Name

Shally Josepha Raymond

Sex

Female

Party

CCM

Constituent

Special Seats

Primary Question

MHE. SHALLY J. RAYMOND K.n.y. MHE. ESTHER E. MALLEKO aliuliza:- Je, lini huduma ya Ultrasound itatolewa bure kwa wajawazito wanapohudhuria kliniki?

Supplementary Question 1

MHE. SHALLY J. RAYMOND: Mheshimiwa Naibu Spika, naishukuru Serikali, lakini kwa kuwa kipimo hiki cha ultrasound ni muhimu sana na sasa hivi vituo vya afya vimejengwa kwenye kila kata. Je, Serikali ina mpango gani wa kupeleka ultrasound machines kwenye kila kituo cha afya kikiwemo Kituo cha Kata ya Uru Kusini?

Name

Ummy Ally Mwalimu

Sex

Female

Party

CCM

Constituent

Tanga Mjini

Answer

WAZIRI WA AFYA: Mheshimiwa Naibu Spika, tunamshukuru Mama yangu Shally Raymond kwa maswali mazuri, lakini kwa kuwa mstari wa mbele katika kuboresha huduma za akinamama wajawazito, Mkoa wa Kilimanjaro.

Mheshimiwa Naibu Spika, ni kweli kipimo cha ultrasound ni muhimu na tunaendelea na zoezi la kusambaza machine za ultrasound. Hospitali za wilaya tulishamaliza sasa hivi tunakwenda katika vituo vya afya na tunamshukuru Rais Dkt. Samia kwa kutuwezesha kufanya mapinduzi makubwa ya kusambaza ya hizi ultrasound machines, ngazi ya kituo cha afya pia tutafika. Mheshimiwa Shally nitakuja katika Kituo chako cha Afya cha Uru na tutakupatia ultrasound machine. (Makofi)

Name

Issaay Zacharia Paulo

Sex

Male

Party

CCM

Constituent

Mbulu Mjini

Primary Question

MHE. SHALLY J. RAYMOND K.n.y. MHE. ESTHER E. MALLEKO aliuliza:- Je, lini huduma ya Ultrasound itatolewa bure kwa wajawazito wanapohudhuria kliniki?

Supplementary Question 2

MHE. ZACHARIA P. ISSAAY: Mheshimiwa Naibu Spika, nakushukuru sana. Tunaipongeza Serikali kwa kupanua mindombinu ya huduma za afya nchini. Je, Serikali ina mkakati gani sasa wa kutoa huduma ya saratani ya figo kwa wagonjwa wote katika hospitali za wilaya na mikoa nchini?

NAIBU SPIKA: Mheshimiwa, rudia swali lako tena kwa sauti, iweke microphone yako vizuri.

MHE. ZACHARIA P. ISSAAY: Mheshimiwa Naibu Spika, Serikali ina mkakati gani wa kutoa huduma ya upimaji wa figo na matibabu yake katika hospitali za mikoa na halmashauri nchini?

Name

Ummy Ally Mwalimu

Sex

Female

Party

CCM

Constituent

Tanga Mjini

Answer

WAZIRI WA AFYA: Mheshimiwa Naibu Spika, naomba kujibu swali la Mheshimiwa Issaay, Mbunge wa Mbulu Vijijini kama ifuatavyo:-

Mheshimiwa Naibu Spika, ni kweli tumeendelea kuboresha upatikanaji wa huduma za matibabu ya saratani katika ngazi ya mikoa na kanda. Swali lake alikuwa anasema twende katika ngazi ya wilaya. Sasa hili kidogo linahitaji uwekezaji kwa sababu matibabu ya saratani yamegawanyika katika sehemu kubwa tatu: sehemu ya kwanza ni upasuaji, sehemu ya pili ni matibabu kwa kutumia tiba kemia (chemotherapy) na ya tatu ni radiotherapy kwa kutumia mionzi. Kwa hiyo, hatuwezi kupeleka huduma za mionzi katika ngazi ya hospitali za wilaya. Sasa hivi tunachofanya ni kushusha huduma za tiba kemia kutoka Ocean Road na hospitali za kanda kwenda katika hospitali za rufaa za mikoa na tumeanza kwa Mkoa wa Arusha. Kwa hiyo, tutakwenda Mkoa wa Manyara, lakini ngazi ya hospitali ya wilaya bado kwanza.

Name

Esther Nicholus Matiko

Sex

Female

Party

CHADEMA

Constituent

Special Seats

Primary Question

MHE. SHALLY J. RAYMOND K.n.y. MHE. ESTHER E. MALLEKO aliuliza:- Je, lini huduma ya Ultrasound itatolewa bure kwa wajawazito wanapohudhuria kliniki?

Supplementary Question 3

MHE. ESTHER N. MATIKO: Mheshimiwa Naibu Spika, kwa kuwa wajawazito wengi wanapata huduma kwenye vituo vya afya, nikataka kujua ni lini Serikali itapeleka huduma ya ultrasound kwenye vituo vyote vya afya Mkoani Mara?

Name

Ummy Ally Mwalimu

Sex

Female

Party

CCM

Constituent

Tanga Mjini

Answer

WAZIRI WA AFYA: Mheshimiwa Naibu Spika, nashukuru kwa swali zuri la Mheshimiwa Esther Matiko. Kama nilivyosema kati ya jambo kubwa ambalo Mheshimiwa Rais Dkt. Samia amelifanya katika kuboresha huduma za afya ni kuboresha huduma za akinamama wajawazito. Kwa hiyo, naahidi chini ya Rais Dkt. Samia kabla hajaondoka tutapeleka ultrasound machines katika vituo vya afya vyote nchi nzima, kwa sababu mimba salama ni pamoja na mjamzito kupima ili kujua masuala mbalimbali ya maendeleo ya ujauzito na mtoto.