Name

Eng. Ezra John Chiwelesa

Sex

Male

Party

CCM

Constituent

Biharamulo Magharibi

Primary Question

MHE. ENG. EZRA J. CHIWELESA aliuliza:- Je, nini mpango wa Serikali kuhakikisha Wahitimu wa Mafunzo ya Jeshi USU wanapata haki ya ajira sawa na Watanzania wengine?

Supplementary Question 1

MHE. ENG. EZRA J. CHIWELESA: Mheshimiwa Spika, nashukuru kwa majibu mazuri ya Serikali, lakini labda nitoe maelezo kidogo kabla ya kuuliza maswali. Majibu yanasema kila Mtanzania mwenye sifa anayo haki ya kuomba, lakini ninachojua kwenye hili, Jeshi la Uhifadhi si kila Mtanzania mwenye sifa, ila ni aliyeandaliwa na familia yake mwenyewe kwa sababu, they don’t train them, wazazi wanawaandaa halafu baada ya hapo wanabaki ku-compete kwa ajira. Kwa hiyo, si kila Mtanzania ni baadhi ya watu ambao wameandaliwa na wazazi wao.

Mheshimiwa Spika, sasa maswali yangu ni mawili. Swali la kwanza; ndani ya Bunge hili tuliondoa kigezo cha JKT, kwa ajili ya ajira hizi za majeshi na maeneo mengine ambayo yalikuwa yana demand kigezo cha JKT, lakini kwenye hili Jeshi la Uhifadhi kumekuwa na kigezo cha miaka 25. Sasa kigezo hiki una-train mtu kwa pesa ya mzazi mwenyewe halafu huna uwezo wa kumwajiri, huwezi kuajiri wote uliowa-train na hawana sehemu ya kuajiriwa kwa sababu, wao kazi yao wamejifunza kulinda wanyama na nini? Sasa inafikia stage hujawaajiri wote, leo unamwambia aliyevuka miaka 25 huwezi kumwajiri, ilhali tayari ameishakuwa trained, ni mwanajeshi yule. Kwa sababu, ame-train-niwa kutumia silaha na vitu vingine. Sasa je, hamuoni iko haja ya kusimamisha mafunzo yao haya kwanza, waajiri wote walio mtaani ambao wazazi wametoa pesa, wameuza viwanja wakawasomesha, ili waweze kuajiriwa wote waishe kwa sababu, waliwa-train wao na hamna sehemu ya kuwapeleka. (Makofi)

Mheshimiwa Spika, swali la pili; kwa sababu, wanajiita jeshi na experince ya majeshi mengine kama Magereza, Polisi, Jeshi la Wananchi, Uhamiaji na mengine yamekuwa hayawa-demand wazazi ku-train watoto, ili nyie muweze kuwaajiri, yamekuwa yanachukua watoto fresh from school, wanawa-train wenyewe, wakishamaliza ku-train wanawaajiri wao wenyewe moja kwa moja. Je, hawaoni na wao iko haja ya kufuata mfumo ule, kuliko kutesa wazazi ku-train watoto ambao wanakuja kuajiriwa kwenye majeshi? Ahsante sana. (Makofi)

Name

Dunstan Luka Kitandula

Sex

Male

Party

CCM

Constituent

Mkinga

Answer

NAIBU WAZIRI WA MALIASILI NA UTALII: Mheshimiwa Spika, nakushukuru. Naomba kujibu maswali ya Mheshimiwa Chiwelesa kwa pamoja:-

Mheshimiwa Spika, kwanza nikushukuru sana wewe binafsi, tarehe 2 Septemba, uliruhusu hoja binafsi ya Mheshimiwa Ng’wasi Kamani ijadaliwe ndani ya Bunge hili. Kupitia mjadala ule, Serikali tulivuna mawazo, hekima na busara kubwa sana kutoka kwenye Bunge lako. Mawazo ambayo ndani ya Serikali kwa sasa tunayafanyia kazi. (Makofi)

Mheshimiwa Spika, niwaombe Waheshimiwa Wabunge, waiamini Serikali yao. Tuliyapokea maoni yale, tunayafanyia kazi, lakini vilevile vyuo hivi ndani ya Taasisi za Uhifadhi chini ya Wizara yetu vinahudumia Sekta pana ya Maliasili na Utalii, ambaye ni Mwajiri Mkuu kwenye Sekta hii; anaweza kuonekana kwamba, ni Serikali, lakini kwa kiasi kikubwa Sekta Binafsi inaajiri kwa kiwango kikubwa vijana wetu. Halmashauri zetu zote nchini Maafisa Wanyamapori wanatokana na vyuo hivi, kwa hiyo, kusema kwamba, ajira zinazotokana na vyuo vyetu hazipo, nadhani siyo sawa sana.

Mheshimiwa Spika, vyuo vyetu vimetoa wahitimu ambao wanaajiriwa kwenye Sekta Binafsi, Mashirika Yasiyo ya Kiserikali, Taasisi za Kimataifa na ambao wamekwenda kwenye Taasisi za Kimataifa wamefanya kazi nzuri sana inayoliletea sifa Taifa letu. Nirejee kusema tunaliomba Bunge lako Tukufu na Waheshimiwa Wabunge watuamini jambo hili tunalifanyia kazi ndani ya Serikali. (Makofi)