Name

Asia Abdulkarim Halamga

Sex

Female

Party

CCM

Constituent

Special Seats

Primary Question

MHE. ASIA A. HALAMGA aliuliza: - Je, kuna mpango gani wa kuwaajiri vijana wa JKT walioshiriki ujenzi wa ukuta wa Mererani, Ikulu na maeneo mengine?

Supplementary Question 1

MHE. ASIA A. HALAMGA: Mheshimiwa Naibu Spika, ahsante sana, kwanza ninauliza maswali mawili ya nyongeza.

Mheshimiwa Naibu Spika, ninachukua nafasi hii kuishukuru sana Serikali yetu kwa kuendelea kuwajenga vijana katika misingi ya uzalendo, lakini katika misingi ya stadi za maisha.
Mheshimiwa Naibu Spika, swali langu la kwanza, kwa kuwa Serikali iliona kazi maalumu na kubwa ambayo imefanywa na vijana waliofanya kazi hiyo ya operation, waliojenga Ikulu pamoja na ukuta wa Mererani.

Je, Serikali haioni haja ya kuwachukua pia vijana waliojenga Chuo cha Mzumbe, Bwawa la Mwalimu Nyerere, nyumba za Ukonga pamoja na Msomela kwa sababu kazi za operation hazitokei kila mara, ni kazi ambazo zinatokea mara chache. Je, Serikali haioni haja sasa ya kuwachukua na vijana hao waliojenga maeneo mengine? (Makofi)

Mheshimiwa Mwenyekiti, swali langu la pili, Serikali haioni kuwa kwa kuwa JWTZ itakuwa ina nafasi labda zisizokidhi vijana wote. Serikali haioni haja sasa kuungana na vyombo vingine vya ulinzi na usalama ili kuwa na ile database ya vijana ambao wamefanya kazi maalumu, wakaweza kuwekwa kwenye majeshi mengine? (Makofi)

Name

Dr. Stergomena Lawrence Tax

Sex

Female

Party

CCM

Constituent

Nominated

Answer

WAZIRI WA ULINZI NA JESHI LA KUJENGA TAIFA: Mheshimiwa Naibu Spika, ahsante, swali la kwanza ambalo ameuliza, kuwachukua vijana wengine ambao wameshiriki katika operation mbalimbali alizozitaja, utaratibu wa kuwachukua vijana ni kama nilivyoeleza.

Mheshimiwa Naibu Spika, lakini ninafurahi na ninamshukuru kwamba katika swali lake la pili, ameeleza wazi nafasi za kuandikisha vijana jeshini ni chache. Kwa hiyo, tunawachukua vijana kulingana na mahitaji ya wakati huo, kulingana na taaluma walizonazo na vijana wote wanaopenda JKT hushiriki katika operation mbalimbali. (Makofi)

Mheshimiwa Naibu Spika, kwanza nawashukuru sana vijana wetu kwa moyo huo wa kujitolea na kufanya kazi hizi wanazokuwa wamepangiwa kwa umahili wa hali ya juu. Kwa hiyo, kadiri nafasi zinavyopatikana na kadiri mahitaji ya wakati huo yalivyo vijana mbalimbali huchukuliwa. (Makofi)
Mheshimiwa Naibu Spika, kuhusu kuwa na database, database ipo na tunashirikiana na vyombo mbalimbali vya ulinzi na usalama katika kuainisha vijana kuja kwetu. Kuainisha vijana ambao wana sifa kulingana na mahitaji yao. Kwa hiyo, tunafanya kazi pamoja na database ipo, lakini ikumbukwe tu kwamba Bunge hili lilitoa pia uhitaji au kigezo hicho. Kwa hiyo, pengine ni kulishauri Bunge likaangalia upya kigezo hicho ambacho kiliondolewa, ahsante. (Makofi)