Name

Neema Gerald Mwandabila

Sex

Female

Party

CCM

Constituent

Special Seats

Primary Question

MHE. NEEEMA G. MWANDABILA aliuliza: - Je, kuna mkakati gani wa kupandisha kiwango cha mauzo ya kahawa kitakacholipwa benki badala ya shilingi milioni moja inayolipwa kwa sasa?

Supplementary Question 1

MHE. NEEMA G. MWANDABILA: Mheshimiwa Mwenyekiti, ahsante, nina maswali mawili ya nyongeza. Awali ya yote kwanza niwapongeze kwa sababu zao la kahawa kipindi hiki lipo juu sana kwa bei yake sokoni. (Makofi)

Mheshimiwa Mwenyekiti, kwa kuwa sasa zao la kahawa limeonekana ni fursa ya kiuchumi, je, wana mkakati gani wa kuongeza idadi kubwa ya wanawake watakaoshiriki katika hiki kilimo cha kahawa?

Mheshimiwa Mwenyekiti, swali langu la pili; kwa kuwa benki ya KCBL imekuwa Benki ya Taifa ya Ushirika, je, benki hii ina mkakati gani wa kupeleka huduma katika vituo vya kuuzia kahawa Mkoani Songwe? Ahsante.

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Mwenyekiti, ahsante sana, nimthibitishie tu Mheshimiwa Mbunge kwamba moja ya mkakati wa Wizara ya Kilimo ni kuhakikisha wanawake wanajihusisha na kilimo cha kahawa kwa kiwango kikubwa na huo ndiyo mkakati ambao tupo nao na ndio maana kati ya mashamba ya mfano kwa maana ya block farms, tumekuwa tukiwa-engage wanawake. Moja ya mfano wa shamba zuri lipo kule Mkoani Kagera katika Wilaya ya Muleba ambapo vijana na akinamama wamehusishwa kwenye kilimo cha kahawa. Kwa hiyo, ni sehemu ya mkakati wetu na tutaendelea kufanya hivyo. (Makofi)

Mheshimiwa Mwenyekiti, kuhusu Benki ya Ushirika ambayo tumeizindua hivi karibuni ni kwamba kwa sasa itakuwa na matawi makubwa matatu kwa maana ya katika eneo la Dodoma itakuwa ndiyo makao makuu, Kilimanjaro pamoja na Tandahimba ambako ndipo ilipoanzia. Baada ya hapo tumekubaliana kwamba watafungua matawi ikiwemo katika Mkoa wa Songwe. Kwa hiyo, hili lipo katika mpango mkakati wa benki hiyo ambayo sisi kama Wizara tunaisimamia, ahsante.