Name

Suleiman Haroub Suleiman

Sex

Male

Party

CCM

Constituent

House of Representatives

Primary Question

MHE. SULEIMAN HAROUB SULEIMAN aliuliza:¬- Je, Serikali ina mpango gani wa kutengeneza fukwe za bahari zilizoathirika upande wa Zanzibar?

Supplementary Question 1

MHE. SULEIMAN HAROUB SULEIMAN: Mheshimiwa Naibu Spika, nakushukuru sana. Pamoja na majibu mazuri sana ya Mheshimiwa Waziri, nina maswali mawili ya nyongeza, kama ifuatavyo:-

Mheshimiwa Naibu Spika, swali la kwanza; je, Serikali ina mkakati gani kwenda kurekebisha baadhi ya maeneo ya fukwe yaliyoathirika kutokana na mabadiliko ya tabianchi?

Mheshimiwa Naibu Spika, swali la pili; kuna baadhi ya maeneo yapo sehemu ya fukwe na yana takataka nyingi. Je, Serikali ina mkakati gani wa kudhibiti takataka hizo?

NAIBU SPIKA: Mheshimiwa Naibu Waziri.

NAIBU WAZIRI, OFISI YA MAKAMU WA RAIS, MUUNGANO NA MAZINGIRA: Mheshimiwa Naibu Spika, samahani, swali la pili sikulisikia vizuri.

NAIBU SPIKA: Hebu rudia swali la pili.

MHE. SULEIMAN HAROUB SULEIMAN: Mheshimiwa Naibu Spika, kuna baadhi ya maeneo ya fukwe yameathirika na takataka, kwa maana ya uchafu. Sasa je, ni mpango gani upo ama labda mkakati gani endelevu upo kwa ofisi yake kuweza kuondoa takataka hizo?

Name

Khamis Hamza Khamis

Sex

Male

Party

CCM

Constituent

Uzini

Answer

NAIBU WAZIRI, OFISI YA MAKAMU WA RAIS, MUUNGANO NA MAZINGIRA: Mheshimiwa Naibu Spika, naomba kujibu maswali mawili ya nyongeza ya Mheshimiwa Suleiman, kama ifuatavyo:-
Mheshimiwa Naibu Spika, zipo hatua mbalimbali ambazo Serikali ya Mapinduzi ya Zanzibar kwa kushirikiana na Serikali ya Jamhuri ya Muungano wa Tanzania tumezichukua katika kuhakikisha kwamba, tunaenda kukabiliana na changamoto kubwa ya athari ya mabadiliko ya tabianchi. Kwanza, ni kuanzisha miradi mbalimbali ambayo inakwenda kusaidia kutatua changamoto ya mabadiliko ya tabianchi, ikiwemo miradi ya ujenzi wa kuta ili mabadiliko ya maji ya bahari yasiweze kuingia kwenye vipando na maeneo ya makazi.

Mheshimiwa Naibu Spika, tumeendelea kutoa elimu mbalimbali, lengo na madhumuni ni kuwawezesha wananchi kuelewa umuhimu wa kutunza mazingira. Kikubwa zaidi, tayari tunaendelea kuchukua hatua mbalimbali za kuona namna ambavyo tunawashurutisha wananchi waendelee kutunza na kuhifadhi mazingira, ili waepukane na athari kubwa za mabadiliko ya tabianchi.

Mheshimiwa Naibu Spika, kuhusiana na suala la uchafu ama taka ambazo Mheshimiwa amezungumzia; tayari Serikali ya Mapinduzi ya Zanzibar, kupitia halmashauri, manispaa, mabaraza ya miji na majiji yote, imeshaanza hatua ya kufanya usafi kila mwezi kwa lengo na madhumuni ya kuufanya mji uwe safi kutokana na taka.

Mheshimiwa Naibu Spika, Vikosi vya SMZ, hasa Kikosi cha KMKM cha Commodore, Msingiri, tayari kuna hatua mbalimbali wameanza kuzichukua za kufanya usafi katika mji kila mwezi. Lengo na madhumuni ni kuusafisha mji huo, kuondoa taka na uchafu ambao unaweza ukatokea katika Mji wa Zanzibar.

Name

Dr. Josephat Mathias Gwajima

Sex

Male

Party

CCM

Constituent

Kawe

Primary Question

MHE. SULEIMAN HAROUB SULEIMAN aliuliza:¬- Je, Serikali ina mpango gani wa kutengeneza fukwe za bahari zilizoathirika upande wa Zanzibar?

Supplementary Question 2

MHE. ASKOFU JOSEPHAT M. GWAJIMA: Mheshimiwa Naibu Spika, ahsante kwa kunipa nafasi niulize swali dogo la nyongeza. Kwa sababu ya mvua nyingi zilizonyesha kupita kawaida katika Jimbo la Kawe, Mto Nakasangwe, Mto Tegeta, Mto Mpiji na mito mingine imepanuka na kufikia almost mita 300. Pamoja na kwamba Mheshimiwa Waziri ametoa shilingi bilioni moja kwa ajili ya kutengeneza mito. Je, yupo tayari kwenda pamoja na mimi akaangalie hali halisi ya mito katika Jimbo la Kawe?

Name

Khamis Hamza Khamis

Sex

Male

Party

CCM

Constituent

Uzini

Answer

NAIBU WAZIRI, OFISI YA MAKAMU WA RAIS, MUUNGANO NA MAZINGIRA: Mheshimiwa Naibu Spika, nipo tayari kuambatana na Mheshimiwa Mbunge kwenda kuona hali ilivyo na kuwasaidia wananchi.

Name

Khalifa Mohammed Issa

Sex

Male

Party

ACT

Constituent

Mtambwe

Primary Question

MHE. SULEIMAN HAROUB SULEIMAN aliuliza:¬- Je, Serikali ina mpango gani wa kutengeneza fukwe za bahari zilizoathirika upande wa Zanzibar?

Supplementary Question 3

MHE. KHALIFA MOHAMED ISSA: Mheshimiwa Naibu Spika, ahsante sana. Mtambwe Mkuu ni katika visiwa ambavyo vimeathirika sana na vina makazi ya watu. Je, ni lini utafanyika huo mpango wa kujengewa matuta kuzuia maji ya bahari kutoathiri visiwa hivi?

Name

Khamis Hamza Khamis

Sex

Male

Party

CCM

Constituent

Uzini

Answer

NAIBU WAZIRI, OFISI YA MAKAMU WA RAIS, MUUNGANO NA MAZINGIRA: Mheshimiwa Naibu Spika, ni kweli tunatambua kwamba, kuna hiyo changamoto huko Mtambwe. Namwomba tu Mheshimiwa tunamaliza Ukuta wa Sipwese, Kusini Pemba, kisha tutakuja Mtambwe Mkuu, Kaskazini Pemba.

Name

Hawa Mchafu Chakoma

Sex

Female

Party

CCM

Constituent

Special Seats

Primary Question

MHE. SULEIMAN HAROUB SULEIMAN aliuliza:¬- Je, Serikali ina mpango gani wa kutengeneza fukwe za bahari zilizoathirika upande wa Zanzibar?

Supplementary Question 4

MHE. HAWA M. CHAKOMA: Mheshimiwa Naibu Spika, nashukuru kwa kunipa nafasi. Hali ya uharibifu wa fukwe za bahari zinazoathiriwa na maji Kisiwani Zanzibar inafanana kabisa na hali ya Fukwe za Kisiwa cha Mafia. Je, ni lini Mheshimiwa Waziri atakuwa tayari kuzitengeneza fukwe hizo? Ahsante.

Name

Khamis Hamza Khamis

Sex

Male

Party

CCM

Constituent

Uzini

Answer

NAIBU WAZIRI, OFISI YA MAKAMU WA RAIS, MUUNGANO NA MAZINGIRA: Mheshimiwa Naibu Spika, Serikali tupo tayari kurekebisha ama kufanya usafi wa maeneo ya fukwe kwa kushirikiana na wananchi na yeye mwenyewe Mheshimiwa Mbunge. Tutafanya hivyo kama ambavyo Mheshimiwa amependekeza. Nashukuru.