Name

Asia Abdulkarim Halamga

Sex

Female

Party

CCM

Constituent

Special Seats

Primary Question

MHE. ASIA A. HALAMGA K.n.y. MHE. PRISCUS J. TARIMO aliuliza:- Je, nini mpango wa kuwalipa Wazabuni wanaotoa huduma mbalimbali hususani chakula kwenye Shule za Serikali wanaodai kwa muda mrefu?

Supplementary Question 1

MHE. ASIA A. HALANGA: Mheshimiwa Mwenyekiti, ahsante sana kwa kunipa nafasi ya kuweza kuuliza maswali mawili madogo ya nyongeza kwa niaba ya Mheshimiwa Priscus Tarimo, Mbunge wa Moshi Mjini. Nichukue nafasi hii kuipongeza Serikali katika kipindi cha bajeti Mheshimiwa Waziri alitueleza kwamba zimetolewa zaidi ya shilingi bilioni 949 kwa ajili ya ulipaji wa madeni mbalimbali. Tunataka kufahamu katika ulipaji huo wa zile fedha shilingi milioni 949 watoa huduma shuleni na wao wako kwenye huo mpango?

Mheshimiwa Mwenyekiti, swali langu la pili, je, mnatumia muda gani ili wananchi hawa waweze kujua watakaa muda gani na madeni hayo kwa sababu watoa huduma shuleni wengi ni wajasiriamali wadogo wadogo?

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Mwenyekiti, naomba kujibu maswali ya nyongeza ya Mheshimiwa Asia kama ifuatavyo:-

Mheshimiwa Mwenyekiti, swali lake la kwanza, bila shaka wazabuni ambao wanatoa huduma shuleni ni sehemu ya fedha ile ambayo ililipwa mwaka uliopita na wanaendelea kulipwa ndani ya mwaka huu na mwaka unaokuja.

Mheshimiwa Mwenyekiti, swali lake la pili kwamba ni lini, inategemea upatinaji wa mapato na kukamilika kwa uhakiki. Basi nimwomba Mheshimiwa na Wazabuni wote nchini wawe na Subira, muda ukifika, fedha zao watalipwa.

Name

Cecilia Daniel Paresso

Sex

Female

Party

CHADEMA

Constituent

Special Seats

Primary Question

MHE. ASIA A. HALAMGA K.n.y. MHE. PRISCUS J. TARIMO aliuliza:- Je, nini mpango wa kuwalipa Wazabuni wanaotoa huduma mbalimbali hususani chakula kwenye Shule za Serikali wanaodai kwa muda mrefu?

Supplementary Question 2

MHE. CECILIA D. PARESSO: Mheshimiwa Mwenyekiti, nakushukuru kwa kunipa nafasi niweze kuuliza swali dogo la nyongeza. Miongoni mwa wanaoidai Serikali kwa muda mrefu ni pamoja na wakandarasi wanaotengeneza barabara hapa nchini, na wako wengi wana madai ya muda mrefu. Ikumbukwe watu hawa wanapochukua hizi kazi wengine wanaenda kukopa benki. Wakati wanapotakiwa kufanya marejesho, Serikali haijawalipa. Nini kauli ya Serikali kuhusiana na hawa wakandarasi wanaodai, na wapo wengine wanafilisiwa na benki husika kwa sababu walienda kukopa? Nini kauli ya uhakika ya Serikali kuwapa matumaini watu hawa na ikiwezekana walipwe?

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Mwenyekiti, ahsante sana. Naomba kujibu swali la Mheshimiwa Mbunge kama ifuatavyo:-

Mheshimiwa Mwenyekiti, kauli ya Serikali ni kwamba madeni yote yanaendelea kuhakikiwa na Serikali. Uhakiki utakapokamilika na upatikanaji wa mapato, wazabuni wote pamoja na wakandarasi watalipwa.

Name

Grace Victor Tendega

Sex

Female

Party

CHADEMA

Constituent

Special Seats

Primary Question

MHE. ASIA A. HALAMGA K.n.y. MHE. PRISCUS J. TARIMO aliuliza:- Je, nini mpango wa kuwalipa Wazabuni wanaotoa huduma mbalimbali hususani chakula kwenye Shule za Serikali wanaodai kwa muda mrefu?

Supplementary Question 3

MHE. GRACE V. TENDEGA: Mheshimiwa Mwenyekiti, Mheshimiwa Naibu Waziri, alipojibu alisema wanafanyia uhakiki ndipo walipwe, lakini wapo watu au wakandarasi wengine wana miaka mitatu hawajalipwa. Je, huo uhakiki unachukua muda gani ili hawa watu wapate fedha zao?

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Mwenyekiti, naomba kujibu swali la Mheshimiwa Mbunge kama ifuatavyo:-

Mheshimiwa Mwenyekiti, Mheshimiwa Mbunge amechukua eneo moja tu. Nilisema kulingana na upatikanaji wa mapato na uhakiki wa madeni. Kwa hiyo, mapato ya fedha yakipatikana watalipwa. Dawa ya deni ni kulipa. Nawahakikishia Waheshimiwa Wabunge fedha ikipatikana wakandarasi wote watalipwa.

Name

Neema Kichiki Lugangira

Sex

Female

Party

CCM

Constituent

Special Seats

Primary Question

MHE. ASIA A. HALAMGA K.n.y. MHE. PRISCUS J. TARIMO aliuliza:- Je, nini mpango wa kuwalipa Wazabuni wanaotoa huduma mbalimbali hususani chakula kwenye Shule za Serikali wanaodai kwa muda mrefu?

Supplementary Question 4

MHE. NEEMA K. LUGANGIRA: Mheshimiwa Mwenyekiti, nashukuru. Changamoto ya madeni ya wazabuni wa chakula shuleni inasababisha kuathiri moja kwa moja upatikanaji wa chakula kwa wanafunzi na ubora wa chakula hicho hivyo kuathiri elimu kwa maana ya uwezo wa watoto kusoma. Sasa, ningependa kufahamu, Mei mwaka huu nilichangia hapa Bungeni kwenye Wizara ya Elimu kuhusu suala hili na Agosti; Mheshimiwa Naibu Waziri, Ofisi ya Rais, TAMISEMI, Zainab Katimba, alisema kwamba TAMISEMI imewasilisha Wizara ya Fedha madeni ya wazabuni wa chakula takribani shilingi bilioni 21.7. Sasa, je, uhakiki huo utakwisha lini? Kwa sababu nikitoa mfano kwenye Jimbo la Bukoba Mjini kuna shule sita za sekondari za Serikali ambazo zinaidai Serikali jumla ya shilingi milioni 935, na madeni hayo ni kati ya mwaka mpaka miaka sita.

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Mwenyekiti, naomba kujibu swali la Mheshimiwa Neema kama ifuatavyo: -

Mheshimiwa Mwenyekiti, ni kweli kwamba baadhi ya wazabuni malipo yao hayajakamilika na hayajawafikia, lakini naomba nimhakikishie Mheshimiwa Mbunge kwamba kama nilivyoendelea kusema, kadri mapato yatakavyoendelea kupatikana ndivyo wazabuni wetu watakavyolipwa. (Makofi)