Name

Mariam Madalu Nyoka

Sex

Female

Party

CCM

Constituent

Special Seats

Primary Question

MHE. MARIAM M. NYOKA aliuliza:- Je, wavuvi wameshirikishwaje katika mpango wa Serikali wa ununuzi wa Boti za uvuvi?

Supplementary Question 1

MHE. MARIAM M. NYOKA: Mheshimiwa Mwenyekiti, nakushukuru, naomba niulize maswali madogo mawili ya nyongeza. Swali la kwanza, Serikali ina mpango gani wa kuwawezesha wavuvi vifaa vya kuchunguza samaki mahali walipo badala ya kuvua kwa kubahatisha ikiwa ni pamoja na kuwapatia vifaa vya uokoaji kama life jacket na vifaa vingine?

Mheshimiwa Mwenyekiti, swali la pili, lini Serikali itawezesha wavuvi wa Ziwa Nyasa, boti za fiber za horsepower 9.9 na horsepower 15 ili ziweze kukidhi uwezo wa wavuvi wa ziwa hilo?

Name

Alexander Pastory Mnyeti

Sex

Male

Party

CCM

Constituent

Misungwi

Answer

NAIBU WAZIRI WA MIFUGO NA UVUVI: Mheshimiwa Mwenyekiti, nianze na hili la kuwawezesha vifaa vya uvuvi, Wavuvi wa Ziwa Nyasa. Kwanza, tulipoanza hili zoezi ambalo Mheshimiwa Rais alituruhusu kugawa boti na vifaa vya uvuvi katika maeneo mbalimbali, tulituma wataalam katika Ziwa Nyasa na walizunguka maeneo yote kwa kukutana na wavuvi na kuainisha mahitaji ya wavuvi ni nini? Baadaye wavuvi walikubali, waliainisha kwamba wanahitaji boti na vifaa vya kuvulia.

Mheshimiwa Mwenyekiti, nimhakikishie Mheshimiwa Mbunge kwamba tayari tumeshatoa boti kwenye vikundi mbalimbali katika Ziwa Nyasa. Pia boti hizi zinaambatana na vifaa vyake ikiwa ni pamoja na nyavu, life jacket na vifaa vingine vya kuvulia. Mheshimiwa Mbunge ametaka kujua ni lini Serikali itatoa vifaa vya kuchunguza kujua samaki wako wapi badala ya kwenda kuvua kwa kutumia miujiza?

Mheshimiwa Mwenyekiti, nataka nimhakikishie kwamba, katika boti hizo tunazozitoa zinakuwa na fish finder ambayo inamwelekeza mvuvi wetu kwamba, samaki wako kilometa 10; ukifika kilomita 10 kata kushoto, ukifika kilomita nane kata kulia, kilomita 100, hapo ndiyo kuna mzigo. Kwa hiyo, sasa hivi wavuvi wetu hawaendi kienyeji kama ilivyokuwa zamani. Tuna fish finder ambazo zimekuwa zikitolewa katika boti hizo na kwa kweli kumekuwa na matokeo chanya katika uvuvi wa samaki katika maeneo mbalimbali.

Mheshimiwa Mwenyekiti, katika Ziwa Nyasa, kama nilivyosema katika jibu la msingi, tumeshatoa boti na hizi boti tumekuwa tukizitoa kwa mahitaji yao wenyewe wale wavuvi ambao wamekuwa wakihitaji, kwa sababu boti hizi wakati mwingine zinaonesha urefu wa boti inategemea na horsepower gani, ina injini ya ukubwa kiasi gani? Kwa mfano, boti ikiwa na urefu wa mita 12 huwezi kuiwekea horsepower two, lazima uweke horsepower kubwa ambayo inaweza ikasukuma ile boti. Kwa hiyo, nimhakikishie kwamba, bado tuna uhitaji mkubwa katika Ziwa Nyasa na tuko tayari kuendelea kutoa boti hizi kwa sababu Mheshimiwa Rais amewezesha boti nyingi sana hasa kwenye mwaka huu, tutaendelea kutoa boti nyingi katika Ziwa Nyasa kuhakikisha kwamba wavuvi wetu wanakuwa na unafuu, ahsante.