Name

Dr. Faustine Engelbert Ndugulile

Sex

Male

Party

CCM

Constituent

Kigamboni

Primary Question

MHE. DKT. FAUSTINE E. NDUGULILE aliuliza:- Je, Serikali ina mpango gani wa kuanza kwa matumizi ya Sarafu za Kidijitali (Central Bank Digital Currency) hapa nchini?

Supplementary Question 1

MHE. DKT. FAUSTINE E. NDUGULILE: Mheshimiwa Spika, nashukuru kwa majibu ya Serikali, naomba kuuliza maswali madogo mawili. Sasa hivi nchini kuna biashara ya foreign currency markets inazofanyika kwenye mitandao, Pamoja na biashara ya crypto currencies. Nini mkakati wa Serikali wa kusimamia na kuratibu biashara hii?

Mheshimiwa Spika, swali la pili. Kuna Watanzania wengi wanafanya kazi nje ya nchi na wengine waliopo nchini wanafanya kazi za kisanii, kibiashara na kishauri kupitia mitandao, wanalipwa kwa fedha za kigeni, lakini fedha zile kuingia nchini imekuwa ni changamoto kubwa sana kwa sababu ya gharama kubwa za makato wanazopitia.

Mheshimiwa Spika, waweze kupitia nini makakati wa kupunguza gharama za makato ili Watanzania wale wanufaike na jasho lao? (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Spika, ahsante, naomba kujibu maswali mawili ya nyongeza ya Mheshimiwa Mbunge, kama ifuatavyo:-

Mheshimiwa Spika, swali lake la kwanza, mkakati wa Serikali, moja kati ya Mkakati wa Serikali ni kuboresha mifumo ya utumaji na upokeaji fedha ili kupunguza gharama ikiwa ni pamoja na kupunguza tozo na makato mbalimbali.

Mheshimiwa Spika, swali lake la pili Serikali inaendelea kufuatilia suala hili na tumechukua ushauri wake tukiona ipo haja ya kufanya hivyo basi tutafanya, wala hakuna shida yoyote. (Makofi)

Name

Condester Michael Sichalwe

Sex

Female

Party

CCM

Constituent

Momba

Primary Question

MHE. DKT. FAUSTINE E. NDUGULILE aliuliza:- Je, Serikali ina mpango gani wa kuanza kwa matumizi ya Sarafu za Kidijitali (Central Bank Digital Currency) hapa nchini?

Supplementary Question 2

MHE. CONDESTER M. SICHALWE: Mheshimiwa Spika, nakushukuru kwa nafasi. Ili nchi yoyote iweze kujiendesha vizuri kutoa miradi mijini na vijijini ni pamoja na kuongeza vyanzo vya mapato. Kwenye eneo hili la digital currencies kumeonekana kwamba kuna fursa nyingi sana na vijana wengi wa Kitanzania wanafanya biashara hii.

Mheshimiwa Spika, swali langu kwa Serikali, Serikali inaonaje kwa kushirikiana na Ofisi ya CAG mumpe kazi CAG aweze kufanya forensic audit kwa ajili yaku-audit transaction zote ambazo zinafanyika kwenye currencies mfano Bitcoin, Ethereum, LEPO, USDT na currency zingine ili tuweze kujua ni kiasi gani tunapoteza ili tuweze kukitumia kama chanzo cha mapato kwa ajili ya kusaidia Taifa letu? (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

WAZIRI WA FEDHA: Mheshimiwa Spika, kwanza nimpongeze Mheshimiwa Naibu Waziri kwa majibu mazuri pamoja na swali zuri lililoulizwa na Mheshimiwa Mbunge.

Mheshimiwa Spika, kama alivyosema Mheshimiwa Mbunge na majibu ya Mheshimiwa Naibu Waziri, Serikali inaendelea na utafiti kuhusu the whole scenario ya matumizi ya other currencies zikiwemo hizi za kieletroniki pamoja na matumizi ambayo yanaendelea na currencies hizi za kawaida ambazo ni hard cash, ambazo tumekuwa tukizitumia katika baadhi ya maeneo kuangalia kama kuna benefit tunazoweza kuzipata endapo tuka-shift kwenda kwenye matumizi ya alternative currencies hizi digital currencies.

Mheshimiwa Spika, kwa hiyo utafiti unaendelea na sasa wanaangalia experience kutoka katika mataifa yakiwemo ya Afrika ambayo yameishaenda kwenye digital currency kama Nigeria pamoja na nchi za Asia ambao wameshaanza kutumia utaratibu huo. Baada ya kuwa imekamilika tutaanza hatua kwa hatua kama tutaona ni jambo lenye faida na ambalo litatupigisha hatua zaidi. (Makofi)