Name

Abdulhafar Idrissa Juma

Sex

Male

Party

CCM

Constituent

Mtoni

Primary Question

MHE. ABDUL-HAFAR IDRISSA JUMA K.n.y. MHE. RAMADHAN SULEIMAN RAMADHAN aliuliza:- Je, lini tathmini ya athari za kimazingira zitokanazo na maji ya bahari kwenye mashamba ya Mpunga - Bonde la Tibirinzi Chakechake itafanyika?

Supplementary Question 1

MHE. ABDUL-HAFAR IDRISSA JUMA: Mheshimiwa Mwenyekiti, nashukuru kwa majibu ya Serikali. Je, Serikali ina mpango wa kuwashirikisha, ama itawashirikishaje wananchi wakati wa kufanya tathmini ya mazingira?

Mheshimiwa Mwenyekiti, swali la pili. Je, Serikali ina mpango wa kuwalipa fidia au kuwapa chochote wananchi wa kaya walioathirika na athari za kimazingira, hasa zinazotokana na bahari kusogea juu katika ardhi?

Name

Khamis Hamza Khamis

Sex

Male

Party

CCM

Constituent

Uzini

Answer

NAIBU WAZIRI, OFISI YA MAKAMU WA RAIS, MUUNGANO NA MAZINGIRA: Mheshimiwa Mwenyekiti, naomba kujibu maswali mawili ya nyongeza ya Mheshimiwa Suleiman Ramadhan ambayo yameulizwa kwa niaba yake. Ni kweli kabisa kwamba, wakati wote wa shughuli za utafiti wa maeneo yale kuangalia zile athari mara nyingi wananchi wote wanashirikishwa. Kwa hiyo, namwahidi Mheshimiwa Mbunge kwamba wananchi watashirikishwa ipasavyo kwa sababu ndiyo waathirika wenyewe.

Mheshimiwa Mwenyekiti, kuhusu swali la pili linalohusu fidia, kama nilivyojibu kwenye swali la msingi ni kwamba tunaendelea kufanya tafiti za kina kujua athari zenyewe na kupata thamani halisi juu ya uharibifu ule. Hivyo, baada ya kukamilisha zoezi hilo, Serikali itaangalia namna yoyote ya kuwasaidia wananchi kama ni kujenga kingo au namna yoyote ile ambayo itarahisisha kuwafidia wale wananchi.

Name

Khalifa Mohammed Issa

Sex

Male

Party

ACT

Constituent

Mtambwe

Primary Question

MHE. ABDUL-HAFAR IDRISSA JUMA K.n.y. MHE. RAMADHAN SULEIMAN RAMADHAN aliuliza:- Je, lini tathmini ya athari za kimazingira zitokanazo na maji ya bahari kwenye mashamba ya Mpunga - Bonde la Tibirinzi Chakechake itafanyika?

Supplementary Question 2

MHE. KHALIFA MOHAMED ISSA: Mheshimiwa Mwenyekiti, ahsante sana. Mtambwe katika Kisiwa cha Mtambwe Mkuu ni katika maeneo ambayo bahari imevamia sana makazi ya watu. Je, ni lini walau Waziri atakuja kufanya ziara katika jimbo hili kuja kuona athari hiyo ambayo imetokea?

Name

Khamis Hamza Khamis

Sex

Male

Party

CCM

Constituent

Uzini

Answer

NAIBU WAZIRI, OFISI YA MAKAMU WA RAIS, MUUNGANO NA MAZINGIRA: Mheshimiwa Mwenyekiti, nijibu swali dogo la nyongeza la Mheshimiwa Khalifa, kama ifuatavyo:-

Mheshimiwa Mwenyekiti, ni kweli kabisa kwamba eneo la Mtambwe lina madhara ambayo ameyaeleza Mbunge; na kwa kuwa niko hapa kwa niaba ya Waziri anayehusika na dhamana hii nitafikisha ujumbe ili aweze kutembelea hayo maeneo na kuangalia kiasi cha athari, lakini nilikuwa nataka kutoa wito kwa Watanzania, unajua kwa sasa hivi kila siku tunaona jinsi mabadiliko ya tabianchi yanavyoleta athari kwa maeneo yetu, ardhi yetu na kwenye vyanzo vingine vya mito na kadhalika, kwa hiyo, natoa wito maeneo yote haya Waheshimiwa Wabunge tukashikamane huko nchi nzima hii hata tukigawana mti mmoja mmoja tukaupanda, maana yake kwa mara moja tutakuwa tumepanda karibu miti milioni 60.

Mheshimiwa Mwenyekiti, tunaweza kabisa tukakabili mazingira mbalimbali ambayo yanaharibiwa. Mengine yanaharibiwa kutokana na matumizi yetu, kwa mfano mti kama mkoko. Mkoko hauharibiki kwa namna nyingine yoyote bila kutengenezewa athari za kibinadamu.

Mheshimiwa Mwenyekiti, kwa hiyo, nawaomba Waheshimiwa Wabunge tukapige kelele kuhusu utunzaji wa mazingira. Mnamwona Mheshimiwa Rais wa Jamhuri ya Muunago wa Tanzania anavyopambania jinsi ya ku-protect maeneo yetu yasiendelee kuharibika na mnamwona Makamu wa Rais, ambaye ndiye hasa amepewa dhamana ya kusimamia Mazingira, jinsi anavyohangaika katika kulinda mazingira yasiharibiwe. Tuungane naye, tuungane na Serikali yetu chini ya Mama Samia kwa ajili ya kulinda na kuboresha mazingira yetu yasiharibiwe kwa namna yoyote kutokana na shughuli zozote ambazo sisi kama binadamu tunazifanya kwenye maeneo yetu.