Name

Sophia Hebron Mwakagenda

Sex

Female

Party

CHADEMA

Constituent

Special Seats

Primary Question

MHE. SOPHIA H. MWAKAGENDA aliuliza: -

Je, Vijiji vinavyozunguka Kiwanda cha Gesi ya Kiwanda kilichopo Kata ya Itagata Rungwe vinapata faida gani kutokana na kuwepo kwa kiwanda hicho?

Name

Dr. Stephen Lemomo Kiruswa Mamasita

Sex

Male

Party

CCM

Constituent

Longido

Answer

NAIBU WAZIRI WA MADINI alijibu: -

Mheshimiwa Spika, Kiwanda cha Gesi kilichopo Kata ya Itagata Wilaya ya Rungwe Mkoa wa Mbeya ni kiwanda cha kuzalisha Gesi Ukaa (Carbon Dioxide) na kinamilikiwa na Kampuni ya TOL Gases Limited.

Mheshimiwa Spika, faida za kiwanda hiki kwa Halmashauri ya Wilaya ya Rungwe kwa kipindi cha kuanzia Januari, 2020 hadi Oktoba, 2024 ni pamoja na malipo ya kiasi cha shilingi milioni 213 kama ushuru wa huduma (Service Levy) kwa halmashauri; kuchangia kiasi cha shilingi milioni 159 kwa ajili ya ujenzi wa vyumba viwili vya madarasa katika Shule ya Msingi Isebe; vyumba viwili vya madarasa, pamoja na Ofisi ya Shule ya Sekondari Itagata; ujenzi wa uzio katika Shule ya Msingi ya Katumba na ununuzi wa vifaa vya ujenzi wa darasa katika Shule ya Sekondari ya Itagata; pamoja na Ofisi ya Kijiji, na kutoa ajira za kudumu 112 na ajira za muda mfupi takribani 150 kwa wananchi wanaotoka maeneo yaliyo jirani na kiwanda kama sehemu ya uwajibikaji wao kwa jamii, kwa mujibu wa Kanuni za Uwajibikaji wa kampuni za Uchimbaji madini kwa Jamii (corporate social responsibility - CSR).

Mheshimiwa Spika, kwa kuwa leseni ya madini ya mradi huu ipo katika Halmashauri mbili za Wilaya za Rungwe na Busokelo, kwa mwaka 2024 kampuni ya TOL Gases Limited iliwekeana mkataba na Halmashauri ya Busokelo kwa ajili ya utekelezaji wa mradi wa ujenzi wa mabweni ya Shule ya Msingi Lupata kwa thamani ya shilingi milioni 39.7 ambapo mradi huo umekamilika.

Mheshimiwa Spika, vilevile kampuni ya TOL Gases inatarajia kukaa na Halmashauri zote mbili mwezi Desemba, 2024 ili kuandaa na kuweka mpango wa utekelezaji wa CSR kwa mwaka 2025.