kuhusiana na suala la pili la maeneo ya vijiji ambayo yanakuwa-charged shilingi 321,000. Nimhakikishie Mheshimiwa Mbunge na ni kweli kwenye baadhi ya maeneo yake ambayo ni vijiji kuna baadhi ya eneo kama moja au mawili yanakuwa-charged shilingi 321,000. Kwa niaba ya Mheshimiwa Naibu Waziri Mkuu na Waziri wa Nishati nimwelekeze Mkurugenzi Mtendaji wa TANESCO kuyapitia maeneo haya ambayo ni vijiji na kwa namna moja ama nyingine yanakuwa-charged zaidi ya bei ambayo Serikali imetoa mwongozo, ahsante.

Name

Anton Albert Mwantona

Sex

Male

Party

CCM

Constituent

Rungwe

Primary Question

MHE. DKT. JASSON S. RWEIKIZA aliuliza:- Je, lini Serikali itapeleka umeme vitongoji visivyokuwa na umeme Bukoba Vijijini?

Supplementary Question 2

MHE. ANTON A. MWANTONA: Mheshimiwa Mwenyekiti, ninaomba kujua ni lini Mradi wa REA kwa vitongoji 15 katika Jimbo la Rungwe utaanza?

Name

Judith Salvio Kapinga

Sex

Female

Party

CCM

Constituent

Special Seats

Answer

NAIBU WAZIRI WA NISHATI: Mheshimiwa Mwenyekiti, ahsante mradi wa vitongoji 15 katika Jimbo la Rungwe, mkandarasi yuko site na sasa hivi anafanya manunuzi. Nimhakikishie Mheshimiwa Mbunge, mradi umeanza na tumeshasaini mkataba na huu mradi wa vitongoji 15 utaenda kutekelezeka, ahsante.

Name

Selemani Jumanne Zedi

Sex

Male

Party

CCM

Constituent

Bukene

Primary Question

MHE. DKT. JASSON S. RWEIKIZA aliuliza:- Je, lini Serikali itapeleka umeme vitongoji visivyokuwa na umeme Bukoba Vijijini?

Supplementary Question 3

MHE. SELEMANI J. ZEDI: Mheshimiwa Mwenyekiti, ni kweli kwamba kazi ya kupeleka umeme kwenye vitongoji imeanza hata Jimboni kwangu Bukene Kampuni ya Sinotech imefika na imeanza kazi hiyo. Hata hivyo wanapeleka umeme kwenye vitongoji ambavyo tu vimepitiwa na line kubwa.

Je, Serikali ina mpango gani wa kuhakikisha hata vile vitongoji ambavyo havipitiwi na line kubwa (high tension) navyo vinapata umeme?

Name

Judith Salvio Kapinga

Sex

Female

Party

CCM

Constituent

Special Seats

Answer

NAIBU WAZIRI WA NISHATI: Mheshimiwa Mwenyekiti, ni kweli kwamba huu mradi wa vitongoji 15 ni mradi jazilizi, kwa hiyo unatekelezwa kwenye maeneo ambayo tayari yana miundombinu. Kwa maeneo ambayo hayana miundombinu tunakuja na mradi kuanzia mwezi wa 12 ambao utahusisha kujenga MV na LV lines, lakini vilevile utahusisha kuweka transfoma kulingana na ukubwa wa maeneo tofauti tofauti. Nimhakikishie Mheshimiwa Mbunge kwamba yale maeneo ambayo hayana miundombinu na kwa hiyo, yameshindwa kunufaika na huu mradi wa ujazilizi wa vitongoji 15 yataendelea kupata umeme na yataendelea kujengewa miundombinu kwa mradi unaokuja wa kupeleka umeme kwenye vitongoji, ahsante.

Name

Minza Simon Mjika

Sex

Female

Party

CCM

Constituent

Special Seats

Primary Question

MHE. DKT. JASSON S. RWEIKIZA aliuliza:- Je, lini Serikali itapeleka umeme vitongoji visivyokuwa na umeme Bukoba Vijijini?

Supplementary Question 4

MHE. MINZA S. MJIKA: Mheshimiwa Mwenyekiti, je, ni lini Serikali itapeleka umeme katika vitongoji vya Mkoa wa Simiyu ambavyo bado havijapata umeme ili kuondoa kero kwa wananchi wa Mkoa wa Simiyu?

Name

Judith Salvio Kapinga

Sex

Female

Party

CCM

Constituent

Special Seats

Answer

NAIBU WAZIRI WA NISHATI: Mheshimiwa Mwenyekiti, Serikali inaendelea na utekelezaji wa kupeleka umeme kwenye vitongoji katika Mkoa wa Simiyu na sasa hivi tuna huu mradi wa ujazilizi wa kupeleka umeme kwenye vitongoji 15 katika majimbo yote ya Mkoa wa Simiyu. Nimhakikishie Mheshimiwa Mbunge na wananchi wa Mkoa wa Simiyu ya kwamba Serikali itaendelea kupeleka miradi kwa kadiri tunavyoendelea mbeleni, ahsante.

Name

Francis Isack Mtinga

Sex

Male

Party

CCM

Constituent

Iramba Mashariki

Primary Question

MHE. DKT. JASSON S. RWEIKIZA aliuliza:- Je, lini Serikali itapeleka umeme vitongoji visivyokuwa na umeme Bukoba Vijijini?

Supplementary Question 5

MHE. FRANCIS I. MTINGA: Mheshimiwa Mwenyekiti, ahsante, kwa kuwa vitongoji ambavyo vinapitiwa na umeme mkubwa bado viko vingi sana kwenye majimbo yetu.

Je, Serikali haioni kuwa kuna sababu ya kuwaongeza hawa wakandarasi ambao wako site vitongoji zaidi ili kuokoa muda na kwamba tayari miundombinu ipo kwenye baadhi ya vitongoji?

Name

Judith Salvio Kapinga

Sex

Female

Party

CCM

Constituent

Special Seats

Answer

NAIBU WAZIRI WA NISHATI: Mheshimiwa Mwenyekiti, nishukuru kwa swali la Mheshimiwa Mbunge.

Mheshimiwa Mwenyekiti, maendeleo ni hatua na Tanzania nzima tuna vitongoji zaidi 36 ambavyo havina umeme. Ni azma ya Serikali kuhakikisha kwamba vitongoji vyote vinapelekewa umeme. Hata hivyo ni mradi ambao ni lazima uende kwa awamu kwa sababu vitongoji hivi ni vingi. Tumekwishaanza, nimhakikishie Mheshimiwa Mbunge waendelee kutuvumilia, tunatafuta fedha mwezi wa 12 tunakuja na mradi mwingine na vitongoji vingi zaidi vitanufaika na miradi hii ambayo kiukweli ina tija kubwa sana kwa maeneo ya kiuchumi na kijamii kwa wananchi wetu wa Tanzania, ahsante.