Name

Eng. Stella Martin Manyanya

Sex

Female

Party

CCM

Constituent

Nyasa

Primary Question

MHE. ENG. STELLA M. MANYANYA aliuliza:- Je, lini Bandari mpya ya Mbambabay itaanza kujengwa?

Supplementary Question 1

MHE. ENG. STELLA M. MANYANYA: Mheshimiwa Spika, ahsante. Kwanza kwa dhati ya moyo wangu na kwa niaba ya wananchi wa Jimbo la Nyasa, naomba nitoe shukrani nyingi sana kwa Mheshimiwa Rais pamoja na Wizara ya Uchukuzi kwa ujumla kwa kazi hii. (Makofi)

Mheshimiwa Spika, nina maswali mawili madogo ya nyongeza. Moja; kwa kuwa katika mradi huu tuliomba pia tujengewe mnara wa alama ya Mji wa Mbamba Bay ambao utakuwa unautambulisha mji wetu pamoja na wilaya kwa ujumla. Je, ni hatua gani imefikiwa katika kufanya kazi hiyo? (Makofi)

Mheshimiwa Spika, jambo la pili; kwa sasa tumeshuhudia kwamba vifaa vingi vimeshushwa kupelekwa Mbambabay kwa ajili ya kuanza ujenzi wa bandari hii. Swali langu ni kwamba, ni namna gani vijana pamoja na wananchi wa Mbambabay kwa ujumla watafanikisha katika kupata ajira zitakazotokana na kuendeleza mradi huu?

Name

Eng. Godfrey Msongwe Kasekenya

Sex

Male

Party

CCM

Constituent

Ileje

Answer

NAIBU WAZIRI WA UJENZI K.n.y WAZIRI WA UCHUKUZI: Mheshimiwa Spika, ahsante. Naomba nijibu maswali mawili ya nyongeza ya Mheshimiwa Mbunge kama ifuatavyo:-

Mheshimiwa Spika, ni kweli hili lilikuwa ni ombi la wananchi wa Nyasa kupitia Mbunge wao Mheshimiwa Stella Manyanya, kuhusu kujengewa Mnara ambao utatambulisha Mji wa Nyasa. Nimhakikishie Mheshimiwa Mbunge kwamba maelekezo yalishatolewa kwa Mtendaji Mkuu wa Bandari, kwamba mkandarasi ambaye anajenga bandari ahakikishe kwamba anajenga mnara huo ikiwa ni sehemu ya CSR kwa wananchi wa Nyasa pamoja na CSR sehemu zingine ambazo atafanya.

Mheshimiwa Spika, kuhusu ajira tumekuwa na utaratibu pale ambapo miradi inatekelezwa maeneo yoyote na kazi ambazo hazihitaji ujuzi maalum basi kipaumbele kiwe kwa wananchi ambao mradi huo unatekelezwa. Nichukue nafasi hii kumwelekeza Meneja wa Bandari ahakikishe kwamba wananchi wa Nyasa na hasa vijana wanapewa kipaumbele kwa ajira ambazo hazihitaji ujuzi maalum. Ahsante.