Name

Saashisha Elinikyo Mafuwe

Sex

Male

Party

CCM

Constituent

Hai

Primary Question

MHE. SAASHISHA E. MAFUWE K.n.y. MHE. NEEMA K. LUGANGIRA aliuliza:- Je, Serikali haioni haja ya kupitia upya Mkataba wa REA ili kuifanya REA iwe na jukumu la kufikisha umeme kwenye vituo vya huduma?

Supplementary Question 1

MHE. SAASHISHA E. MAFUWE: Mheshimiwa Naibu Spika, ahsante na kwa niaba ya Mheshimiwa Neema ninashukuru kwa majibu mazuri ya Serikali.

Mheshimiwa Naibu Spika, swali langu la kwanza, sasa hivi bei au gharama ya kuunganisha umeme nyumba ambayo tayari ina umeme kwa maana ya extension na bei ya gharama ya nyumba mpya ambayo haijawahi kuwa na umeme inafanana.

Je, Serikali haioni kwamba ipo haja ya kutenganisha bei hii hasa kwa nyumba ile ambayo tayari ina umeme ili iwe nafuu? (Makofi)

Mheshimiwa Naibu Spika, swali la pili, tunaishukuru sana Serikali imetuletea miradi zaidi ya minne ya umeme katika Jimbo la Hai, lakini bado vipo vitongoji ambavyo havijafikiwa na umeme. Kata ya Weruweru, Kata ya Mnadani, Kata ya Maili Sita, Kata ya Mnadani maeneo ya Maili Sita, pia Muungano, Boma Ng’ombe na maeneo mengine ambayo vitongoji vile havijafikiwa na umeme. Je, lini sasa Serikali itapeleka umeme kwenye vitongoji vilivyobaki katika Jimbo la Hai? (Makofi)

Name

Judith Salvio Kapinga

Sex

Female

Party

CCM

Constituent

Special Seats

Answer

NAIBU WAZIRI WA NISHATI: Mheshimiwa Naibu Spika, ahsante na ninamshukuru Mheshimiwa Mbunge kwa maswali yake.

Mheshimiwa Naibu Spika, moja, kuhusiana na gharama za kuunganisha umeme kwenye nyumba mpya na gharama za kuunganisha umeme kwenye nyumba ambayo tayari ilikuwa ina umeme na labda mita imeharibika.

Mheshimiwa Naibu Spika, gharama za kufanya connection kwenye nyumba ni zile zile. Gharama ya mita, gharama ya waya na labour charge kwa nyumba ambayo inabadilishwa na nyumba mpya gharama hazitofautiani. Kwa hiyo, gharama hizi zinakuwa calculated kulingana na mita, waya, pamoja na labour labda kama kwa maeneo ya mjini kunahitajika nguzo ndiyo pale kwa nguzo moja huwa tuna-charge shilingi 518,000 na ukiwekewa nguzo mbili tuna-charge shilingi 696,000. Hivyo, gharama za msingi za kuweka connection kwenye nyumba ni zilezile, ni constant hazibadiliki. (Makofi)

Mheshimiwa Naibu Spika, kuhusiana na swali la pili la Mheshimiwa Mbunge tunayo miradi ya vitongoji ambayo inaendelea pamoja na kwenye Jimbo la Hai mkandarasi yupo site kwa ajili ya vile vitongoji 15. Pia tuna mradi mwingine wa vitongoji ambao unakuja wa vitongoji 4,000. Nimhakikishie Mheshimiwa Mbunge na wananchi wa Jimbo la Hai na wenyewe watanufaika, ahsante. (Makofi)