Name

Zuberi Mohamedi Kuchauka

Sex

Male

Party

CCM

Constituent

Liwale

Primary Question

MHE. ZUBERI M. KUCHAUKA aliuliza:- Je, lini Serikali itairejeshea Halmashauri ya Liwale fedha za miradi ya kimkakati iliyorudishwa Hazina ili iweze kujenga stendi ya Kisasa?

Supplementary Question 1

MHE. ZUBERI M. KUCHAUKA: Mheshimiwa Mwenyekiti, kwanza nishukuru kwa majibu mazuri ya Serikali yanayotia matumaini, lakini kwa sababu ya mradi huu ni wa muda mrefu sana, una zaidi ya miaka sita sasa, umekumbwa na misukosuko mingi sana. Sasa naomba kupata kauli ya Serikali nini uwezo wao wa kusukuma mradi huu mwaka huu ukaanza kwa sababu tu umechelewa sana na wanaliwale wanauhitaji sana.

Swali la pili sambamba na mradi huu wa Stendi ya Kisasa, Liwale tulikuwa na shida kubwa sana ya kuwa na soko la kisasa, iliandikwa miradi hii yote miwili sambamba. Je, Serikali iko tayari sasa kutupatia fedha na mradi huu wa soko la kisasa ukaanza? (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Mwenyekiti, ahsante sana, naomba kabla ya kujibu maswali mawili ya nyongeza ya Mheshimiwa Kuchauka nimpongeze sana kwa namna anavyofuatilia miradi hii hasa huu wa stendi ya kisasa kule.

Mheshimiwa Mwenyekiti, swali lake la kwanza kama nilivyozungumza au kama nilivyojibu katika swali la msingi kwamba tayari fedha imetengwa milioni 412 ya mwaka ujao wa fedha 2024/2025, kwa hiyo, nimhakikishie Mheshimiwa Mbunge kwamba mradi ule hautasimama utaendelea kujengwa kama ulivyopangwa.

Mheshimiwa Mwenyekiti, swali la pili naomba Mheshimiwa Mbunge awe na subira katika soko ila nimhakikishie tu kwamba ndani ya bajeti ya mwaka huu soko lile limetengewa fedha na Serikali ipo tayari kwa ujenzi wa soko hilo.