Name

Amandus Julius Chinguile

Sex

Male

Party

CCM

Constituent

Nachingwea

Primary Question

MHE. AMANDUS J. CHINGUILE aliuliza: - Je, kwa nini Serikali isiweke utaratibu wa wastaafu kuhakikiwa kwenye halmashauri au kata badala ya utaratibu wa sasa wa kuhakikiwa mkoani? (Makofi)

Supplementary Question 1

MHE. AMANDUS J. CHINGUILE: Mheshimiwa Naibu Spika, pamoja na majibu mazuri ya Serikali yanayoonesha namna wanavyojali wastaafu, ninayo maswali mawili ya nyongeza.

Mheshimiwa Naibu Spika, wapo wastaafu ambao wanaishi vijijini na mbali sana na makao makuu ya halmashauri na afya zao wakati mwingine siyo nzuri, wakati Serikali inatengeneza mfumo mpya wa kidigitali, je, haioni haja sasa ya kuwasogezea huduma wazee hawa wastaafu ambao hali zao siyo nzuri kwa kutumia watendaji wa kata na vijiji?

Mheshimiwa Naibu Spika, swali la pili, je, ni mshahara gani hutumika katika kutengeneza pension hizi za wastaafu? (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Naibu Spika, ahsante, kabla ya kujibu maswali mawili ya nyongeza ya Mheshimiwa Mbunge ninaomba nimpongeze sana kwa kazi nzuri ambayo anaifanya, kwa kufuatilia jambo hili siku hadi siku. Ni mara kadhaa tunakutana ofisini kujadili suala hili. (Makofi)

Mheshimiwa Naibu Spika, ninaomba nichukue swali lake la kwanza kama ni ushauri, hivyo ushauri wake umepokelewa, tunaenda kuufanyia kazi, kwa sababu Serikali imeona hilo na ndiyo maana tukasema tunaenda kuanzisha mfumo maalumu wa kidigitali ambao utawawezesha wastaafu kujihakiki wenyewe kupitia simu zao za mkononi.

Mheshimiwa Naibu Spika, kuhusu swali la pili, mshahara ambao unazingatiwa wakati wa kutengeneza pension ni ule mshahara wa mwisho wa mtumishi. (Makofi)

Name

Janejelly Ntate James

Sex

Female

Party

CCM

Constituent

Special Seats

Primary Question

MHE. AMANDUS J. CHINGUILE aliuliza: - Je, kwa nini Serikali isiweke utaratibu wa wastaafu kuhakikiwa kwenye halmashauri au kata badala ya utaratibu wa sasa wa kuhakikiwa mkoani? (Makofi)

Supplementary Question 2

MHE. JANEJELLY J. NTATE: Mheshimiwa Naibu Spika, ahsante! Maboresho hayo ni lazima yaendane na nyongeza ya kima cha malipo ya pensheni. Ni lini mtawaongezea hawa wastaafu wanaolipwa na Wizara ya Fedha kiwango cha malipo kila mwezi?

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Naibu Spika, ninaomba kujibu swali la nyongeza la Mheshimiwa Mbunge kama ifuatavyo:-

Mheshimiwa Naibu Spika, suala la ongezeko la fedha ama la peshneni kwa wastaafu wetu ni suala ambalo linafuata taratibu na mchakato sasa hivi upo unaendelea nimwombe Mheshimiwa Mbunge awe na subira ataona matokeo chanya baada ya siku chache...