Name

Ally Mohamed Kassinge

Sex

Male

Party

CCM

Constituent

Kilwa Kusini

Primary Question

MHE. ALLY M. KASSINGE aliuliza: - Je, nini mpango wa Serikali kupanua na kuboresha barabara ya Nangurukuru hadi Kilwa Masoko?

Supplementary Question 1

MHE. ALLY M. KASSINGE: Mheshimiwa Mwenyekiti, nashukuru kwa majibu mazuri ya Serikali yanayotupa matarajio sisi Wanakilwa. Hata hivyo, kutokana na ukweli kwamba Kilwa Masoko ndipo ambapo Serikali yetu pendwa inajenga bandari ya uvuvi na kwa maana hiyo, barabara hii ya Nangurukuru – Kilwa Masoko imekuwa ikielemewa sana na uzito wa mzigo wa magari yanayopeleka material bandarini, je, Serikali haioni umuhimu wa kufanya haraka kupata hizi fedha ili barabara hii iweze kutengenezwa na kuboreshwa kama ambavyo tuliomba?

Mheshimiwa Mwenyekiti, swali la pili, barabara ya Kiranjeranje – Nanjilinji hususan kipande cha Kiranjeranje – Makangaga tuliomba kujengewa kwa kiwango cha lami, lakini kwa hatua za awali angalau kujenga kwa kiwango cha changarawe ili magari yanayotoka Kiranjeranje kwenda Makangaga kufuata material ya gypsum yaweze kupita angalau kwa mazingira yaliyo mazuri. Je, Serikali imefikia hatua gani kuboresha barabara hii ya Kiranjeranje – Makangaga?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Mwenyekiti, naomba kujibu maswali mawili ya Mheshimiwa Kassinge kama ifuatavyo: -

Mheshimiwa Mwenyekiti, kuhusu barabara ya Kilwa Masoko kuelekea bandarini, kama alivyosema Serikali inaendelea na ujenzi wa bandari pale Kilwa Masoko na ili bandari iweze kuwa na tija. lazima barabara hii iweze kutengenezwa. Ninamhakikishia Mheshimiwa Mbunge kwamba wakati Serikali inaenda kukamilisha bandari, sambamba na hilo Serikali imeweka kwenye kipaumbele barabara hii ili iweze kuboreshwa kwa kujengwa upya ili iweze kuendana na uwekezaji mkubwa ambao umewekwa pale. Ujenzi wa bandari utaenda sambamba na kujengwa kwa barabara hii kwa kiwango cha lami kwa kadri tutakavyopata fedha.

Mheshimiwa Mwenyekiti, kuhusu swali la pili kuhusu Kiranjeranje – Nanjilinji, natumia nafasi hii kwanza kumshukuru Mheshimiwa Rais, Dkt. Samia Suluhu Hassan. Mkoa wa Lindi ni moja ya mikoa ambayo ilipata madhara makubwa ya mvua za El-Nino na Kimbunga Hidaya, lakini kwa kazi nzuri ambayo Waheshimiwa Wabunge wa Mkoa wa Lindi na ushirikiano ambao wamekuwa wakitupatia, na Mheshimiwa Rais, Dkt. Samia Suluhu Hassan, tayari ameshatupatia shilingi bilioni 140 kwa ajili ya kwenda kurudisha miundombinu ya barabara ambayo iliharibiwa ndani ya Mkoa wa Lindi na barabara hii ikiwemo. (Makofi)

Mheshimiwa Mwenyekiti, natumia nafasi hii kumshukuru sana Mheshimiwa Rais kwa uwezeshaji huo. Waheshimiwa Wabunge kutoka mkoa huu mnafahamu tayari nimeshakabidhi wakandarasi ndani ya Mkoa wa Lindi ili kazi iweze kuanza. Natumia nafasi hii kumwelekeza Meneja wa TANROADS Mkoa wa Lindi kutembelea hii Barabara ya Kiranjeranje – Nanjilinji kuhakikisha inatengenezwa kiwango cha changarawe ili iweze kupitika misimu yote kama Mheshimiwa Mbunge alivyoomba, ahsante sana. (Makofi)

Name

Issaay Zacharia Paulo

Sex

Male

Party

CCM

Constituent

Mbulu Mjini

Primary Question

MHE. ALLY M. KASSINGE aliuliza: - Je, nini mpango wa Serikali kupanua na kuboresha barabara ya Nangurukuru hadi Kilwa Masoko?

Supplementary Question 2

MHE. ZACHARIA P. ISSAAY: Mheshimiwa Mwenyekiti, nakushukuru sana kwa kupata nafasi hii. Ni takribani mwaka mmoja sasa barabara ya Mbulu – Garbabi ya kilometa 25 imetelekezwa na mkandarasi. Je, ni lini mkandarasi atarudi katika kipande cha kilometa 25 katika Barabara ya Mbulu – Garbabi ili iweze kutekelezwa kwa kiwango cha lami? (Makofi)

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Mwenyekiti, naomba kujibu swali la Mheshimiwa Zacharia kuhusu barabara hii ya Mbulu – Garbabi. Mheshimiwa Mbunge amekuwa akifuatilia barabara hii, nampongeza kwa ufuatiliaji. Nawahakikishia wananchi wake kuwa mkandarasi huyu kuna malipo alikuwa anadai na tumeshapeleka fedha Hazina. Fedha itapatikana ili aweze kuendelea na kazi na kurudi site, ahsante sana. (Makofi)

Name

Dr. Christina Christopher Mnzava

Sex

Female

Party

CCM

Constituent

Special Seats

Primary Question

MHE. ALLY M. KASSINGE aliuliza: - Je, nini mpango wa Serikali kupanua na kuboresha barabara ya Nangurukuru hadi Kilwa Masoko?

Supplementary Question 3

MHE. DKT. CHRISTINA C. MNZAVA: Mheshimiwa Mwenyekiti, barabara ya kutoka Old Shinyanga – Bubiki ilianza kujengwa kwa kiwango cha lami lakini imefika hapo katikati Busangwa ujenzi umesimama. Je, ni lini Serikali itakamilisha ujenzi huo? (Makofi)

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Mwenyekiti, naomba kujibu swali la Mheshimiwa Dkt. Christina Mnzava, kama ifuatavyo: -

Mheshimiwa Mwenyekiti, nafahamu hitaji la Mheshimiwa Mbunge na namhakikishia kadri fedha itakavyopatikana tutatekeleza ombi lake, ahsante sana. (Makofi)

Name

Cecil David Mwambe

Sex

Male

Party

CCM

Constituent

Ndanda

Primary Question

MHE. ALLY M. KASSINGE aliuliza: - Je, nini mpango wa Serikali kupanua na kuboresha barabara ya Nangurukuru hadi Kilwa Masoko?

Supplementary Question 4

MHE. CECIL D. MWAMBE: Mheshimiwa Mwenyekiti, pamoja na majibu mazuri sana ya Mheshimiwa Waziri, lakini atakumbuka barabara ya Kibiti – Lindi – Mtwara – Masasi ilifungwa mwaka 2023, wakati wa mvua za El-Nino. Ni kweli Serikali imetenga fedha kwa ajili ya ujenzi wa barabara hizo, lakini sasa hivi mvua zinakaribia na hakuna mkandarasi yeyote aliyeko site pamoja na Serikali kusaini mkataba na wakandarasi hawa. Tunataka kufahamu, kabla ya mvua hizi za El-Nino, lakini pia atuhakikishie wananchi wa Mtwara kwamba barabara hiyo haitafungwa mwaka huu. Ni lini, mkandarasi anayetakiwa kujenga barabara ya Kibiti – Lindi – Mtwara – Masasi atakuwepo site? (Makofi)

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Mwenyekiti, Mheshimiwa Cecil Mwambe amekuwa akifuatilia barabara hii na ningependa kujibu swali lake kama ifuatavyo: -

Mheshimiwa Mwenyekiti, kwanza tuko hatua za mwisho za kumpata mkandarasi kujenga barabara ya Mtwara – Masasi – Mingoyo, na ni mkakati wa Serikali kujenga upya barabara hii kwa sababu imeharibiwa sana na mvua. Kwa hiyo, namhakikishia Mheshimiwa Mbunge, tumejipanga na ninawatoa wasiwasi Waheshimiwa Wabunge pamoja na Watanzania, kama ambavyo tulifanya mwaka 2023, tulipata mvua kubwa za El-Nino na Kimbunga Hidaya lakini Serikali inayoongozwa na Mheshimiwa Rais, Dkt. Samia Suluhu Hassan, pamoja na mvua kubwa ambazo tulizipata tulihakikisha mawasiliano yanakuwepo. Hata msimu huu wa mvua ambao unakaribia kuanza tumejipanga. Kwa hiyo, nawaondoa wasiwasi Waheshimiwa Wabunge pamoja na Watanzania. Kupitia TANROADS ikishirikiana na TARURA tumejipanga ipasavyo kuhakikisha mawasiliano yanakuwepo muda wote, ahsante sana. (Makofi)

Name

Saashisha Elinikyo Mafuwe

Sex

Male

Party

CCM

Constituent

Hai

Primary Question

MHE. ALLY M. KASSINGE aliuliza: - Je, nini mpango wa Serikali kupanua na kuboresha barabara ya Nangurukuru hadi Kilwa Masoko?

Supplementary Question 5

MHE. SAASHISHA E. MAFUWE: Mheshimiwa Mwenyekiti, Barabara ya Machine Tools – Kiaria na barabara ya Kwa Sadala – Mula ni barabara za TANROADS lakini zimejengwa hazikuwekwa taa ilhali barabara ya Makoa Mferejini imejengwa na imewekwa taa, kwa hiyo inaleta tofauti kubwa. Je, ni lini sasa Serikali itaweka taa kwenye barabara hizi?

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Mwenyekiti, nampongeza Mheshimiwa Saashisha, amekuwa akinifuata kuhusu hitaji hili. Naomba baada ya majibu haya nitakaa naye tuwasiliane na Regional Manager kule Kilimanjaro tuone namna ambavyo tutatekeleza jambo hili, ahsante sana. (Makofi)

Name

Neema William Mgaya

Sex

Female

Party

CCM

Constituent

Special Seats

Primary Question

MHE. ALLY M. KASSINGE aliuliza: - Je, nini mpango wa Serikali kupanua na kuboresha barabara ya Nangurukuru hadi Kilwa Masoko?

Supplementary Question 6

MHE. NEEMA W. MGAYA: Mheshimiwa Mwenyekiti, tayari Serikali imeshajenga kilometa 19.4 za barabara ya Njombe – Iyai yenye kilometa 74 ambayo inaunganisha Mkoa wa Njombe na Mbeya ndani ya Jimbo la Wanging’ombe kwa kiwango cha lami. Je, ni lini Serikali itamalizia ujenzi wa barabara hii kutokana na umuhimu na uzalishaji mkubwa unaofanywa na wananchi wa Jimbo la Wanging’ombe? (Makofi)

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Mwenyekiti, naomba kujibu swali la Mheshimiwa Neema Mgaya, kama ifuatavyo: -

Mheshimiwa Mwenyekiti, natambua umuhimu wa barabara hii na namhakikishia Mheshimiwa Neema Mgaya kwamba tutaipa kipaumbele barabara hii kadiri fedha zitakavyokuwa zinapatikana, ahsante sana. (Makofi)

Name

Margaret Simwanza Sitta

Sex

Female

Party

CCM

Constituent

Urambo

Primary Question

MHE. ALLY M. KASSINGE aliuliza: - Je, nini mpango wa Serikali kupanua na kuboresha barabara ya Nangurukuru hadi Kilwa Masoko?

Supplementary Question 7

MHE. MARGARET S. SITTA: Mheshimiwa Mwenyekiti, naomba niulize swali la nyongeza kama ifuatavyo: -

Mheshimiwa Mwenyekiti, katika barabara inayokwenda Kigoma, Kata ya Vumilia kuna wananchi wa maeneo ya Mbaoni na Motomoto ambao wanaidai fidia Serikali kupitia Wizara ya Ujenzi ili wabomoe nyumba zao wapishe nguzo za umeme ambazo zinapeleka umeme katika kituo kipya cha kupozea umeme kinachojengwa eneo la Uhuru. Je, ni lini Serikali italipa ili na sisi umeme ufikishwe katika kituo chetu kinachojengwa? Ahsante sana. (Makofi)

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Mwenyekiti, naomba kujibu swali la Mheshimiwa Mama Margaret Sitta, kama ifuatavyo: -

Mheshimiwa Mwenyekiti, fidia huwa ni sehemu ya gharama ya mradi. Kwa hiyo, naependa kumhakikishia Mheshimiwa Margaret Sitta pamoja na wananchi wake kwamba waendelee kuwa na subira. Mradi husika utakapokuwa unatekelezwa, basi sehemu ya gharama hiyo ni suala la hizi fidia. (Makofi)

Name

Flatei Gregory Massay

Sex

Male

Party

CCM

Constituent

Mbulu Vijijini

Primary Question

MHE. ALLY M. KASSINGE aliuliza: - Je, nini mpango wa Serikali kupanua na kuboresha barabara ya Nangurukuru hadi Kilwa Masoko?

Supplementary Question 8

MHE. FLATEI G. MASSAY: Mheshimiwa Mwenyekiti, ahsante kwa kunipatia nafasi ya kuuliza swali dogo la ngongeza. Barabara ya Haydom – Labay imesainiwa na Mheshimiwa Waziri alikuja. Tumesaini barabara ile na akatuahidi ujenzi utaanza. Je, ni lini pochi la Mama linafunguliwa ili fedha zianze kupelekwa kwa mkandarasi na amalize kazi ya kujenga barabara ile? Ahsante.

Name

Innocent Lugha Bashungwa

Sex

Male

Party

CCM

Constituent

Karagwe

Answer

WAZIRI WA UJENZI: Mheshimiwa Mwenyekiti, kwanza nampongeza Mheshimiwa Flatei kwa namna ambavyo anafuatilia barabara hii na tumeshakaa naye pamoja na Hazina. Mkandarasi anasubiri advance payment. Kwa hiyo, nakuhakikishia yeye pamoja na wananchi wake kuwa barabara hii itaanza kujengwa tutakavyopata tu advance payment. (Makofi)