Name

Asha Abdullah Juma

Sex

Female

Party

CCM

Constituent

Special Seats

Primary Question

MHE. ASHA ABDULLAH JUMA aliuliza:- Je, Serikali imejenga mabwawa makubwa mangapi nchini?

Supplementary Question 1

MHE. ASHA ABDULLAH JUMA: Mheshimiwa Spika, ahsante sana. Ninashukuru sana kwa majibu ya kina kutoka kwa Mheshimiwa Waziri, lakini nina maswali mawili ya nyongeza.

Mheshimiwa Spika, swali la kwanza; tumeshuhudia mvua kubwa hivi karibuni na siku za nyuma na upotevu wa maji mengi ya mvua ambayo ni muhimu kwa kilimo. Je, Serikali ina mpango gani wa kuainisha maeneo yale ambayo maji yanaendelea kupotea na kujenga mabwawa ya wastani na madogo madogo kwa ajili ya kilimo ambacho ndiyo uti wa mgongo wa nchi yetu? (Makofi)

Mheshimiwa Spika, swali la pili; mara kadhaa tumeshuhudia mafuriko katika maeneo ya Rufiji, ambayo yameharibu kilimo makazi, miundombinu hata maisha ya watu. Je, ni lini Serikali itafanya utafiti mahsusi wa kujua ni aina gani ya mabwawa yajengwe kwenye maeneo hayo ili kugema haya maji kwa maendeleo ya kilimo nchini?

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Spika, ahsante sana. Nimthibitishie tu Mheshimiwa Mbunge kwamba Serikali tuna mpango madhubuti; ambapo tulishapata maelekezo kutoka kwa Mheshimiwa Rais; wa kujenga mabwawa makubwa 100 nchi nzima. Mpango huo ambao tunao katika hatua ya sasa tumewakabidhi washauri waelekezi kwa ajili ya kuandaa usanifu wa maeneo hayo yote.

Mheshimiwa Spika, kazi hii itafanyika ndani ya kipindi cha miezi sita na baada ya hapo tutakuwa na taarifa kamili na tutaanza sasa kujua tunatafuta pesa wapi na kuanza kutangaza tender ili tupate wakandarasi. Kwa hiyo, hatua hiyo ipo kwa sasa hivi. (Makofi)

Mheshimiwa Spika, kuhusu Bonde la Mto Rufiji ambako kumekuwa na mafuriko makubwa na yenyewe ni kwamba msanifu mkubwa kampuni ya SABA ipo kule site sasa hivi. Wakishamaliza maana yake tutatangaza tender haraka kwa sababu haya yalikuwa ni maelekezo ya Mheshimiwa Rais wakati ule mafuriko yametokea. Kwa hiyo tender hizi zitafanyika katika mwaka huu wa fedha, ahsante.

Name

Agnes Elias Hokororo

Sex

Female

Party

CCM

Constituent

Special Seats

Primary Question

MHE. ASHA ABDULLAH JUMA aliuliza:- Je, Serikali imejenga mabwawa makubwa mangapi nchini?

Supplementary Question 2

MHE. AGNES E. HOKORORO: Mheshimiwa Spika, je, katika hayo mabwawa 100, upo uwezekano wa kujenga bwawa moja kubwa kutokana na Bonde la Mto Lukuledi ambalo pia limekuwa likisababisha madhara katika Mkoa wa Lindi na Mtwara? Ahsante.

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Spika, ni kwamba Bonde la Mto Lukuledi ni miongoni mwa maeneo ambayo yapo katika mpango. Hayo mabwawa 100 ni mabwawa yote nchini katika maeneo yote nchi nzima, yaani hakuna mkoa ambao tumeuacha katika maelekezo haya ambayo tunakwenda kuyatekeleza. Ahsante.