Name

Sophia Hebron Mwakagenda

Sex

Female

Party

CHADEMA

Constituent

Special Seats

Primary Question

MHE. SOPHIA H. MWAKAGENDA aliuliza: - Je, Vijiji vinavyozunguka Kiwanda cha Gesi ya Kiwanda kilichopo Kata ya Itagata Rungwe vinapata faida gani kutokana na kuwepo kwa kiwanda hicho?

Supplementary Question 1

MHE. SOPHIA H. MWAKAGENDA: Mheshimiwa Spika, ahsante. Kwa kuwa CSR inatolewa kwa kampuni au uwekezaji; na majibu aliyoyatoa Mheshimiwa Waziri amesema ni mwaka 2020 mpaka 2024; siyo kweli, kwa sababu wametoa mpaka 2022. Kwa miaka hii miwili hawajatoa chochote kwa vijiji husika. Hilo ni la kwanza.

Mheshimiwa Spika, swali la pili, kwa kuwa wenzetu hawa wanapitisha malori makubwa sana yaliyobeba gesi na kuharibu barabara; na kijiji kilishawaomba watengenezewe barabara japo kwa changarawe lakini hawajafanya hivyo: Je, kama Waziri, anatoa tamko gani ili watu hawa waweze kufaidika na gesi hiyo?

Name

Dr. Stephen Lemomo Kiruswa Mamasita

Sex

Male

Party

CCM

Constituent

Longido

Answer

NAIBU WAZIRI WA MADINI: Mheshimiwa Spika, kwa swali lake la kwanza, kama mwekezaji huyu kakoma kutoa CSR tangu mwaka 2022, nitumie fursa hii kumwelekeza kwamba kwa mujibu wa uwajibikaji wa kampuni za uchimbaji madini kwa jamii, ni lazima kila mwaka atenge fungu la kuweza kusaidia miradi ya maendeleo ndani ya jamii.

Mheshimiwa Spika, uzuri ni kwamba, fungu hili huwasilishwa kwenye halmashauri na vipaumbele vinawekwa ili aweze kuendelea kutekeleza hili. Kwa hiyo, nimwagize Afisa Madini Mkazi wa Mbeya afuatilie suala la CSR kwa mwekezaji huyu ili ajue kwa nini tangu mwaka 2022 hajatoa, kama maelezo ya Mheshimiwa Mbunge ndiyo sahihi?

Mheshimiwa Spika, swali lake la pili alisema malori hayo yanayopita kwenye hii barabara anayoisemea na kuiharibu ni sehemu ya wajibu wake kwa jamii ile, kupitia lile fungu analolitenga ambalo ni fungu la kutengeneza mahusiano yake na jamii, kuhakikisha kwamba hii barabara inakuwa sehemu ya fedha anazochangia kuitengenezea jamii waweze kupita bila bughudha kwa sababu ya malori yake kuiharibu. Kwa hiyo, pia nitumie fursa hii kumwagiza kwamba aangalie hiyo barabara aiweke katika mpango wake wa miradi ya kutekeleza kupitia mfumo wa CSR uliowekwa kisheria na Wizara.